Juan 1:11 - La'aqtaqa Ñim Lo'onatac 'Enauacna 2013

¹¹ Qaq So Na'aqtac anaỹa ana 'alhua, qalaxaye na lauo' le'ecpi saishet da ỹaconeguet.

Nuevo Testamento Toba Sur

¹¹ Qaq somayi anaÿa na maichi lalamaxat lma', qalaxayi na maichi lalamaxat lauo' l'ecpi sa ishit da ÿaconguet.

Nuevo Testamento Toba Sombrero Negro

¹¹ Qama'le da'me male nec'ata jena'me mach'e 'naleua, jogaa'me mach'e 'lachaqa' laje'pi ja yacoteguet joñe'me.

Juan 1:11 Referans Kwoze

Lucas 19:14

Qalaxaye so shiỹaxauapi maye lma' se'eso 'alhua, ỹataqta nquiỹa somaye. Nache ỹauo'o so ỹamaq da ica'ataxanaxaalec somaye da yaqto' 'enapega, 'eeta': «Qomi' sa saỹamaxarenaq ne'ena ỹale da qarta'a.»

Juan 3:32

qataq ỹa'axat nam maiche ỹauaachigui qataq hua'aqchigui. Qalaxaye saishet da huo'o ca ỹa'amaqten cam 'enapec camaye.

Mateo 15:24

Nache So Jesús 'enapeco': –Ñim Lo'onatac 'Enauacna Aỹem namaq da ndotec na Israel le'ecpi da setauan, cha'aye namayepi 'eeta'am aca qagueta maye isomtac.

Romanos 15:8

Cha'aye So Cristo anac da huapegue' nam judiopi, da yaqto' ỹachaxan da Ñim Lo'onatac 'Enauacna ỹataqta ipacchigui 'enauac nam ỹachaxanapeguempi som hua'au qarta'alpi.

Hechos 13:46

Qalaxaye so Pablo qataq so Bernabé saishet da ñe'erelec da la'aqtaxanaxa'c. Nache co'ollaq ime, nache 'ena'apo': –Da la'aqtac Ñim Lo'onatac 'Enauacna, damaye iuen da hua'auñi da qami' sa'aqtaxanaxama maye qami' judiopi. Qalaxaye nagui ye qami' saishet da qauacoñiiguet, qataq qoñiỹapec ye sa iuen da qauacoñiiguet da nca'alaxa maye chochaq tatec, qaq qomi' nagui, saxaigui nam saishet da judiopi da sa'aqtaxanaxam.

Romanos 9:5

Namayepi chegoxoguet soua hua'au' qarta'al, qataq Som ỹale maye Lca'aguishec Ñim Lo'onatac 'Enauacna nataqa'en chegoxoguet soomaye. Somaye ilo'ogue 'enauacna, qataq nacheso so Lo'onatac 'Enauacna ¡Da ño'oxonnataguec Ñimaye ỹataqta chochaq tatec! Aja', nache 'eetec de'era.

Gálatas 4:4

Qaq co'ollaq ivita so na'a'q maye laloqnec Ñim Lo'onatac 'Enauacna, nache namaq So Llalec da nañaxatoigui naqa'en aso 'alo, qataq quetelec na namaxasoxonaxacpi maye ỹo'ottac na judiopi.

Hechos 13:26

Qaq aỹem qana'axaỹañiỹa qami' ỹaqaỹa't maye qami' qauachegoqoiguet so Abraham qataq 'enauac da qoñiita maye ỹataqta qaualaqaiguet Ñim Lo'onatac 'Enauacna, de'era na'aqtaxanaxac maye chegaqaigui da nca'alaxa, damaye ỹataqta qaralamaxat.

Romanos 9:1

Aỹem sa'amaqten So Jesucristo, qaq ỹoqo'oye nam sa'axat ỹataqta 'eesa. Som Saqcha'a Na'añaxac Qui'itta aỹem ỹauecta'aguet. Qaq dam pa'auo da ñachaalataxac aỹem da'aqtaxanem da ỹataqta saishet da satenataxaatac.

Juan 1:10

Qaq se'eso Na'aqtac nale'ena da hueta'a ana 'alhua. Qaq na'aictaxa da Ñim Lo'onatac 'Enauacna ỹachegoxotchigui co'ollaq ỹo'ot ana 'alhua, qalaxaye nam huetalec ana 'alhua saishet da ỹaconeguet.

Juan 1:12

Qalaxaye nam ỹaconeguet qataq ỹa'amaqten, qaq nachena na ỹoqta 'itchiguiñi da llalaqpi Ñim Lo'onatac 'Enauacna.

Juan 19:27

Ime, qataq 'enapego' so lapaxaguenatac, 'eeta': –'Ara qome ara 'arate'e. Nache chegoqchiguiña se'eso na'a'q da se'eso lapaxaguenatac ỹauegueua'a so lma' aso María.

Hechos 21:6

Huaña, nache ñeqapalaqtague' somayepi da ñecoyeguenaqtague', nache senotaxaua'a aso notaxaqui maye quiguingui na 'etaxat. Qaq somayepi ỹe'eguelaxaua'alo naua lma'ate.