Juan 10:2 - La'aqtaqa Ñim Lo'onatac 'Enauacna 2013

² Qalaxaye cam tateua'a ca lasom, qache nacheca cam ilotague' ana qaguetapi.

Nuevo Testamento Toba Sur

² Qaq cam tateu'a ca lasom, qachi nachica cam qagueta l'o mayi ilotague' ana qaguetapi.

Nuevo Testamento Toba Sombrero Negro

² Qalaĝaja ga'me jo'ne ta'uet ga'me najom jaga'me 'naĝanaĝatelpi lae't nach'ega jo'ne 'naĝanaĝate nouatoqo't jo'ne netelalo jogaa'me 'naĝanaĝatelpi.

Juan 10:2 Referans Kwoze

Juan 10:14

De'era 'eetec da Ñim Ita'a Aỹem ỹauattoota, qataq Aỹem sauatton Ñimaye; nache 'eeta'am da 'eetec Aỹem da sauatton nam Aỹem quetague', qaq namayepi nataqa'en Aỹem ỹauattoota. Aỹem Nachaỹem no'on qagueta lo'o maye selotague' namayepi. De'era 'eetec ca no'on qagueta lo'o da na'aictaxa da ileetalec ana lalo qaguetapi, qaq nache sheetec nataqa'en Aỹem da ỹataqta qaica ca shectega, da na'aictaxa da seleetalec nam Aỹem ca'attague'pi.

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

1 Pedro 5:4

Yaqto' qom ñe'eguelaq So Cristo maye Lataxala' nam ilotague' na 'amqaanataxanaxaicpi, nache qami' qauacoñiiguet ca qaica ca 'ena'am da llo'oxoyec qansheetenaguiiqui maye qaica ca loga't.

Salmos 23:1

Ñim Nataxala' nacheñi ñi aỹem iuattague', qaica naqa'en ca seueetaique.

Isaías 40:11

Qaq namaye anac 'eeta'am ca qagueta lo'o da ilotague' ana lalo qaguetapi, qataq nsoqteuo da ỹachetac na qagueta llalaqpi ỹachetelec ana ltogue, qataq ntela'a da huetague' ana cheta'ague da deco'otac.

Eclesiastés 12:11

Naua la'aqtaqa nam ỹaanaxanaxaicpi qalaq 'eeta'am aca le aca na'araxanaqte, qaq da mashe ime da qalaỹona't, nache 'eeta'am aca lashe ca npe'l maye iuaxaañi cam qagueta lo'o.

Hebreos 13:20

Ñim Lo'onatac 'Enauacna ỹo'otec So Qarataxala' Jesús da qaltaq ỹe'eguelaxalec da nca'alec. Qaq So Jesús qalaq 'eeta'am naqa'en da qomi' lalopi qagueta, qaq Somaye qalaq 'eeta'am ca ilotague' aca qaguetapi. Qataq chegoqchiguilo soua ltago'q maye huecolde'c co'ollaq qaỹalauat Somaye, da Ñim Lo'onatac 'Enauacna qomi' naỹamaxatto, qaq da naỹamaxataxac chochaq tatec. Qaq ỹoqo'oye seỹaxaatacot Ñim Lo'onatac 'Enauacna maye hueto'ot da nlagaxayec da qami' nalochiyiñi naqa'en qataq qami' huotaxanaqtaqaiqa. Qaq So Jesucristo qami' itaua'n da imauec da qaualaqaiguet Ñim Lo'onatac 'Enauacna. ¡Qaq So Jesucristo ỹataqta lta'araic da ño'oxonnataguec qataq chochaq tatec da 'enec! Aja', nache 'eetec.

1 Timoteo 4:14

Saishet da 'anañaxane' da lo'onataxanaxac ñim 'anachetaxat maye 'am ỹami' Ñim Lo'onatac 'Enauacna so na'a'q co'ollaq ỹachanguit añi 'arquiyaqte, chegoqchiguilo soua lataxala'ate na 'amqaanataxanaxaicpi co'ollaq 'am ỹashel-leguete.

Juan 10:9

Aỹem Nachaỹem lasom. Qaq ca Aỹem tateua'a, nache camaye nca'alec. Nache camaye 'eeta'am aca qagueta da pa'auo qataq da npa'aueeguesop aca laỹe', nache ỹanata ca aloq.

Juan 10:7

Nache So Jesús qaltaq ỹe'eguelaxalec da da'aqtaxan, 'eeta': –Ỹataqta 'eesa de'era qami' sa'axatema, 'eeta': Aỹem maye Nachaỹem lasom, maye Aỹem llegueuo ana qagueta.

Zacarías 11:8

Qaq so 'oonolec ca'agoxoic, nache huaigui da samaqraue'c soua tres qagueta lo'ol, cha'aye mashe ñasamiisopa, qataq soomaye ỹataqta aỹem nquiỹalo.

Zacarías 11:5

Nam desheenaxana anamayepi da ỹalauat, qalaq saq noma da huo'o ca lasouaxashet, qataq na imen anamayepi qalaq, 'eeta': ‹¡Sanot da ña'achec Ñim Nataxala', cha'aye mashe aỹem sallaxanec!› Qaq ivira'a na maiche nhuataxauapi anamayepi, da saishet da ichoxoreetac.

Zacarías 11:3

Na'alaqtapiguiñi na qagueta lo'opi, souaxat som no'on 'auaqpisat ỹataqta dolachigui. Qataq qaỹa'aqtega da nnoinaxac so llon, souaxat som lyac co'ollaxa ye tala Jordán ỹataqta dolachigui.

Ezequiel 34:23

Aỹem so'ot qome da ñe'eguelaq so ỹamaxashec David, nache sanem da nachesota da ilo'ogue ana ilopi qaguetapi, qaq somaye nacheso qome so ilo'ogue anamayepi.

Salmos 80:1

'Am, maye 'aulotague' na Israel le'ecpi, maye 'auauecta'aguet co'ollaxa so José 'eeta'am 'anqa'en ana qagueta. 'Am maye ca 'aro'onataxanaqa' da 'am nta'a, nache hueta'alo soua ne'enaqtaqa querubines maye huo'oi naua laua't, ñaq qomi' 'aua'axaỹalo qataq qomi' 'auachaxanalo da 'ara'añaxac,

Apocalipsis 1:20

Aỹem 'am sa'aqtaxanem dam saqcha'a naiguilo soua siete huaqaañi, maye 'auauaachiguilo da huetaiguilo na ihuaq qataq dam saqcha'a naiguilo soua siete ncoỹaraxanaxaqui' maye chegaqaiguilo na oro. Soua siete huaqaañi, naiguilo naua lamaxa'she Ñim Lo'onatac 'Enauacna maye ilotagueto nam ỹa'amaqten So Jesús maye netaleguete naua siete 'aleu'. Qaq soua siete ncoỹaraxanaxaqui' naigui na 'amqaanataxanaxaicpi maye netaleguete naua siete 'aleu'.

1 Pedro 2:25

Qami' co'ollaxa qoñiita'am aca qaguetapi maye isomtac, qalaxaye nagui mashe qañe'eguelaqaiua'a So Cristo maye 'eeta'am ca ilotague' ana qagueta, qataq npaxattalec.

Tito 1:5

Se'eso na'a'q 'am ño'onaxataña añi ỹaqa'ata 'alhua maye le'enaxat Creta, cha'aye ñeshetaique da 'auaỹamaxaañi nam saxanaxa da sematpi, qataq da 'ereuo na lataxala'pi na 'amqaanataxanaxaicpi maye netañalo naua lỹa't nma'ate. Qaq no'on qome da 'aupagaqchiichigui de'era ỹa'aqtac,

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

Miqueas 5:5

Qaq camaye ndoi' qome ca qarlagaxayec. Qaq qom anac nam asiiriopi da huenoxotaua'a nam qana'alhua, qataq nam qarma' lta'araicpi, nache qomi' samaxaso'q caua siete nataxala'ate, qataq caua ocho 'amaqtaqaiqa nataxala'ate,

Isaías 63:11

Qaq huaña nache namayepi tachigui lauel soua qaỹoqteguelo vi'iye, qataq so Moisés maye nca'alaxatec co'ollaxa so lauo' le'ecpi, nache ñi 'oonolec inattac ñi lỹa, 'eeta': «¿Ca hueta'ague cam Lo'onatac 'Enauacna maye nca'alaxateeguesop co'ollaxa aso tala Nilo so Moisés som ilotague' co'ollaxa ana lalopi qagueta? ¿Ca hueta'ague cam ỹanaigui co'ollaxa so Moisés som saq cha'a La'añaxac maye qui'itta,

Mateo 15:11

Saishet da nachena nam chec ca shiỹaxaua da ishepaxanaqchet da nachaalataxac da datato'ot Ñim Lo'onatac 'Enauacna. Dam ishepaxanaqchet da nachaalataxac ca shiỹaxaua nachera dam lsheunaxanaxac qataq naua qauema la'aqtaqa maye chegaqaiguilo na alap.