Juan 11:35 - La'aqtaqa Ñim Lo'onatac 'Enauacna 2013

³⁵ Nache So Jesús nỹeetac.

Nuevo Testamento Toba Sur

³⁵ Nachi so Jesús noÿiitac.

Nuevo Testamento Toba Sombrero Negro

³⁵ Qama'le Jesús noyen.

Juan 11:35 Referans Kwoze

Lucas 19:41

Qaq co'ollaq mashe nayeetaua'a ye Jerusalén, nache co'ollaq ilaua'a yemaye, nache So Jesús nỹeelec som shiỹaxauapi maye hueta'a yemaye.

Hebreos 4:15

Da lle'eguenataxanaxac so pa'aguenataxanaxaic co'ollaq ỹe'eguen So Jesús, nache 'eeta'am da lle'eguenataxanaxac nagui da qomi' ỹe'egue'n da yaqto' ỹauo'o ca qarasouaxashet, qalaxaye So Jesús co'ollaxa saishet da huo'o ca lasouaxashet. Qaq ỹoqo'oye Somaye ỹaỹaten da saqalaq da qaỹalaxaguet Ñim Lo'onatac 'Enauacna.

Juan 11:33

Nache So Jesús co'ollaq ila'a da nỹeetac aso María qataq so judiopi maye nnaictague', nache Somaye ỹataqta huo'o da laquicoxo, qataq nomteguet da 'eeta lta'araic da lquiyaqteỹaxac.

Isaías 53:3

na ỹalleppi qalaq ỹo'otan co'ollaxa qataq sa ỹaconeguet. Ỹale maye nlaqchigui da nqui'ic, qataq nala'aguet da nque'eenaxac. Qataq 'eeta'am ca sa iuen da qailotagui, nache 'enauac qomi' da so'otanaq qataq saishet da sauotaxac.

Jeremías 13:17

Qalaxaye da saqaualaqai, nache aỹem sepa'axaatauo qome da ñenoinaxac souaxat da qaño'oxonnaxaqui, naua ỹa'ai'te qalaq huecolde'c qome naua ỹache', cha'aye ana lalopi qaguetapi Ñim Nataxala', qaỹauec qome da qaicoñe'.

Salmos 119:136

Cha'aye naua lache' naua ỹa'ai'te qalaq 'eeta'am ca tala da ipaxaalec, souaxat da sa qaỹalaxagueta naua 'arqataxaco.

Da na'aqtaguec so Job 30:25

¿Peta'a saisheto' co'ollaxa da ñeỹeetapeguelec na huo'o da nque'eenaxac, qataq saisheto' peta'a da sa sechoxoren nam huo'o da lhuenaxanaxa?

Jeremías 14:17

'Aua'aqtaxanem qome na nhuo' le'ecpi de'era, 'eeta': ‹Naayiñi qome naua ỹache' chegaqaiguilo naua ỹa'ai'te, nache saishet da vi'iigueta ye na'a'q qataq ye pe, souaxat dam chaqaic qataq qauem maye huaigui na ihuo' le'ecpi, qataq dam lta'araic lque'emaxa.

Isaías 63:9

Qaq saishet co'ollaxa da lamaxashec cam nca'alaxatec namayepi, maye nacheñi Ñimaye da maiche nca'alaxatec. Ñimaye isouec namayepi souaxat da lauotaxanaqtaic qataq da lchoxonnataxanaxa, ỹanaxanaxaasheguem qataq nachesheguem huota'aisalo naua lhua'q, 'eeta'am dam ỹo'ottac co'ollaxa soua hua'au' vi'iye.

Génesis 43:30

nache so José nomteguet da ntonaxac co'ollaq ilo'ot so lqaỹa, nache ỹataqta sa nalo'oguet da nnoinaxac. Nache iỹalapigui' da taigui so lma', huaña nache nỹeetac.

Lamentaciones 1:16

Qaq ỹoqo'oye aỹem ñeỹeetac, naua ỹa'ai'te qalaq nlaxaguilo na ỹache', cha'aye qaica ca aỹem ỹa'añaqchet, qataq qaica ca aỹem ỹanem ca dalaxaic ỹa'añaxac. Som ỹalaqpi qalaq 'enauac qanlaxatchiguiñi, cha'aye qomi' napacaleguete da la'añaxac som qampa'aguenaxauapi.

Jeremías 9:1

¡Da iyaxa da naua ỹa'ai'te, 'eeta'ama ca mpaxaatasheguem 'etaxat, qataq 'eeta'am ca la'auaxac da yaqto' ñeỹeetac ye na'a'q qataq ye pe, souaxat so leuaxaicpi na ihuo' le'ecpi!

Lucas 19:11

Qaq So Jesús co'ollaq mashe saqaỹapeque ye nỹecpi ye Jerusalén. Nache so shiỹaxauapi maye na'axaỹaxaatega Somaye, ipi'itaxaatega da Ñim Lo'onatac 'Enauacna mashe ivita ca laloqo' da ilo'ogue 'enauacna.

Juan 11:34

Nache inat somayepi, 'eeta': –¿Chaq hua'ague ca qaỹachaña co'ollaq qailareñi camaxa? Nache somayepi, 'eeta': –'Am Nataxala', 'auanaicna'a, 'ena namaye.