Juan 11:25 - La'aqtaqa Ñim Lo'onatac 'Enauacna 2013

²⁵ Nache So Jesús 'enapego' asomaye, 'eeta': –Aỹem Nachaỹem nca'alaxa, qataq ishet da ca leuaxaic ỹe'eguelaxalec da nca'alec ñaqa'en. Qaq cam huo'o da naquitaxac Aỹem, nache camaye na'aictaxa da ileu, qalaxaye qaltaq nca'alec.

Nuevo Testamento Toba Sur

²⁵ Nachi so Jesús 'enapego' asomayi, 'eeta': –Aÿim mayi nachaÿim ñica'alaxateec ca leuaxaic, qataq nachaÿim nca'alaxa. Ca aÿim i'amaqten, qaq nai'ctaxa da ileu, qalaxayi ishit da nca'aleec.

Nuevo Testamento Toba Sombrero Negro

²⁵ Qama'le enaac ñe'me Jesús: —Jayem naqayem jo'ne 'ñiyelaĝachidijeguem jogaa'me napa'lpi nataq'aen da'me ñec'alaĝatedegue. Gaa'me jo'ne jayem p'iida'a, mate mane'e yele'u qalaĝaja yitaĝa ñec'alaĝatedegue;

Juan 11:25 Referans Kwoze

1 Ts 4:14

Qomi' sa'amaqtenaq So Jesús da ileu co'ollaxa, qalaxaye qaltaq nca'alec, qaq nache 'eetec nataqa'en da Ñim Lo'onatac 'Enauacna nca'alaxateeguesop da nleuaxa nam ỹa'amaqteetac Somaye.

Juan 3:36

Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Juan 1:4

Qaq se'eso Na'aqtac, nacheso so chegoqchigui da nca'alaxa, qaq de'era nca'alaxa, nachera da yo'oqoolec naqa'en na shiỹaxauapi.

Juan 5:21

Cha'aye de'era 'eetec da Ñi Ita'a da ishet da qaltaq nca'alaxatec ca leuaxaic, qaq nache 'eetec nataqa'en nam Llalec, da ishet da ỹanem da lca'alaxa cam taalec da ỹanem.

Juan 6:44

Qaica ca ishet da choche Aỹem naua'a da huo'otaq sa nauegueuo Ñim Ita'a maye Aỹem namaq; nache camaye ishet da qaltaq ñeca'alaxatec ca pa'atec na'a'q.

Isaías 26:19

Qalaxaye so 'aralamaxatpi maye ileu, somayepi qaltaq nca'alec qome, so mashe qailareñi qalaq ỹoltaq nca'alec qome, qaq nam do'ochetapi maye huetaigui ana 'alhua qalaq nlouec qome nache ỹa'alaqtagui souaxat da ntonaxac, cha'aye 'am 'anamaxa qome ca 'arcoỹaraxanaxac 'eeta'am 'anqa'en na 'aỹa ye nte'etom, nache nam leuaxaicpi chegoqtoigui qome ana 'alhua da qaltaq nachaañi.

Romanos 8:2

Qaq nagui da mashe ña'araqtaua'a Somaye, nache So Saqcha'a Na'añaxac Qui'itta, qomi' ilotegueto qataq qomi' ỹanema da qarca'alaxa qataq qomi' isoueeguesopa da ñe'etaxaloxo qataq da nleuaxa.

Juan 6:35

Nache So Jesús 'enapeco': –Aỹem Nachaỹem nauole maye san da nca'alaxa. Ca Aỹem naua'a, nache sa nauane' na lqouaxa; qataq ca Aỹem ỹa'amaqten, nache sa nauane' na laquip.

Apocalipsis 21:4

Ñimaye iỹore'c naua lache' namayepi. Huaña, nache saishet da ileu, nataqa'en saishet da ỹe'eguelaxalec da nỹeetac, huo'otaq da na'alaqtapiguiñi, huo'otaq da huo'o da nqui'ic, cha'aye 'enauac nam huo'o co'ollaxa qalaq nagui 'enauac da imeuo.»

Filipenses 3:10

Qaq ỹoqo'oye dam 'oonolec maye ỹataqta seyaqa'a, damaye sauotaique da ỹataqta sauattoota So Cristo, qataq da ñauane' da la'añaxac co'ollaq nca'aleeguesop da nleuaxa, yaqto' ñeuanaua'a da nque'eenaxac, qataq sevira'a da shena'am Somaye da l-leuaxa.

Apocalipsis 20:5

Somayepi nacheso som la'auaxanec da nca'alec; cha'aye somayepi ỹaconeguet da lta'araic nqouagaxa qataq ỹalegoigui nam ỹataqta lalamaxatpi Ñim Lo'onatac 'Enauacna. Huaña, nache saishet da qaỹoqtaique Ñimaye qataq Som Lca'aguishec Ñimaye, qataq lo'onataxanaxaua, choche ivittraue'c caua mil vi'iye. Qaq na laỹepi leuaxaicpi saishet da ỹe'eguelaxalec da nca'alec, choche ivitta'a da ivilde'c caua mil vi'iye.

Hechos 3:15

Qaq 'era da 'eetec da qami' qaualauache som chegoqo'ot da achaalataxac. Qalaxaye Ñim Lo'onatac 'Enauacna qaltaq nca'alaxatec Somaye, qaq 'enauac de'era qomi' sauanaqchigui, ỹoqo'oye sa'axataqtac.

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Juan 5:26

Cha'aye Ñim Lo'onatac 'Enauacna maye Ita'a, huo'o da la'añaxac da ỹan da nca'alaxa. Qaq de'era na'añaxac, damaye mashe Aỹem ỹanem.

Salmos 36:9

cha'aye nache 'am hueto'ot da nca'alaxa, qataq na 'are'eraxa ỹo'ot da seloqtaigui na yo'oqchiguiñi.

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

Juan 14:19

Qaq mashe yaqta'a da ivita ye laloqo' da na shiỹaxauapi saishet da Aỹem ila'a, qalaxaye qami' qalaq Aỹem qauloita'a. Cha'aye Aỹem na'aictaxa da seleu, qalaxaye qaltaq ñeca'alec, nache qami' so'oteque da nataqa'en qanca'alliiuec.

Isaías 38:16

Qaq nam npaxattalecpi Ñim Nataxala' nca'alec qome, qaq salectoigui qome namayepi da ñeca'alec. Qaq 'am, aỹem 'aỹa'anem da aỹem ñeca'alec qataq aỹem 'avi'eguelaxatot da ñachaalataxac.

Filipenses 1:23

Ỹataqta huo'o da lqalaic ñaqa'en cam ỹoqta lleca'ateua'alo ne'enaua dos. Cha'aye huo'o da lỹa iuennataxa maye 'eeta': Aỹem ñeshetaique da seleu yaqto' ñeqo'ona So Cristo. Cha'aye damaye ỹataqta ỹactec da 'onaxaic ñaqa'en.

Apocalipsis 22:1

Ime, nache so namaxashec piguem le'ec aỹem ỹachaxana so tala maye chegoqtapoigui da nca'alaxa chochaq tatec. Se'eso tala chegoqteua'a aso nso'onaxaqui Ñim Lo'onatac 'Enauacna qataq Ñim Qagueta Llalec, somaye ỹataqta chauec, 'eeta'am na 'etaxat da ỹataqta qui'itta.

2 Corintios 4:14

Cha'aye saỹaanaqta Ñimaye da qom seleuaq, nache ỹoltaq qomi' nca'alaxatre'c, 'eeta'am naqa'en da 'eetec co'ollaxa So Jesús da qaltaq nca'alec naqa'en. Ime, qaq qomi' lỹatreuo naqa'en da senoxonaxaua'a ca netaña Ñimaye.

Romanos 4:17

Ana nere maye huetalec na la'aqtacpi Ñim Lo'onatac 'Enauacna, 'eeta': «Ñimaye 'enapega so Abraham da somaye ivira'a da lta'a na ỹotta'a't shiỹaxauapi ana 'alhua.» Qaq de'era ỹachaxanapec Ñim Lo'onatac 'Enauacna ỹo'otec so Abraham, cha'aye somaye ỹa'amaqten da nachaqñita 'oonolec qataq huo'o da la'añaxac da nca'alaxatec na mashe ileu qataq da huo'o ca ỹo'ot dalaxaic.

Lucas 23:43

Nache So Jesús 'enapeco': –Ỹoqta 'eesa da shenapec, da nagui sogote Aỹem qoueta'aguet da souaqta'a ye lma' na qanca'alaxatecpi da piguem maye qaica ca 'eeta'am da llo'oxoyec.

1 Corintios 15:29

Qaq ¿hua'ague ca 'eetec ye da qoñiita huo'o na nañan da qanachelaxan, cha'aye da lhuennataxac 'eetega da ishet da qanca'alaxatec ca lỹa maye mashe saqca? Qalaxaye da 'eesa da na leuaxaicpi saishet da ỹe'eguelaxalec da nca'alec, nache ¿ta'ainco' taxa da nañan da qanachelaxan souaxat namayepi?

1 Corintios 15:18

Qaq nataqa'en na mashe qanmataxanaxanecpi nam quetañi' da ỹa'amaqten So Cristo, namayepi imauec da deqat.

Juan 3:16

Cha'aye Ñim Lo'onatac 'Enauacna ỹataqta lta'araic da lauotaxanaqtaic na shiỹaxauapi ana 'alhua, nache ỹan na 'oonolec Llalec. Yaqto' 'enauac nam ỹa'amaqten namaye saishet da ileu, nachaqrata da huo'o da lca'alaxa maye chochaq tatec.

Apocalipsis 1:18

qataq Aỹem ñeca'altauec. Aỹem co'ollaxa seleu, qalaxaye nagui chochaq tatec da ñeca'altauec, qataq huo'o da ỹa'añaxac da ñataỹaña da la'añaxac da nleuaxa.