Juan 11:27 - La'aqtaqa Ñim Lo'onatac 'Enauacna 2013

²⁷ Nache asomaye 'enapeco': –Aja', 'am Nataxala'. Aỹem sa'amaqten da nache 'am Lca'aguishec qataq 'am Llalec Ñim Lo'onatac 'Enauacna maye 'am qaỹa'axatta'aguet co'ollaxa da 'auanaỹa ana 'alhua.

Nuevo Testamento Toba Sur

²⁷ Nachi asomayi 'enapeco': –Aja', sa'amaqten, 'am ÿataxala', da nachi'am nta'a nca'alaxaqui, mayi 'am llalec ñi Dios, mayi 'am qai'axatta'aguet co'ollaxa da 'auanaÿa'a ana 'alhua.

Nuevo Testamento Toba Sombrero Negro

²⁷ Jaga'me male enaac: —Jaja'a, Jaliaĝanec. Am jep'iya'a queda'me naqa'am jo'ne am Dios Liquiyac 'me Lec'oĝot ñe'me Dios, nach'e am jo'ne am qo'yaĝat ca'li da'me anec'achi'ña jena'me aleua.

Juan 11:27 Referans Kwoze

Mateo 16:16

Nache so Simón Pedro 'enapeco': –Qomye nache 'am maye 'am Lca'aguishec qataq 'am Llalec Ñim Lo'onatac 'Enauacna maye nca'altauec, qaltaq chegoqo'ot da nca'alaxa.

Juan 6:69

Qomi' mashe sogote da 'am sa'amaqtenaq, qataq saỹaanaqta da nache 'am Lca'aguishec qataq 'am Llalec Ñim Lo'onatac 'Enauacna maye nache 'eetai' da nca'altauec.

Juan 6:14

Nache som shiỹaxauapi maye ỹauaachigui de'era na'anec maye sa qaỹauanapega maye ỹo'ot So Jesús, somayepi 'enapeco': –Ỹoqta 'eesa damaye, da la'aqtaxanaxanec Ñim Lo'onatac 'Enauacna maye qaỹa'axatta'aguet co'ollaxa da naỹa ana 'alhua.

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

1 Juan 5:1

Da sa'amaqtenaq So Jesús da nacheso So Lca'aguishec Ñim Lo'onatac 'Enauacna, nache 'eesa da qomi' llalaqpi Ñimaye. Cha'aye da sauotaxac Ñim Nta'a, nache iuen nataqa'en da sauotaxac na llalaqpi Ñimaye.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

Hechos 8:36

Qaq co'ollaq ivitra som huaña da huo'o na 'etaxat, nache se'eso ỹale maye 'amaqtaqaic 'enapeco': –Ne'ena huo'o na 'etaxat, qaq ¿negue'to' ca iqalaatac da saishet da aỹem 'anachelaxan?

Juan 4:42

Nache somayepi 'eetega aso 'alo, 'eeta': –Nagui saishet da nachaqrata da 'ara'aqtaxanaxac da sa'amaqtenaq, cha'aye qomi' nataqa'en maiche ña'axaỹaxanaqtega damaye qataq saỹaanaqta da ỹoqta 'eesa da nachera da Nta'a Lca'alaxaqui nam shiỹaxauapi maye huetalec ana 'alhua.

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Lucas 2:11

¡Ye Qarca'alaxaqui mashe ñiguiñi hueta'a ye Belén! ¡Nacheye ye Lca'aguishec Ñim Lo'onatac 'Enauacna qataq Nataxala'!

Mateo 11:3

¿Peta'a nache 'am maye 'am Lca'aguishec Ñim Lo'onatac 'Enauacna maye ỹachaxanapec co'ollaxa da qomi' namaxalo, huo'otaq seuataqaique ca lỹa?

Mateo 16:20

Nache So Jesús huaqattapegueleguete soua lapaxaguenataqa da yaqto' saishet da huo'o ca da'aqtaxanem da Somaye nacheso So Lca'aguishec Ñim Lo'onatac 'Enauacna.

Hechos 8:37

[Nache so Felipe 'enapego' somaye, 'eeta': Da ỹataqta imauec da 'arquiyaqteỹaxac da 'aua'amqaanataxan nache ishet da 'am ñachelaxan. Nache se'eso ỹale 'enapeco' aỹem sa'amaqten da so Jesucristo nacheso so Llalec Ñim Lo'onatac 'Enauacna.]