Juan 11:5 - La'aqtaqa Ñim Lo'onatac 'Enauacna 2013

⁵ Qaq So Jesús ỹataqta nauochaxaua aso Marta, qataq aso lqaỹa, qataq so Lázaro.

Nuevo Testamento Toba Sur

⁵ Qaq nai'ctaxa da so Jesús ÿataqta nauochaxaua aso Marta, qataq aso lqaÿa, qataq so Lázaro,

Nuevo Testamento Toba Sombrero Negro

⁵ Qa'ejole Jesús jalcote da'me noqopita jañe'me Marta chaqañe'me laqaya María nataq'aen ga'me Lázaro.

Juan 11:5 Referans Kwoze

Juan 17:26

Aỹem mashe saỹaanaxanaxaneque naamaye da qoneta, qalaxaye ñaqaiyeta Aỹem ñaq shecto'ot da 'am sa'axattac, yaqto' naamaye nache queto'oto da Aỹem na'attaua'alo qataq ỹauotec na laỹepi, 'eeta'am 'am qataq Aỹem da ỹataqta ñauotaxa't.

Juan 16:27

Ñimaye qami' ỹauoteque, souaxat da Aỹem qauauochec, qataq qaua'amaqchiñi Ñim Ita'a maye Aỹem namaq.

Juan 11:36

Nache so shiỹaxauapi maiche na'aqtaxaatega't, 'eeta': –Ña qauloỹa damaye ỹataqta 'eesa da lauotaxat yemaye.

Juan 11:8

Nache soua lapaxaguenataqa, 'eetegalo Somaye, 'eeta': –'Am Napaxaguenataxanaq, ñaq cheta'ague da huo'o nam judiopi maye lma' yi'iye 'alhua, nshetaique da 'am ỹalauat, da 'am ira'a na coma' qalaq ¿ta'ainco' ye qaltaq 'anshetaique da 'aỹa yemaye?

Lucas 10:38

Co'ollaq taỹa'ague da Jerusalén So Jesús qataq soua lapaxaguenataqa, nache huo'o ye taaleguete nỹecpi. Qaq yemaye, nache hueta'a aso 'alo le'enaxat Marta asomaye ỹaconeguet So Jesús qataq ỹauegueua'a so lma'.

Lucas 10:40

Qaq aso Marta, qalaxaye ỹataqta qaica ca ldaqa', cha'aye ỹo'ottac so nallec qataq 'enauac nam laỹepi lo'onatacpi ye lma'. Ỹoqo'oye nquigueua'a So Jesús, nache 'enapega, 'eeta': –'Am Ỹataxala', ¿ỹataqta qaico' ca taỹapigui 'arhuel ye añi ỹaqaỹa aỹem ndoqteeteguet 'enauac nam ỹo'onatacpi? Qonapega taxa añimaye da aỹem itauan.

Lucas 10:41

Qalaxaye So Jesús ỹasategueto' asomaye, 'eeta': –Marta, Marta, ¿ta'ainco' ye ỹataqta 'aumatalec da 'arhuogoxo nam chochaqna? Huo'o da 'oonolec maye ỹataqta 'onaxaic. Qaq añi María lca'ateua'a, qaq damaye qaica ca ishet da nqat.

Juan 11:1

Qaq huo'o so shiỹaxaua le'enaxat Lázaro, somaye sa no'on. Qaq somaye naigui so lma' ye nỹecpi le'enaxat Betania, yem nataqa'en lma' aso María qataq aso lqaỹa Marta.

Juan 11:3

Nache se'esoua dos nqaỹa't, ỹamaxalo co'ollaxa da la'aqta'c So Jesús, 'eeta': –'Am Nataxala', yem 'anauochaxaua Lázaro, yemaye sa no'on.

Juan 11:6

Qalaxaye co'ollaq qaỹa'aqtaxanem da so Lázaro sa no'on, nache Somaye queuoiguilo soua dos na'axa'te da ñaq hueta'a cam netaña.