Juan 11:48 - La'aqtaqa Ñim Lo'onatac 'Enauacna 2013

⁴⁸ Cha'aye qomi' da sa'axasoqta'a Somaye, nache 'enauac na shiỹaxauapi ỹa'amaqten da nacheso So Lca'aguishec Ñim Lo'onatac 'Enauacna. Nache anac na romanopi, nache ilaxachigui añi qaro'onaxanaxaqui late'erai qataq nam qarhuo' le'ecpi.

Nuevo Testamento Toba Sur

⁴⁸ Cha'ayi qomi' da sauaxasoqta'a da nachi 'eetai' de'eda, nachi 'enauac qome na shiÿaxauapi i'amaqten somayi. Nachi nam nta'alpi mayi lma' yi Roma ishit qome da anac, nachi ilaxachigui añi qad'onaxanaxaqui qataq nam qadhuo' l'ecpi.

Nuevo Testamento Toba Sombrero Negro

⁴⁸ Qom ch'e jomachaqa'ta, qama'le ena'uaque ga'me jiyaĝadipi 'yamaqate'n qomle joñe'me. Qom naq'aeta qama'le na'taquena qomle gaa'me nejaliaĝanaqa jo'ne Roma laje' da'me nolaĝachidiñe jena'me mach'e qanetamenaĝaiqui nataq'aen da'me 'naĝa't jena'me qadayi.

Juan 11:48 Referans Kwoze

Hechos 5:28

–Qomi' mashe ime da qami' seqataqtegalo da saishet da qauapaxaguenataxañic da na'aqtaguec So Jesús, qalaxaye qami' saishet da qomi' qaualaqaigueta. 'Enauac na Jerusalén da qaua'aqtaxañiiteguem So Jesús, ivira'a da qomi' qanmaqaileguete da qoñiitega da qomi' salauataq Somaye.

Lucas 11:52

¡Ỹataqta qauem da qa'aita'ague qami' maye qauapaxaguenataxañiiteguec na namaxasoxonaxacpi! Cha'aye qami' ỹataqta qauaỹachiñiita da naigui da 'eetec da qaỹauatton Ñim Lo'onatac 'Enauacna, qalaxaye qaica ca qauo'oche cam ỹachaxan da 'eesa da qauauattoñiita Ñimaye, ivira'a da sa qauashiñim nataqa'en da huo'o ca lỹa maye huotaique ỹauatton Ñimaye.

Lucas 8:12

Qaq asom nañiguishe maye tatelec so nqa'aic, qalaq naigui ca shiỹaxaua maye na'axaỹaxaatac. Qalaxaye anac som pa'aguenataxanaxaic, nache ỹo'otec da icoua'ai naqa'en som na'aqtac maye huetaigui añi lquiyaqte, yaqto' saishet da da'amqaanataxan qataq saishet da ỹaconeguet da nca'alaxa maye ỹachaxaatac Ñim Lo'onatac 'Enauacna.

Mateo 27:25

Nache so shiỹaxauapi nmasheguem da ỹasat, 'eeta': –¡Qomi' qataq na qoyalaqpi ñachoxola't qome da qarasouaxashet da l-leuaxa de'era ỹale!

Mateo 22:7

Nache se'eso nta'a ỹataqta dalemata, nache ỹamaq so nalleppi, da yaqto' ỹalauat 'enauac se'eso ncoyeguenatacpi qataq da ỹavigaxat 'enauac na lma'pi somayepi.

Juan 1:7

Qaq somaye anac, da yaqto' ỹa'axatem na shiỹaxauapi de'era, yaqto' 'enauac na shiỹaxauapi ishet da ỹa'amaqten de'era yo'oqchiguiñi.

Mateo 22:9

Qaq ỹoqo'oye qoqui qome, qoquiiguelo naua lta'al nqa'aico. Nache qaucoyiguiñi 'enauac cam qanateñiỹa'aguet da yaqto' naua'a da naronaxac.›

Mateo 24:15

So Jesús queto'ot da na'aqtaxaategueto soua lapaxaguenataqa, da'aqtaxaateguema cam loga't ana 'alhua, nache 'enapeco': Cam itaxaỹaxan de'era, nache iuen da npogoxoinapegue' da ỹaỹaten dam ỹa'axat som la'aqtaxanaxanec Ñim Lo'onatac 'Enauacna le'enaxat Daniel. Somaye ỹiyiñi co'ollaxa da huo'o ca na'a'q, nache qoỹaneua'a aca qauem nachetaqtaxanaqte añi no'onaxanaxaqui late'erai. Qaq qom qauloỹa'a yi'iye ndaqa' añi no'onaxanaxaqui maye sa qaishetapec da ipacchigui dam ỹa'axat co'ollaxa so na'aqtaxanaxanec, nache qami' qome qauataiuec.