Juan 10:11 - La'aqtaqa Ñim Lo'onatac 'Enauacna 2013

¹¹ Aỹem Nachaỹem no'on qagueta lo'o. Ca no'on qagueta lo'o, camaye ỹaalec da nachaalataxac ana qaguetapi.

Nuevo Testamento Toba Sur

¹¹ Aÿim mayi nachaÿim no'on qagueta l'o. Ca no'on qagueta l'o, camayi ÿaalec da nachaalataxac ana qaguetapi.

Nuevo Testamento Toba Sombrero Negro

¹¹ Naqayem jo'ne jayem 'naĝanaĝate nouatoqo't 'me onaĝaic. Ga'me jo'ne onaĝaic 'naĝanaĝate nouatoqo't yanegue da'me 'loyaĝac qaedi nec'alaĝatedegue jogaa'me 'naĝanaĝatelpi;

Juan 10:11 Referans Kwoze

Juan 15:13

Qaica ca napacalec da lauotaxanaqtaic cam ỹan da nachaalataxac da ỹaalec na nauochaxauapi.

Salmos 23:1

Ñim Nataxala' nacheñi ñi aỹem iuattague', qaica naqa'en ca seueetaique.

Apocalipsis 7:17

Cha'aye Ñim Lo'onatac 'Enauacna iỹouec 'enauac na lache' namayepi, qataq Ñi Qagueta Llalec maye netangui na laiñi añi so'onaxaqui, nacheñi ñi ilotague' namayepi, 'eeta'am ca ilotague' ana lalopi qaguetapi qataq ỹauega ca laỹe' na 'etaxat maye npaxaatasheguem maye chegaqaigui da nca'alaxa.»

Isaías 40:11

Qaq namaye anac 'eeta'am ca qagueta lo'o da ilotague' ana lalo qaguetapi, qataq nsoqteuo da ỹachetac na qagueta llalaqpi ỹachetelec ana ltogue, qataq ntela'a da huetague' ana cheta'ague da deco'otac.

1 Juan 3:16

Qalaxaye qomi' mashe saỹatenaq da naigui da nsoxoyec, cha'aye So Jesucristo ỹaaleguete qomi' da nachaalataxac. Qaq ỹoqo'oye nataqa'en qomi' iuen da sanaq da qanachaalataxac da ñañanaxalec na qara'amqaanataxanaxauapi.

2 Samuel 24:17

Nache so David co'ollaq ila'a se'eso namaxashec piguem le'ec, da ỹalauattac se'eso shiỹaxauapi, nache natamnot Ñim Nataxala', 'eeta': «¿Negue'tom ca lasouaxashet ne'ena shiỹaxauapi? ¡Ye nachaỹemta da huo'o da ỹasouaxashet! ¡Qataq nachaỹem so'ot de'era qauem! ¡Qaq ỹoqo'oye 'Am ñachoxonnot da aỹem talec 'anqa'en ca ñeuaxanaguec, qataq na chegoxoguetpi so ita'a!»

Hebreos 13:20

Ñim Lo'onatac 'Enauacna ỹo'otec So Qarataxala' Jesús da qaltaq ỹe'eguelaxalec da nca'alec. Qaq So Jesús qalaq 'eeta'am naqa'en da qomi' lalopi qagueta, qaq Somaye qalaq 'eeta'am ca ilotague' aca qaguetapi. Qataq chegoqchiguilo soua ltago'q maye huecolde'c co'ollaq qaỹalauat Somaye, da Ñim Lo'onatac 'Enauacna qomi' naỹamaxatto, qaq da naỹamaxataxac chochaq tatec. Qaq ỹoqo'oye seỹaxaatacot Ñim Lo'onatac 'Enauacna maye hueto'ot da nlagaxayec da qami' nalochiyiñi naqa'en qataq qami' huotaxanaqtaqaiqa. Qaq So Jesucristo qami' itaua'n da imauec da qaualaqaiguet Ñim Lo'onatac 'Enauacna. ¡Qaq So Jesucristo ỹataqta lta'araic da ño'oxonnataguec qataq chochaq tatec da 'enec! Aja', nache 'eetec.

Ezequiel 34:23

Aỹem so'ot qome da ñe'eguelaq so ỹamaxashec David, nache sanem da nachesota da ilo'ogue ana ilopi qaguetapi, qaq somaye nacheso qome so ilo'ogue anamayepi.

Ezequiel 37:24

Ñi ỹamaxashec David nacheñita qome da nta'a qataq 'oonolec da ilo'ogue 'enauac namayepi, qaq namayepi qome Aỹem ỹalaxaguet, qataq ipacchigui na iqataxacpi qataq na ỹamaxasoxonaxacpi.

1 Pedro 5:4

Yaqto' qom ñe'eguelaq So Cristo maye Lataxala' nam ilotague' na 'amqaanataxanaxaicpi, nache qami' qauacoñiiguet ca qaica ca 'ena'am da llo'oxoyec qansheetenaguiiqui maye qaica ca loga't.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

Mateo 20:28

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac qataq ñanac da sesoueeguesop na lasouaxashetpi na shiỹaxauapi qataq san da ñachaalataxac da lasheue damaye.»

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Salmos 80:1

'Am, maye 'aulotague' na Israel le'ecpi, maye 'auauecta'aguet co'ollaxa so José 'eeta'am 'anqa'en ana qagueta. 'Am maye ca 'aro'onataxanaqa' da 'am nta'a, nache hueta'alo soua ne'enaqtaqa querubines maye huo'oi naua laua't, ñaq qomi' 'aua'axaỹalo qataq qomi' 'auachaxanalo da 'ara'añaxac,

Miqueas 5:4

Qaq camaye nachaañi qome da ilo'ogue nam lalamaxat lauo' le'ecpi, ỹauota'a da la'añaxac qataq da la'amaqchec Ñim Nataxala' maye Natamnaxala'. Qaq huaña, nache ỹataqta qaica ca machaqca namayepi, cha'aye da la'amaqchec Ñimaye ivira'a qome ca ỹataqta pa'atec ana 'alhua.

Efesios 5:2

Qataq iuen da ỹataqta qauauochec na laỹepi shiỹaxauapi, 'eeta'am So Cristo da qomi' ỹauoteque qataq qomi' ileualeguete. Qaq da l-leuaxa Somaye Ñim Lo'onatac 'Enauacna, 'eeta'am naqa'en da alaitaỹaxac ca no'on coraxat maye qoỹaneuo da nachetaqtaxanaxat.

Ezequiel 34:2

«'Am shiỹaxaua 'aua'axata'a dam talec qome na qagueta lo'opi ye Israel, qoneta': Da la'aqtac Ñim Nataxala', 'eeta': ¡Choxoraxaso' na qagueta lo'opi ye Israel maye maiche ntelteguela't! Qaq anam iuen da ilo'ogue taxa na qagueta lo'opi, nachana ana qaguetapi:

Juan 10:2

Qalaxaye cam tateua'a ca lasom, qache nacheca cam ilotague' ana qaguetapi.