Josué 9:7 - La'aqtaqa Ñim Lo'onatac 'Enauacna 2013

⁷ Nache so Israel le'ecpi ỹasategueto' se'esoua heveo lashe', 'eeta': «Yo'oqta da sa qaỹapeque ca qarmaye ne'ena souaqta'a. ¿Qaq taloxochiyectoxo' da qami' ñaỹamaxataxato?»

Josué 9:7 Referans Kwoze

Josué 11:19

Qalaxaye nachaqsota co'ollaxa so heveopi maye netaña ye Gabaón da naỹamaxate' so Israel le'ecpi. Qaq se'eso laỹe huaqta'a't nỹecpi imauec da deuotaxanec.

Jueces 2:2

qom saishet da qanaỹamaxache' nam lma' ne'ena 'alhuapi, nachaqrata da qanlaxachiiñi ana lca'atoxonaxalatepi.› ¡Qalaxaye qami' saishet da aỹem qaualaqaiguet! ¿Ta'ainco' da qoñeetec de'era?

Josué 9:1

Qaq so lta'alpi so hitiitapi, qataq so amorreopi, Canaán le'ecpi, ferezeopi, heveopi, Jebuseopi ỹaỹaten co'ollaxa de'era qanayeuaigui. Qaq se'eso nta'alpi netaña co'ollaxa so loigue maye pa'aỹa'ague da avit so tala Jordán, qataq aye qasoxonaxapi, qataq ye nalochiguiñi 'alhua qataq 'enauac so loigue aso Auaxai Mediterráneo, nache ivitta'a so 'alhuapi ye Líbano.

Deuteronómio 20:16

Qalaxaye que'eca huaqta'a't nỹecpi maye lma'pi ca ỹotta'a't shiỹaxauapi, maye qami' ỹanema qome Ñim Nataxala' maye Qanatamnaxala'ai da yaqto' qaralamaxache, saishet qome da huo'o ca nca'altauec qanqa'eñi cam netaigui camayepi.

Números 33:52

nache qauo'oyiỹauec qome ye shiỹaxauapi maye netalec yi'iye 'alhua, qataq qaulaxachiigui na natamnaxala'pi ne'enaqtac coma', qataq na nqachilliguishec lcat, qataq qanlaxachiiñi na natamnaqa'pi maye huasheguema ana lcomaraxalatepi.

Éxodo 34:12

Saishet qome da qanaỹamaxache' na netalec yi'iye 'alhua maye qaunoxoñiiua'a qome, yaqto' saishet da qaue'enaxache da qauem lataxac yemayepi.

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Génesis 34:2

Qalaxaye so Siquén som llalec so Jamor, maye jiviita, som nataxala' yi'iye 'alhua, ila'a co'ollaxa asomaye, nache saicherapec co'ollaxa da ỹaconeua'a da lauañi', nache choche ỹe'en.

Génesis 10:17

jiviitapi, araceopi, sineopi,

Jueces 3:3

Nache no'oirañi co'ollaxa soua cinco lataxala'ate so filisteopi qataq 'enauac so cananeopi, sidoniopi qataq so heveopi maye netalec co'ollaxa aye qasoxonaxapi maye huaña ye Líbano, chegoqchiguiña añi qasoxonaxa Baal Hermón, nache ivitta'a so ñegueta ye Jamat.

Éxodo 23:22

Qaq qom ỹataqta qaualaqaiguet, qataq qauo'oche 'enauac nam qami' samaxaleguete, nache aỹem ỹataqta ñepa'aguene' qome cam qami' ipa'agueeta'ape, qataq ñeqanaxat cam qami' nqanaxatta'ape.

2 Samuel 24:7

Ime, nache taỹa so ñe'eguenaxaqui ye tiro, qataq ivira'a 'enauac so huaqta'a't nỹecpi maye lma'pi so heveopi qataq so cananeopi. Qataq tateuga na pa'aỹa'ague da la'añaxa ye Judá, nache ivitta'a ye Berseba.