Juan 1:16 - La'aqtaqa Ñim Lo'onatac 'Enauacna 2013

¹⁶ Qaq 'enauac da shenaqta saconaxaguet dam chochaq huañi lsallaxa, qaq nachera dam lqouagaxanaqtaic maye nacalec lỹa da qomi' ỹanema.

Nuevo Testamento Toba Sur

¹⁶ Qaq 'enauac da shinaqta saconaxaguet dam chochaq huañi lsallaxa dam lqouagaxanaqtaic mayi nacalec lÿa da qomi' ÿanema.

Nuevo Testamento Toba Sombrero Negro

¹⁶ Chane'eja da'me chiyaqayi da'me mach'e leyalaqataĝanaĝac let'adaic, male ena'uaque da'me qo'mi joote jaconaĝaguet da'me qanichoĝodenataguec jo'ne dalaĝaic 'me napacalegue da'me jo'ne 'uaechiñe.

Juan 1:16 Referans Kwoze

Colosenses 1:19

Cha'aye Ñim Lo'onatac 'Enauacna nshetaique da So Cristo ỹataqta imatta't 'enauac da lataxac saqcha'a Ñimaye.

Romanos 5:2

Qaq huo'o da qaramaic da saỹaanaq da chegoqchigui da qarpi'iỹaxac So Jesucristo, nache nagui selagaqtapiguiñi souaqtaigui da lsoxoyec Ñim Lo'onatac 'Enauacna. Qataq que'eca anata na'a'q ñeuanaqaua'a qome Ñimaye da la'amaqchec.

Efesios 3:19

Qataq seỹaxaatacot Ñim Lo'onatac 'Enauacna, da yaqto' qami' ỹataqta qauauattoñiita de'era nauotaxanaqtaic maye ỹataqta napacalec 'enauac na qarauattonaxanaxacpi, qataq yaqto' qami' qauacoñiiguet 'enauac nam huotaique da qami' ỹanema Ñimaye.

Efesios 1:23

Cha'aye na 'amqaanataxanaxaicpi, nachena na 'eeta'am da lo'ocỹaxac So Cristo. Qaq namayepi ỹataqta imatta't da lataxac Somaye. Qaq Somaye ỹataqta naloqchiichiguiñi naqa'en na 'amqaanataxanaxaicpi.

Romanos 5:17

Da lle'etaxaloxo so Adán da chegoqchigui da huo'o da la'añaxac da nleuaxa ana 'alhua. Qaq ỹactec qone' da 'eesa da chegoqchigui So Jesucristo, da qomi' senoxonaxaua'a da la'añaxac da dalaxaic achaalataxac. Cha'aye Ñim Lo'onatac 'Enauacna qomi' ỹauoteque, qataq qomi' ỹaỹamaxareete', qaq saishet da qomi' iỹaxanoto aca lasheue damaye.

Juan 3:34

Cha'aye da detaqa nam namaq Ñim Lo'onatac 'Enauacna, nache nacheñi Ñim Lo'onatac 'Enauacna da detaqa, cha'aye Ñimaye ỹami' Namaye da la'añaxac So Saqcha'a La'añaxac.

Mateo 13:12

Cha'aye nam cara'ac da huo'o da lauattonaxanaxac dam saqcha'a lo'onataxanaxac Ñim Lo'onatac 'Enauacna qalaq qanquigaxatec da lauattonaxanaxac. Qalaxaye nam saishet da ỹaỹaten da saqcha'a lo'onataxanaxac Ñim Lo'onatac 'Enauacna, nache Ñimaye ỹo'otec namayepi da icoua'ai dam saq 'amaqtaq maye ỹaỹaten.

Colosenses 2:3

Cha'aye Somaye nacheso so imatta't 'enauac na ỹotta'a't naỹaaneguesat qataq na nauattonaxanaxacpi maye chochaq huañi.

Romanos 8:9

Qalaxaye da So Saqcha'a La'añaxac Ñim Lo'onatac 'Enauacna da qami' hueta'agueta, nache qami' saishet da qoquiito'ot nam qauem qarqopitaxanaqtaiqui, nachaqrata da qaualaqaiguet So Saqcha'a La'añaxac Ñim Lo'onatac 'Enauacna. Ca saishet da hueto'ot So Saqcha'a La'añaxac So Cristo, nache camaye saishet da na'attaua'a Somaye.

Lucas 21:15

Cha'aye Aỹem qome qami' sanema caua qara'aqtaqalli' qataq ca qaraỹaañiqui, da yaqto' saishet da huo'o ca qami' dataỹa'agueta da qami' ncotaỹapegueto.

Mateo 3:14

Qalaxaye so Juan co'ollaq cheta'ague, nache sa ỹaỹamaxaren da nachelaxan Somaye. Nache 'enapego' So Jesús, 'eeta': –Aỹem maye iuen taxa da aỹem 'anachelaxan, qalaq ¿ta'ainco' ye aỹem 'auanaỹa da 'auauotaique da 'am ñachelaxan?

Mateo 3:11

Qaq 'eesa da aỹem nagui qami' ñachelaxanguilo na 'etaxat, qaq damaye naigui da qami' qaỹa'axañeere'c naua qauema maye qauo'ocheeta'ape. Qalaxaye cam aỹem nca'attalec, camaye dachelaxanataxana qome So Saqcha'a Na'añaxac Qui'itta qataq ca norec. Qaq camaye ỹataqta ỹactec da la'añaxac, saishet da sheeta'am. Na'aictoxo' da choche aỹem l-latac ỹataqta saishet da ñaloua'a.

Zacarías 4:7

Qaq ¿chenegue'to' 'am 'amaqtaqai qasoxonaxa? ¡Ye 'am ỹauaachigui qome ñi Zorobabel, da 'am qanquigaxaañi nache 'avi'eguelaxa da qoneta'am ca nalochiguiñi 'alhua! Qaq ñim Zorobabel qom nqatec cam coma' maye ỹataqta 'ana'attalec, nache nam shiỹaxauapi ỹa'alaqtagui qome, 'eeta': ¡Maye sa no'onolec! ¡Maye sa no'onolec!»

1 Pedro 1:11

Co'ollaq saxanaxa da naỹa ana 'alhua So Cristo, nache So Saqcha'a La'añaxac da'aqtaxanem som la'aqtaxanaxanecpi Ñim Lo'onatac 'Enauacna dam taỹa'aguet nque'eenaxac Somaye da huaña ana 'alhua, qataq nataqa'en da'aqtaxanem 'enauac da nca'attauo lyac. Qaq som la'aqtaxanaxanecpi Ñimaye huotaique da ỹaỹaten chaq negue't que'eca Lca'aguishec Ñim Lo'onatac 'Enauacna qataq chaq lagui da naỹa ana 'alhua.

Romanos 5:20

Na namaxasoxonaxacpi co'ollaq huo'o, nache ỹo'ot da la'añaxac da ñe'etaxaloxo. Qaq na'aictaxa da ñe'etaxaloxo da huo'o da la'añaxac, qalaxaye da lsoxoyec Ñim Lo'onatac 'Enauacna napacalec damaye.

Salmos 84:7

nache namayepi nquictauec da la'añaxac, qaq da huaña ye Sión, nache nauane' Ñim Lo'onatac 'Enauacna.