Josué 9:2 - La'aqtaqa Ñim Lo'onatac 'Enauacna 2013

² Huaña nache 'enauac somayepi naỹamaxara't qataq huaxaỹa't da yaqto' qailogui' so Josué qataq so Israel le'ecpi.

Josué 9:2 Referans Kwoze

Apocalipsis 16:14

Qaq soomaye nachesoua soua saq cha'alo na'añaxaco maye qauemaiqa, maye ỹo'ottac na na'anecpi maye ỹo'ot da na'aalaxa. Qaq soomaye huenoxoore'c, da yaqto' laỹona't 'enauac na nta'alpi maye huetalec ana 'alhua, da yaqto' delogui' Ñim Lo'onatac 'Enauacna maye qaica ca ỹaqalanapec. Qaq damaye ỹo'ot qom ivita que'eca na'a'q da Ñim Lo'onatac 'Enauacna nmit 'enauac na huetalec ana 'alhua.

Isaías 54:15

Da huo'o ca 'am iloquiaxan, qalaq saishet da nachaỹem da huo'omshe 'am iloquiaxan, qaq cam 'am iloquiaxan qalaq 'oxonec qome.

Isaías 8:12

«Saishet qome da qauamachiỹa'ac noicnaxanaxac 'enauac nam 'eetega noicnaxanaxac ne'ena shiỹaxauapi. Saishet qome da huo'o da qarcolanqai qataq saishet da qaye'eetega, 'enauac nam ñe'etega namayepi.

Proverbios 11:21

Qaq ỹoqta 'eesa da ca qauemaic saishet da sa qaỹauo'o ca nhuaxanaguec, qaq na no'on da lataxac qalaq nca'alec.

Josué 10:5

Qaq huaña nache se'esoua cinco lta'al so amorreopi, som nta'a ye Jerusalén, qataq so nta'a ye Hebrón, Jarmut, Laquis, qataq ye Eglón, soomaye huaxaỹa't, qataq lỹatec so nalleppi nache naña ye nalotta ye Gabaón da yaqto' iloquiaxan yemaye.

Josué 11:1

Qaq so Jabín maye nta'a ye Jazor, co'ollaq ỹaỹaten 'enauac de'era, nache ỹamaxa da la'aqtac so Jobab, som nta'a ye Madón, da yaqto' naỹamaxate' nataqa'en soua nta'al ye Simerón qataq ye Acsaf.

Josué 11:5

Se'eso nta'alpi huaxaỹa't co'ollaxa, nache hua'a ye sa qaỹapeque na npaxaatasheguem 'etaxat ye Merón, da yaqto' delogui' so Israel le'ecpi.

Josué 24:11

Huaña, nache qami' qaua'axasoxoñiilec so tala Jordán, nache qaviyiita'a ye Jericó, nache som netañapi ye Jericó qami' iloquiaxaata'ape, maye nacheso so amorreopi, ferezeopi, Canaán le'ecpi, hitiitapi, gergeseopi, heveopi qataq na Jebús le'ecpi, somayepi ỹataqta qami' deloctagueto co'ollaxa, qalaxaye qami' sanema da qoroxoñiqui somayepi.