Juan 10:32 - La'aqtaqa Ñim Lo'onatac 'Enauacna 2013

³² Nache So Jesús 'enapeco': –Aỹem ỹataqta qalota na so'ot ỹaỹamaqchiguiñipi da qami' qauauañiichigui, chegoqchigui da la'añaxac Ñim Ita'a. Qaq ¿chaq negue't cam sasoilec cam huo'omshe qansheetaique da Aỹem qauasaqai?

Nuevo Testamento Toba Sur

³² Nachi so Jesús 'enapeco': –Aÿim ÿataqta qalota na so'ot ÿaÿamaqchiguiñi da qami' qauauañiichigui, chigoqchigui da l'añaxac ñi ita'a. Qaq ¿chaq négue't cam sasoilec namayipi da huo'o mshi qanshiitaique da aÿim qauasaqai?

Nuevo Testamento Toba Sombrero Negro

³² Qama'le ñe'me Jesús enaac: —Uo'oe qayoĝode' jogaa'me 'yonataqa 'me onaĝayaqa jo'ne chiyoqodayi da'me lañoqotaĝanaĝac ñe'me Taĝadena', naa'me jo'ne joote auañiyalo nale jayem auajoyi'taguet. ¿Jach'e jogamaĝa jayem auajouaĝachem naa'me naajo' jo'ne uo'oe da'me jetaque jayem auajaqaye?

Juan 10:32 Referans Kwoze

1 Juan 3:12

Saishet da shenaqta'am so Caín maye 'eeta'am ca llalec so pa'aguenataxanaxaic, nache ỹalauat so lqaỹa. Qaq ¿ta'ainco' ye ỹalauat? Qomye da ỹo'ottac so Caín co'ollaxa ỹataqta qauem, qaq dam ỹo'ottac som lqaỹa co'ollaxa qalaq ỹataqta 'onaxaic.

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Hechos 2:22

Qaq ỹoqo'oye qami' Israel le'ecpi, qana'axaỹaxañiỹa da ỹa'aqtac, 'eeta': So Jesús maye Nazaret le'ec, Somaye ỹataqta qaỹaỹateeta da 'eesa lamaxashec Ñim Lo'onatac 'Enauacna. Qaq qami' qauauañiichigui co'ollaq Somaye ỹo'ot nam ỹo'ot da na'aalaxa qataq nam sa qaỹauanapega qataq nam na'anecpi maye qami' huanguilo da ỹo'ot naqa'en Somaye Ñim Lo'onatac 'Enauacna. Qaq qami' mashe sogote da qauaỹaañita damaye.

Juan 10:37

Da huo'otaq saishet da so'ot dam lo'onataxanaxac Ñimaye, nache saishettaxa da Aỹem qaua'amaqchiñi.

Juan 5:36

Qalaxaye Aỹem huo'o da ña'aqtaguec maye ỹataqta napacalec da la'aqtaxanaxac so Juan. Cha'aye nam so'ot, nachena na Aỹem ỹamaxalec Ñim Ita'a. Qaq nachena na ỹoqta ichoxot da 'eesa da Aỹem namaq Ñimaye.

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Eclesiastés 4:4

Qaq nataqa'en sela'a da 'enauac nam no'onatacpi maye ỹataqta ỹaỹamaqchiguiñi, qataq ỹo'ot da ño'oxonnataguec ca shiỹaxaua, namaye ỹo'ot da nquiỹata'a't caua shiỹaxau'. Qaq nataqa'en damaye qaica ca naigui, 'eeta'am da 'eetec da huotaique qanllañi na la'at.

Salmos 35:12

Namayepi so'otec co'ollaxa da no'on qalaxaye namayepi aỹem ỹo'otec da qauem, qaq damaye ỹataqta huo'o naqa'en da ỹaquicoxo.

Juan 10:25

Nache So Jesús 'enapeco': –Mashe ime mque' da qami' sa'aqtaxaateguema, qalaxaye saishet da Aỹem qaua'amaqchiñi. Nam so'ottacpi, namayepi nachena na Aỹem ỹamaxalecpi Ñim Ita'a, qaq nachena nam 'eeta'am da qami' da'aqtaxanema.

Jeremías 37:18

Qaq so Jeremías nataqa'en inat so nta'a Sedequías, 'eeta': ¿Negue't cam ỹasouaxashet maye 'am so'otec 'am nta'a, huo'otaq ca so'otec nam 'amaqtaqaicpi 'artauapi, huo'otaq nam shiỹaxauapi cam huo'omshe aỹem qaỹa'añiỹaigui añi ncoñetaxanaxaqui?

Juan 10:31

Nache na lataxala'pi na judiopi qaltaq ỹacona na coma' da huotaique da ỹasaq Somaye.

Juan 10:33

Nache somayepi 'enapeco': –Saishet da 'am sasaxasoq na coma' da souaxat cam ỹaỹamaqchiguiñi 'auo'ottac. Maye 'am sasaxasoq, souaxat da naua 'ara'aqtaqa ỹataqta da sa iyacna'ape Ñim Lo'onatac 'Enauacna. Qamaq 'am choche 'am ỹale, qalaq qonetega da qoneta'am Ñimaye.