Juan 11:40 - La'aqtaqa Ñim Lo'onatac 'Enauacna 2013

⁴⁰ Qalaxaye So Jesús 'enapeco': –¿Saisheto' da 'am sheetega quiye da huo'otaq 'aua'amaqten Aỹem, nache ishet da 'aulogui da la'añaxac Ñim Lo'onatac 'Enauacna?

Nuevo Testamento Toba Sur

⁴⁰ Qalaxayi so Jesús 'enapeco': –¿Sa ishito' da 'am shiitega caillaxa da huo'otaq 'au'amqajnataxan, nachi ishit da 'aulogui da lli'oxoyic ñi Dios?

Nuevo Testamento Toba Sombrero Negro

⁴⁰ Jesús 'yateguet jañe'me: —¿Qo'li ja joote am ja'aĝatem da'me qom auep'iya'a, qama'le auana qomle da'me 'lonaĝac ñe'me Dios?

Juan 11:40 Referans Kwoze

Juan 11:4

Nache So Jesús co'ollaq hua'axaỹa de'era, nache 'eeta': –De'era lalolaxa, damaye saishet da taỹa'a ca l-leuaxa. Chaqrata da yaqto' damaye ishet da chegoqchigui da ỹachaxan da la'añaxac Ñim Lo'onatac 'Enauacna, qataq da na'añaxac maye Aỹem hueto'ot, Aỹem maye Aỹem Llalec Ñim Lo'onatac 'Enauacna.

Salmos 63:2

Da yaqto' sauaachigui da 'ara'añaxac qataq da 'ayo'oxoyec, 'eeta'am co'ollaq 'am ñauane' huaña añi atamnaxaqui maye 'aralamaqte.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

2 Crónicas 20:20

Qaq so nte'etom so lỹa na'a'q, nache ñisheguem somayepi da yaqto' taỹa ye toolec 'alhua ye Tecoa. Qaq co'ollaq mashe ivita da jec, nache so Josafat, nachaañi nache 'eeta': «Ñaq aỹem qana'axaỹaxañiỹa qami' shiỹaxauapi maye qarma'ai na Judá, qataq na Jerusalén, qaupi'iỹa'ai qome Ñim Nataxala' maye Qanatamnaxala'ai, yaqto' qami' nca'alaxatrec, qataq qaupi'iỹa'ai qome nam la'aqtaxanaxanecpi Ñimaye, yaqto' 'enauac cam qauo'oche ỹataqta ỹaỹamaqchiguiñi.»

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Salmos 90:16

Ña ỹauaachigui 'anqa'en da 'aro'onataxanaxac na 'aramaxashecpi, qataq da 'ayo'oxoyec ỹauaachigui 'anqa'en qome cam chegoxoguetpi namayepi.

Juan 9:3

Nache So Jesús 'enapegalo soomaye, 'eeta': –Saishet da chegoqchigui ca maiche lasouaxashet ñimaye, huo'otaq ca lasouaxashe't caua lta'al. Cha'aye damaye, nache qoỹena'ac, yaqto' ishet da qaila'a cam ỹo'ot Ñim Lo'onatac 'Enauacna da chegoqchigui ñimaye.

Juan 12:41

Qaq so Isaías 'enapec co'ollaxa de'era, cha'aye souaxat da ỹauaachigui da llo'oxoyec So Jesús. Huaña, nache ỹa'axattac Somaye.

Éxodo 16:7

Qaq qonte' nte'eta, qaq qauauañiichigui ca llo'oxoyec Ñim Nataxala', cha'aye Ñimaye hua'aqtegalo qami' da qoquiitapeguelec. Cha'aye ¿negue't qomi' da huo'otaq qomi' qoquiitapegueleguete?

Mateo 17:20

Nache So Jesús 'enapeco': –Cha'aye qami' saishet da huo'o ca qarpi'iỹaxaqui Ñim Lo'onatac 'Enauacna. Qaq ỹataqta 'eesa de'era qami' sa'aqtaxanema da huo'otaq qami' huo'o ca qarpi'iỹaxaqui, na'aictaxa da lcatam aca ala ana nañiguishe le'enaxat mostaza, qalaq ishet da qoñiỹapega aca qaỹoqotcheguemec 'alhua da ca'ai ca hueta'a, nache qami' ỹalaxagueta. ¡Nache qaica ca alaq da qauataiỹa'aguet!

Marcos 9:23

Nache So Jesús inat somaye, 'eeta': –¿'Aupi'iỹa'a Ñim Lo'onatac 'Enauacna? Cha'aye cam pi'iỹa'a Ñimaye, nache qaica ca alaq.

Romanos 6:4

Co'ollaq qomi' qanachelaxa'n, nache seleuaq qataq qarỹachiguiñi' Somaye da qomi' qailalyiñi. Qalaxaye seleuaq da yaqto' qomi' qanca'alaxatre'c. Qaq 'eeta'am co'ollaq Ñim Lo'onatac 'Enauacna maye Qarta'a da irolec da lta'araic la'añaxac da nca'alaxatec So Jesús, nache nataqa'en 'eetec de'era da qomi' ỹanema da achaalataxac maye dalaxaic maye ishet da qolaqto'ot.