Juan 11:28 - La'aqtaqa Ñim Lo'onatac 'Enauacna 2013

²⁸ Qaq co'ollaq ime de'era la'aqtac aso Marta, nache asomaye jec da iỹaxana aso lqaỹa María. Nache isoxootot da 'enapega, 'eeta': –Dam Napaxaguenataxanaq hueta'a ne'ena, qaq damaye 'am nỹaxaneua'a.

Nuevo Testamento Toba Sur

²⁸ Qaq co'ollaq ime de'eda l'aqtac aso Marta, nachi jec da iÿaxana aso lqaÿa María. Nachi isoxootot da 'enapega, 'eeta': –Dam dapaxaguenataxaatac hueta'a ne'ena, qaq damayi 'am nÿaxaneu'a.

Nuevo Testamento Toba Sombrero Negro

²⁸ Ca'li yem da'me nenaĝategue da'me dojo', jañe'me Marta ec qama'le yiyaĝana jañe'me laqaya María, qalaĝaja ch'e nejoĝo'tot: —Ñe'me Paĝaguenataĝanaĝaic joote novitequena, am yiyaĝana.

Juan 11:28 Referans Kwoze

Juan 13:13

Qami' naxa da Aỹem qauỹaxañiỹa, qalaq qoñiỹapec da Aỹem Napaxaguenataxanaq, qataq Aỹem Qarataxala'ai. Qaq damaye saishet da seqoleguet, cha'aye ỹataqta 'eesa da Aỹem Napaxaguenataxanaq qataq Aỹem Nataxala'.

Juan 11:20

Qaq aso Marta co'ollaq ỹaỹaten da So Jesús mashe nvi', nache huaqata'aguet; qaq aso María, qalaxaye no'onaña ca lma'.

Marcos 10:49

Nache So Jesús vi'iiguet, nache 'enapeco': –Ña qauỹaxañiỹa ñimaye. Nache qaiỹaxana so qanamaic, nache qoỹeetega, qoỹeeta': –Saishet da 'añi'i, qoñisheguem 'auanac, cha'aye 'am nỹaxana damaye.

Juan 21:7

Nache so lapaxaguenatac maye ỹataqta nauochaxaua So Jesús, somaye 'enapego' so Pedro, 'eeta': –¡Nachera da Qarataxala'! Nache co'ollaq choche hua'aqchigui de'era so Simón Pedro da nacheso So Qarataxala', nache ỹaayiñi soua alogo maye nqa't co'ollaxa da ya'aco, nache parenaxangui so 'etaxat.

Juan 20:16

Nache So Jesús 'enapego' asomaye, 'eeta': –¡María! Nache asomaye ỹamato'ot, nache huota'ai naua la'aqtaqa na hebreo da 'enapega, 'eeta': –¡Raboni! (Damaye naigui da 'eeta': 'Am Napaxaguenataxanaq).

Juan 10:3

Nache cam lasom lo'o ỹauateguet camaye, da yaqto' pa'auo, qaq anam qaguetapi ỹauatton da lavilỹaxac camaye. Nache camaye iỹaxaataua'a na le'enaxatpi añi 'oonole ana qaguetapi, ime, nache nqateeguesop aca laỹe' da ỹauec.

Juan 1:45

Nache so Felipe jec da nmitaique so Natanael. Nache da'aqtaxanem, 'eeta': –Qomi' mashe ñauanaxai' ñim ỹale maye ỹa'axattac co'ollaxa so Moisés maye huetalec ana lere, ñim nataqa'en ỹa'axatta'aguet co'ollaxa so la'aqtaxanaxanecpi Ñim Lo'onatac 'Enauacna. Ñimaye nacheñi Ñi Jesús, ñim llalec so José maye lma' ye Nazaret.

Juan 1:41

Qaq so Andrés somaye ỹataqta ỹa'auaxaachiguiñi da nqo'ona so lqaỹa Simón, nache 'enapega, 'eeta': –Qomi' ñauanaxai' Ñim Lca'aguishec Ñim Lo'onatac 'Enauacna maye qaiuattaique le'enaxat Cristo.

Lucas 22:11

Nache qoñiỹapega qome cam lma' que'eca nỹec, qoñiita': «Ñim Napaxaguenataxanaq huotaique da ỹaỹaten ca hua'ague cam ndaqa', maye huaña da dequi'iỹa'aisalo naua lapaxaguenataqa ne'ena pe maye le'enaxat da Lapascua.»

Marcos 14:14

choche qaviyeeta'a ca lma' maye tateua'a, nache qoñiỹapega que'eca lma' que'eca nỹec qoñiita'. «Ñi Napaxaguenataxanaq, huotaique da ỹaỹaten ca ndaqa' cam huaña da dequi'iỹa'ai' naua lapaxaguenataqa ne'ena pe maye le'enaxat Lapascua.»

Mateo 26:18

Nache So Jesús 'enapeco': –Qanqo'oñiiua'a qome ye nỹecpi, nache qanmichiỹaique ca lma' ca qanauochaxaua maye qarauattonataqui, nache qaỹa'añim de'era ỹa'aqtac: «Ñim Qanapaxaguenaxala' 'eeta': mashe saqaỹapeque da ivita da seleu; ỹoqo'oye sauotaique da huaña na 'arma' da sequi'iỹa'a'isalo naua ỹapaxaguenataqa da sacheguenaq cam nallec na na'a'q Lapascua.»

Zacarías 3:10

Qaq qom ivita que'eca na'a'q, nache ñi 'oonolec da qoñeeta ncoyeguene' qome ca lỹa, nache ntootapigui'salo souaxat da l-lagaxaye'c huetro'ot na lpaqal aca lañiguishe uva qataq hiigo. Qaq 'era da la'aqtac Ñim Nataxala' maye Qaica ca Ỹaqalanapec.›»

Hebreos 12:12

Qaq na'aictaxa 'enauac de'era, qomi' saishet da saxanaxauec da qarpi'iỹaxac Ñim Lo'onatac 'Enauacna. Cha'aye da achaalataxac da 'eeta'am ca qomitaxac, nache naua qarhuaxayilli' qataq naua qarllectelli' da mashe qaica ca la'añaxa'c, qaq no'on qome da qana'añaxacheeta.

1 Ts 5:11

Ỹoqo'oye qantauñiỹa't, qataq ñi 'oonolec ỹa'añaqchet ca lỹa. Qaq de'era mashe qauo'ocheetac, nachera qoquiito'ot.

Juan 11:29

Qaq co'ollaq choche hua'aqchigui de'era aso María, nache sa naỹaloxon da ñesheguem, nache nqo'oneuga So Jesús.

Juan 11:30

Qaq So Jesús saxanaxa co'ollaxa da inoxoneua'a ca lma't soomaye. Ñaq hueta'a cam huaña co'ollaq natena'aguet aso Marta.