Juan 10:24 - La'aqtaqa Ñim Lo'onatac 'Enauacna 2013

²⁴ nache na shiỹaxauapi laponeua'a Somaye, nache qainattac, qoỹeeta': –¿Chaq laguio', qaq qomi' 'anqateeguesopa de'era qarqolectaxanaxac? Ñaq qomi' 'aua'aqtaxanemactaxa da nache 'am, maye 'am Lca'aguishec Ñim Lo'onatac 'Enauacna.

Nuevo Testamento Toba Sur

²⁴ Nachi na judiopi laponeu'a somayi. Nachi qoÿiitega, qoÿiita': –¿Chaq láguio', qaq ishit da ÿoqta qomi' 'an'axattalo? Da ÿoqta nachi'am nta'a nca'alaxaqui, qaq no'ónctaxa da ÿataqta qomi' 'au'aqtaxaatema, nachi a'ayi.

Nuevo Testamento Toba Sombrero Negro

²⁴ Qama'le ua'a ca'li da'me quedejop jogaa'me judiopi lajoĝola'te qaedi yena't: —¿Jach'e ga'me ua'a qomle male yataqachiñe a'naĝatela't? 'Noota qom ena'te qo'mi anemanegueta: qom naqa'am jo'ne am Dios Liquiyac, qama'le qo'mi a'naĝategueta.

Juan 10:24 Referans Kwoze

Juan 1:19

Qaq 'era da la'aqtaxanaxac so Juan, co'ollaq so lataxala'pi na judiopi ỹauo'o so lamaxashecpi chegoqchiguiña ye Jerusalén, nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq na leviitapi da yaqto' nqo'ona qataq inat so Juan da chaq negue't somaye.

Juan 8:53

'Am ¿'aupettega peta'a da 'anapacalec so qarta'a Abraham? Somaye, qataq 'enauac som la'aqtaxanaxanecpi Ñim Lo'onatac 'Enauacna ileu co'ollaxa. Qalaq ¿negue't 'am?

Juan 8:25

Nache qainattac Somaye, qoỹeeta': –¿Negue't 'am? Nache So Jesús 'enapeco': –Mashe sogote mque' da qami' sa'aqtaxaateguema so hua'auchiguiñi.

Mateo 11:3

¿Peta'a nache 'am maye 'am Lca'aguishec Ñim Lo'onatac 'Enauacna maye ỹachaxanapec co'ollaxa da qomi' namaxalo, huo'otaq seuataqaique ca lỹa?

2 Corintios 3:12

Qaq de'era ỹataqta saỹaanaqta, ỹoqo'oye huo'o da qanaquitaxac, qataq saishet da huo'o ca sho'oqtaique da sa'aqtaxanaqtac.

Juan 16:25

Qaq qami' sa'axatema 'enauac ne'ena, qalaxaye sauota'alo naua ỹaloqnaxanaqa'ate. Qalaxaye nayeetai' ca laloqo' da saishet qome da sauota'aisalo naua ỹaloqnaxanaqa'ate, nachaqrata da ỹataqta qami' sa'axattema Ñim Ita'a.

Juan 9:22

Qaq 'enapec de'era soua lta'al, souaxat da ñe'etrega na lataxala'pi na judiopi, cha'aye namayepi mashe nasachigui da saishet da ỹalegoigui naqa'en nam tategueua'a aso napaxaguenaxaqui nam judiopi, 'enauac nam ỹa'amaqten qataq 'eetega da So Jesús, nacheso So Lca'aguishec Ñim Lo'onatac 'Enauacna.

Lucas 3:15

Nache 'enauac na shiỹaxauapi ỹataqta huo'o da la'aalaxa, qataq huotaique da ỹaỹaten da so Juan nacheso So Lca'aguishec Ñim Lo'onatac 'Enauacna maye qaiuattaique.

1 Reyes 18:21

Nache so Elías nqo'oneua'a se'eso nhuo' le'ecpi, nache 'eeta': ¿Chaq lagui da qaỹa'axañiiñi da qoquiitegueto ne'enaua dos qarhuennataxacolli'? Cha'aye Ñim Nataxala', da nacheñi Ñim ỹoqta 'eesa Atamnaxala', qalaq nacheñi qome Ñim qoquiigue, qaq da nacheso so Baal, qalaq nacheso qoquiigue qome. Nache se'eso nhuo' le'ecpi ỹataqta qaica ca detaqa.

Marcos 8:32

Qaq souaxat da So Jesús ye ỹataqta ỹa'axatta de'era taỹa'a, nache so Pedro iỹotauga Somaye, nache nlaxa souaxat de'era la'aqtaxanaxac.

Juan 10:31

Nache na lataxala'pi na judiopi qaltaq ỹacona na coma' da huotaique da ỹasaq Somaye.

Juan 10:33

Nache somayepi 'enapeco': –Saishet da 'am sasaxasoq na coma' da souaxat cam ỹaỹamaqchiguiñi 'auo'ottac. Maye 'am sasaxasoq, souaxat da naua 'ara'aqtaqa ỹataqta da sa iyacna'ape Ñim Lo'onatac 'Enauacna. Qamaq 'am choche 'am ỹale, qalaq qonetega da qoneta'am Ñimaye.