Josué 9:8 - La'aqtaqa Ñim Lo'onatac 'Enauacna 2013

⁸ Nache soomaye 'enapegalo' so Josué, 'eeta': «Qomi' sauoqtaique da choche qomi' 'aramaxa'she.» Qalaxaye so Josué ina't soomaye, 'eeta': «¿Negue't qami'? Qataq ¿hua'ague ca qauachegoqoita'ague?»

Josué 9:8 Referans Kwoze

2 Reyes 10:5

Huaña nache so ilotague' so nma' lta'araic maye lo'onataxanaqa' so nta'a, qataq so nta'a maye ilotague' so huaqta'a't nỹecpi, qataq so nqueroxonecpi, qataq som ilotague' so llalaqpi so Ajab, ỹamaxa da la'aqtac so Jehú, 'eeta': «Qomi' so'otaq cam qomi' 'auamaxaleguete, cha'aye maiche qomi' 'aramaxashecpi. Qalaxaye saishet da sauoqo'o ca nta'a, nacherata da 'auo'ot cam ỹaỹamaqchiguiñi 'anqa'en.»

Deuteronómio 20:11

Nache camayepi da ỹasat da qaica machaqca, qataq qami' ỹauategueta da qaunoxoñiiua'a que'eca huaqta'a't nỹecpi, nache camayepi choche qami' do'onataxaatacoto qome qataq qarlataqui.

Josué 9:11

Qaq ỹoqo'oye ye nqueroxonecpi maye qarataxala'pi qataq ye maiche qaraỹepi maye netaña yemaye, qomi' 'enapegalo, 'eeta': ‹Qanqo'oñiỹa qome ca netaña camayepi, qalaxaye qauache qome ca qo'oqoi, cha'aye qaỹoqoolec na nqa'aic, nache qom qaviyeeua'a ca netaña camayepi, nache qoñiỹapega da choche qomi' lamaxa'she, qataq sauoqtaique da qomi' naỹamaxateto camayepi.›

Josué 9:27

qalaxaye ỹanem somayepi da choche qo'oipaq lo'opi, qataq da nỹoqtapegueua'a na 'etaxat so Israel le'ecpi qataq aso nca'atoxonaxalate maye lalamaqte Ñim Nataxala' maye netaña cam lca'aua'a Ñimaye. Qaq nache ivitta'a nagui da na Gabaón le'ecpi da choche nlatacpi.

Josué 9:25

Qalaxaye mashe souaqto'oto naua qarhuaxayilli', qaq maicheye cam qomi' qoñiita'aque.»

Josué 9:23

Qaq souaxat de'era, nache chegoqchiguiña nagui da qami' taleguete ca qauem, ỹoqo'oye nache 'eetai' qome da choche qami' nlataqa. Nache qauquesoqoitapigui qome na qo'oipaq qataq qanỹoqoitapegueua'a na 'etaxat ñi nma' maye lalamaxat Ñim Ñatamnaxala'.»

Josué 10:6

Qaq so lma' ye Gabaón ỹamaxa da la'aqtac so Josué maye hueta'a ye Gilgal, 'eeta': «Saishet qome da huo'o ca 'ectega da qomi' 'autaua'n, cha'aye maiche qomi' 'aramaxashecpi. Qataq sa 'anaỹaloxon qome da 'auanac da qomi' 'autaua'n, cha'aye 'enauac ye lta'alpi ye amorreopi maye netalec aye qasoxonaxapi, yemayepi huaxaỹa't da yaqto' qomi' iloquiaxa'n.»