Juan 11:19 - La'aqtaqa Ñim Lo'onatac 'Enauacna 2013

¹⁹ Qaq ỹoqo'oye qalota na shiỹaxauapi na nqo'ona aso Marta qataq aso María da ỹa'añaqchetta'ape soomaye, souaxat ye lqaỹa't maye saqca.

Nuevo Testamento Toba Sur

¹⁹ Qaq ÿataqta qalota na judiopi na nqo'ona aso Marta qataq aso María da qai'añaqchitta'pe soomayi, souaxat yi lqaÿa't mayi saqca.

Nuevo Testamento Toba Sombrero Negro

¹⁹ qama'le jalcote joga'me judiopi da'me dejapichiyalo gaa'me Marta chaqañe'me María, qaedi qoloyaĝanate't queda'me 'uo da'me lajouaĝac yeleu di'me mach'e laqaya'.

Juan 11:19 Referans Kwoze

Da na'aqtaguec so Job 2:11

Qaq se'eso Job, huo'oi soua tres nauochaxau', so 'oonolec le'enaxat, Elifaz, somaye lma' ye Temán, qaq so Bildad lma' ye 'alhua Súah, qaq so Sofar, lma' ye Naamat. Qaq soomaye co'ollaq la'axaỹaxa'c 'enauac da huaigui nque'eenaxac so Job, nache je'c da nqo'oora somaye da ỹa'añaqche't, qataq da itaua'n souaxat da nqui'ic.

Juan 11:31

Qaq na shiỹaxauapi maye hueta'a ca lma' aso María da ỹa'añaqchettac, co'ollaq ila'a da sa naỹaloxon da ñesheguem qataq jec asomaye, nache somayepi ca'attaueegue, cha'aye ipi'itaxaatega da asomaye tauga aso huachiqui da yaqto' huaña da nỹen.

1 Ts 5:11

Ỹoqo'oye qantauñiỹa't, qataq ñi 'oonolec ỹa'añaqchet ca lỹa. Qaq de'era mashe qauo'ocheetac, nachera qoquiito'ot.

1 Ts 4:18

Qaq ỹoqo'oye ñi 'oonolec da qoñiita ỹa'añaqchetec ca lỹa de'era napaxaguenataxanaxac.

2 Corintios 1:4

Da ivita da seviraxaguet da qarqalaic huo'otaq da qanque'eenaxac, nache Ñim Lo'onatac 'Enauacna qomi' itaua'n, da yaqto' ishet da nataqa'en setauanaq ca huetapoigui da nque'eenaxac huo'otaq ca ivireguet ca lqalaic.

Romanos 12:15

Da huo'o ca matapiguiñi, nache camaye qantonaxauai qome; qaq da huo'o ca daquicotac, nache nataqa'en qami' qaraquicoxouai camaye.

Lamentaciones 2:13

'Am, Jerusalén maye ỹataqta 'am 'onaxaic ¿Negue'tom ca ishet da 'am ñaloqnaxaneguet? ¿Negue'tom ca ishet da saloqnaxana da yaqto' 'am sa'añaqchet, 'am Sión maye ỹataqta 'am qui'itta qataq huo'o da 'aryac? Da 'anque'eenaxac ỹataqta lta'araic, ¿qaq negue'tom cam ishet da 'am nataren qome?

Lamentaciones 1:21

Na shiỹaxauapi hua'aqtega da ỹa'alaxac souaxat da ñequi'ic, qalaxaye qaica ca anac da aỹem ỹa'añaqchet. 'Enauac na ñepa'aguenaxauapi, ỹaỹaten dam qauem maye souaigui, qaq namayepi ỹataqta machiguiñi souaxat da aỹem 'auo'otec de'era. ¡Qalaxaye, 'auanacot qome cam na'a'q maye 'aua'axatta'aguet co'ollaxa, da yaqto' namayepi talec ca nque'eenaxac, maye 'eeta'am dam ñeque'eenaxac nagui!

Lamentaciones 1:16

Qaq ỹoqo'oye aỹem ñeỹeetac, naua ỹa'ai'te qalaq nlaxaguilo na ỹache', cha'aye qaica ca aỹem ỹa'añaqchet, qataq qaica ca aỹem ỹanem ca dalaxaic ỹa'añaxac. Som ỹalaqpi qalaq 'enauac qanlaxatchiguiñi, cha'aye qomi' napacaleguete da la'añaxac som qampa'aguenaxauapi.

Lamentaciones 1:9

Naua alogo qalaq nlaqchiguilo na qauem, qaq saishet da iuennatega co'ollaxa dam taỹa'aguet. Qaq ỹataqta nque'elaxatta co'ollaxa da huañi, nache qaica ca ỹa'añaqchet. ¡'Am Nataxala', ñaq 'aulogui nagui da ỹaquicoxo, qataq 'aumeten da na'amqaanaxac nam aỹem ipa'agueetacpi.

Lamentaciones 1:2

Ye pe qalaq daquicota da nỹeetac, naua lache' qalaq naguinguilo naua lamelque. Qataq 'enauac nam nauochaxauapi, qaica ca 'oonolec da anac da ỹa'añaqchet. Qataq 'enauac nam nauochaxauapi ỹatenachet, nache ỹe'eguelaxa da npa'aguenaxaua namayepi.

Da na'aqtaguec so Job 42:11

Nache 'enauac so lqaỹañecpi ỹalleppi, 'alpi, nauochaxauapi qataq 'enauac som togoshec nauattonaxauapi, nqo'ona somaye nache qaỹauaxaiguet somaye da qaỹo'ot so nquia'axac huaña so lma'. Nache ỹataqta qaỹa'añaqchettac somaye, souaxat so nque'eenaxac maye namaxa co'ollaxa Ñim Nataxala', nache ñi 'oonolec somayepi huo'o na ỹanem ana qalota alom plata qataq ana nchiguishaqte oro.

2 Samuel 10:2

Nache so David huo'o da lhuennataxa da ỹo'otec ca ỹaỹamaqchiguiñi so Janún, da ỹe'enaxatchigui da 'eetec co'ollaxa so Najás da ỹataqta ỹauotec somaye, ỹoqo'oye so David ỹama'q soua lamaxa'she da yaqto' ỹa'añaqchet so Janún souaxat da ileu so lta'a. Qalaxaye somayepi co'ollaq ivita ye na'alhua so amoniitapi,

Génesis 37:35

Qaq 'enauac so llalaqpi qataq so llalpi da icochaqtac somaye, qalaxaye somaye saỹaỹamaxaren da qaicochaq nacherata da nỹeeteguelec so llalec, qataq 'eeta' da la'aqtac: «Aỹem saishet da sapalaxat da ỹasouaxac so ỹalec, choche ivitta'a da ñauane' somaye qom ivita da salegoigui na leuaxaicpi.»

Isaías 51:19

Qaq ne'enaua dos qauema 'am taleguete, na 'ana'alhua qailaxachigui qataq qanhuotta co'ollaxa, so 'analleppi qalaq ilem na lqouaxa, qataq ileuaigui so alaataxac. Qaq ¿negue't ca 'am ichoxoreetac qome? Qataq ¿negue't ca 'am ỹa'añaqchet qome?

Eclesiastés 7:2

Ỹactec da no'on da qotaỹa ca hueta'a ca leuaxaic, qaq saq 'ena'am da qotaỹa ca huaña ca na'ashaxac; cha'aye da nleuaxa nachera dam loga't 'enauac nam shiỹaxauapi, qaq iuen da iuennata'a damaye nam nca'altauecpi.

1 Samuel 31:13

Qaq ime nache qalaỹona't so lpi'inecpi, nache huo'oto qanqa'en aso qo'oipaq da qailalyiñi. Qaq co'ollaq ime de'era, nache siete na'axa'te da nqouaqchet somayepi, souaxat de'era lasouaxac.

1 Crónicas 10:12

nache 'enauac so ỹalleppi maye 'añaxaicpi ñisheguem, da ỹe'eguena'a so lo'ocỹaxac so Saúl, qataq soua llalqa. Nache ira'a ye Jabés, yem huaña da ilayiñi ỹachetot aso qo'oipaq le'enaxat encina, maye naña ye Jabés, nache ỹo'ot so nqouaqchetaxac soua siete na'axa'te.

Lucas 10:39

Qaq se'eso nma', nache hueta'a aso María, asomaye lqaỹa aso Marta. Qaq asomaye nso'ootañi, datato'ot So Jesús, nache na'axaỹaxaatega 'enauac nam ỹa'axattac Somaye.

Juan 1:19

Qaq 'era da la'aqtaxanaxac so Juan, co'ollaq so lataxala'pi na judiopi ỹauo'o so lamaxashecpi chegoqchiguiña ye Jerusalén, nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq na leviitapi da yaqto' nqo'ona qataq inat so Juan da chaq negue't somaye.

Juan 11:1

Qaq huo'o so shiỹaxaua le'enaxat Lázaro, somaye sa no'on. Qaq somaye naigui so lma' ye nỹecpi le'enaxat Betania, yem nataqa'en lma' aso María qataq aso lqaỹa Marta.

Juan 11:8

Nache soua lapaxaguenataqa, 'eetegalo Somaye, 'eeta': –'Am Napaxaguenataxanaq, ñaq cheta'ague da huo'o nam judiopi maye lma' yi'iye 'alhua, nshetaique da 'am ỹalauat, da 'am ira'a na coma' qalaq ¿ta'ainco' ye qaltaq 'anshetaique da 'aỹa yemaye?

Juan 11:33

Nache So Jesús co'ollaq ila'a da nỹeetac aso María qataq so judiopi maye nnaictague', nache Somaye ỹataqta huo'o da laquicoxo, qataq nomteguet da 'eeta lta'araic da lquiyaqteỹaxac.

Juan 11:36

Nache so shiỹaxauapi maiche na'aqtaxaatega't, 'eeta': –Ña qauloỹa damaye ỹataqta 'eesa da lauotaxat yemaye.

Juan 11:45

Huaña, nache ỹataqta qalota nam ỹa'amaqten So Jesús nam judiopi maye anaỹa aso María da ỹa'añaqchet, co'ollaq ỹauaachigui dam ỹo'ot So Jesús.