Juan 11:2 - La'aqtaqa Ñim Lo'onatac 'Enauacna 2013

² Qaq asa'aso María, maye lqaỹa so Lázaro som sa no'on, nachaso asom icoreleguete co'ollaxa naua lapia'ate So Jesús, so ỹataqta no'on coraxat, qataq deqaxaỹaqtaxana na laue.

Nuevo Testamento Toba Sur

² Qaq asa'aso María, mayi lqaÿa so Lázaro som sa no'on, nachaso asom icodelguete co'ollaxa naua lapia'te so Jesús so codaxat, nachi deÿoxona na laue.

Nuevo Testamento Toba Sombrero Negro

² Jañe'me María nach'añe jo'ne yiyoĝolo'te joca'li ga'me yoĝoqui da'me ualo'te q'ae'n gaa'me lapia'te joñe'me Jaliaĝanec Jesús, qama'le nataq'aen da'me daqaqa'y q'ae'n joga'me layoĝot.

Juan 11:2 Referans Kwoze

Juan 12:3

Nache aso María maye lqaỹa't soomaye, asomaye ndouo so ivi' na medio litro na coraxat maye le'enaxat nardo. Somaye ỹataqta late'erai añi lasheue, nache icoreleguete naua lapia'ate So Jesús. Ime, nache deqaxaỹaqtaxana na laue. Qaq 'enauac se'eso nỹec ỹataqta ỹe'eguelaxaigui na laita so coraxat.

Marcos 14:3

So Jesús hueta'a ye nỹecpi ye Betania, netaña ca lma' so Simón maye nchega na lo'oc co'ollaxa. Qaq Somaye co'ollaq ñaq deque'etac, nache nvireuo aso 'alo nasoqta'a aso laỹe' so coraxat maye ỹataqta qaỹoqteua'a. Nache nquigueua'a So Jesús, ime, nache ilaxat aso laỹe' so coraxat, nache icorelec na lqaic So Jesús.

Lucas 7:13

Nache So Jesús co'ollaq ila'a asomaye, nache ỹataqta huo'o da lchoxonnataxanaxa, nache 'enapega, 'eeta': «Saishet da 'anỹen.»

Lucas 7:19

da yaqto' ina't So Jesús da nacheso So Lca'aguishec Ñim Lo'onatac 'Enauacna huo'otaq da qaiuataique ca lỹa.

Juan 11:3

Nache se'esoua dos nqaỹa't, ỹamaxalo co'ollaxa da la'aqta'c So Jesús, 'eeta': –'Am Nataxala', yem 'anauochaxaua Lázaro, yemaye sa no'on.

Juan 11:21

Nache aso Marta 'enapego' So Jesús, 'eeta': –'Am Nataxala', da 'am qoueta'actaxa ne'ena, nache saishettaxa da ileu ye ỹaqaỹa.

Juan 11:32

Nache aso María co'ollaq ivireuga ca hueta'a So Jesús, nache ỹa'aroto naua l-llectel, nache 'eetega, 'eeta': –'Am Nataxala', da 'am qoueta'actaxa ne'ena, nache saishettaxa da ileu ye ỹaqaỹa.

Juan 13:13

Qami' naxa da Aỹem qauỹaxañiỹa, qalaq qoñiỹapec da Aỹem Napaxaguenataxanaq, qataq Aỹem Qarataxala'ai. Qaq damaye saishet da seqoleguet, cha'aye ỹataqta 'eesa da Aỹem Napaxaguenataxanaq qataq Aỹem Nataxala'.

Juan 13:14

Qaq Aỹem, maye Aỹem Qarataxala'ai qataq Aỹem Qanapaxaguenaxala'ai seỹota'ape naua qarapia'achilli', qaq nagui no'on da ñi 'oonolec da qoñiita nataqa'en iỹoi' naua lapia'ate ca lỹa.