Juan 1:31 - La'aqtaqa Ñim Lo'onatac 'Enauacna 2013

³¹ Qaq aỹem saishet da ỹoqta sauattoota chaq negue't Namaye. Qalaxaye aỹem ñanacto'ot da sachelaxanataxaatega na 'etaxat, yaqto' na Israel le'ecpi ishet da ỹauatton Namaye.

Nuevo Testamento Toba Sur

³¹ Qaq aÿim sa ishit da sauatton co'ollaxa namayi. Qalaxayi aÿim ñanacto'ot da sachilaxanataxaatega na 'etaxat, yaqto' nam llalaqpi so Israel ishit da ÿauatton namayi.

Nuevo Testamento Toba Sombrero Negro

³¹ Jayem nataq'aen ja jateton ca'li, qalaĝaja ñanaequena qaedi jachilaĝanataĝañgui jena'me noĝop, queda'me youetaque joda'me 'uo da'me latetonaĝanaĝa'j joga'me jiyaĝadipi jo'ne Israel laje'pi.”

Juan 1:31 Referans Kwoze

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Lucas 1:17

Camaye nvi', qom saxanaxa da nvi' ca Nca'alaxaqui maye Lca'aguishec Ñim Lo'onatac 'Enauacna. Qaq de'era na'añaxac saqcha'a maye hueto'ot co'ollaxa so na'aqtaxanaxanec Elías, nachera da hueto'ot qome camaye. Da la'aqtaxanaxac ỹo'oteguet da ca nta'a nmaneto caua llalqa, qataq nam sa ỹalaq ila'a da lsomaxac, nache quegue da lataxac nam ỹataqta ỹalaq. Nataqa'en ỹaỹamaxaañi na Israel le'ecpi da yaqto' ỹataqta lhuotta da ỹaconeguet cam Lca'aguishec Ñim Lo'onatac 'Enauacna.

Juan 1:33

Qaq aỹem ñaq saxanaxa da sauatton co'ollaxa Namaye. Qalaxaye Ñim aỹem namaq da yaqto' sachelaxanataxana na 'etaxat, Ñimaye aỹem 'enapega co'ollaxa, 'eeta': «Qom 'am 'auauaachigui So Saqcha'a Na'añaxac Qui'itta da huo'otaq anac, nache talec ca shiỹaxaua, qaq que'eca shiỹaxaua, nacheca ca dachelaxanataxana So Saqcha'a Na'añaxac Qui'itta.»

Juan 1:7

Qaq somaye anac, da yaqto' ỹa'axatem na shiỹaxauapi de'era, yaqto' 'enauac na shiỹaxauapi ishet da ỹa'amaqten de'era yo'oqchiguiñi.

Mateo 3:6

Nache somayepi ỹa'axa't naua lasouaxashe'ete da ỹaxaare'c, nache so Juan nachelaxangui so tala Jordán.

Hechos 19:4

Nache so Pablo 'enapeco': –Aja', so Juan co'ollaxa nachelaxaatac nam shiỹaxauapi maye ỹaxaare'c naua no'onataxaco, qalaxaye nataqa'en 'enapega namayepi da yaqto' ỹa'amaqten cam anatai' maye nca'attalec, qaq nacheso So Jesús Som Lca'aguishec Ñim Lo'onatac 'Enauacna.

Mateo 3:13

Qaq huaña, nache anac So Jesús, chegoqta'a ye 'alhua Galilea da naỹa ye tala Jordán, yem hueta'a so Juan, da yaqto' so Juan nachelaxan Somaye.

Juan 1:30

Qaq aỹem sa'axattac namaye co'ollaq sheeta': «Huo'o na aỹem nca'attalec, namaye aỹem napacalec da la'amaqchec, cha'aye namaye nale'ena da huo'o co'ollaq saxanaxa ñañiguiñi.»

Juan 1:32

Nataqa'en so Juan 'enapeco': –Aỹem sauaateguet So Saqcha'a Na'añaxac Qui'itta da chegoqtot na piguem, 'eeta'am na qoto', nache talec Namaye.