Juan 10:13 - La'aqtaqa Ñim Lo'onatac 'Enauacna 2013

¹³ Qaq se'eso shiỹaxaua datauec, cha'aye somaye choche do'onataxaatapeguelec aca lasheue, ỹoqo'oye saishet da itena'a ana qaguetapi.

Nuevo Testamento Toba Sur

¹³ Qaq se'eso shiÿaxaua datauec, cha'ayi somayi chochi do'onataxaatapeguelec aca lashiue, ÿoqo'oyi sa ishit da itena'a ana qagueta.

Nuevo Testamento Toba Sombrero Negro

¹³ Ga'me jiyaĝaua dajoyi qa'a onolec da'me ch'e 'yamaqaten da'me jo'ne nejetenaguec nataq'aen da'me ja naqaegaua gaa'me 'naĝanaĝatel ta'le en p'ajaye da'me netelalo.

Juan 10:13 Referans Kwoze

Filipenses 2:20

Cha'aye qaica ca lỹa da sela'a da ỹataqta 'eeta'am da iuennataxa, nachaqñita ñimaye. Qataq ñimaye nataqa'en ỹataqta iuennatapega da qoñiita.

Juan 12:6

Qaq so Judas saishet da 'enapec de'era, da souaxat da huo'otaq ichoxoreetac na choxoraqpi, cha'aye somaye choche cachaxaic. Qataq nacheso som ilotague' aso nme anom So Jesús qataq soua lapaxaguenataqa, qalaxaye somaye decachetega naxa anamaye.

Hechos 18:17

Nache huo'o so judiopi da ỹaconeua'a so Sóstenes som ilotague' aca paxaguenaxaqui, nache ỹataqta iuaxaatac, ỹauaachigui naqa'en so nta'a Galión. Qalaxaye somaye saishet da iqochetega de'era.

Juan 10:12

Qaq cam choche do'onataxaatapeguelec aca lasheue, camaye saishet da ỹoqta lo'o ana qagueta. Qaq camaye da huo'otaq ila'aguet ca dequi'iỹapec, nache no'onaxatchigui aca qaguetapi da datauec, cha'aye saishet da ỹoqta lalamaqtepi. Nache cam dequi'iỹapec ishet da ỹaconeua'a aca 'oonole ana qaguetapi, qaq ana laỹepi qalaq nlagaxattac.

Juan 10:14

De'era 'eetec da Ñim Ita'a Aỹem ỹauattoota, qataq Aỹem sauatton Ñimaye; nache 'eeta'am da 'eetec Aỹem da sauatton nam Aỹem quetague', qaq namayepi nataqa'en Aỹem ỹauattoota. Aỹem Nachaỹem no'on qagueta lo'o maye selotague' namayepi. De'era 'eetec ca no'on qagueta lo'o da na'aictaxa da ileetalec ana lalo qaguetapi, qaq nache sheetec nataqa'en Aỹem da ỹataqta qaica ca shectega, da na'aictaxa da seleetalec nam Aỹem ca'attague'pi.

1 Corintios 7:32

Ñeshetaique da ỹataqta qami' huesochiyiñi, qaica ca qami' nqanaxa't. Ca ỹale da ñaq lamaxaic, nache no'on da npogoxoinapegue' da ỹo'ot na lo'onataxanaxacpi Ñim Nataxala', cha'aye huotaique da ỹaỹamaxareeta Ñimaye;

1 Corintios 7:33

qalaxaye cam mashe huaron camaye ime'eguet na no'onatacpi maye huetalecna, cha'aye huotaique da machiguiñi naqa'en aca lhua,