Josué 9:13 - La'aqtaqa Ñim Lo'onatac 'Enauacna 2013

¹³ Qataq ne'enaua qartal, ñaq dalaxaale se'eso seỹoxosoxoguilo naamaye na lataxa, qalaxaye nagui naamaye mashe ltoi'. Qaq nache 'ena'ama ne'enaua qorogo, qataq naua qarapela'ate, cha'aye ỹataqta qaỹoqoolec ne'ena nqa'aic.»

Josué 9:13 Referans Kwoze

Mateo 9:17

Qataq nataqa'en saishet da qaicoyigui aca shiguiỹac lo'oc ltoxoi ca lataxa maye dalaxaicolec. Cha'aye ca dalaxaicolec lataxa da ỹashiiyigui, nache ishet da ỹachipiaxata'ague aca lo'oc, nache ca lataxa qataq aca lo'oc caamaye deqa't. Qaq ỹoqo'oye ca dalaxaicolec lataxa, camaye qaỹachagui aca shiguiỹac lo'oc maye dalaxaale, yaqto' caamaye nache 'eetai'salo da saishet da ne'e'n.

Josué 9:4

nache ỹauo'oi soua lamaxa'she da yaqto' datenataxa'n, nache co'ollaq je'c soomaye nache ỹauota'a ltoxoic so lachoxonaxaquipi maye ỹachalec so lalo 'ashenapi, qataq aso laỹe' na lataxa maye lo'oc itagoqtac qataq pannaxai.

Josué 9:12

Qaq so ñenoxonaxauec da sachegoxosoqteua'a ye qarma' da yaqto' qami' ñauanaxato, nache ana'ana nauole 'ayiiña qalaq ñaq dapaqtai', qaq nagui ña qaumichiñi anamaye mashe daqaqta qataq qaramta.

Josué 9:14

Huaña co'ollaxa nache so Israel le'ecpi ỹasateguet da chec se'eso aloq maye nachetrac soua chegoqtra'a ye Gabaón, qalaxaye saishet da inat co'ollaxa Ñim Nataxala'.

Deuteronómio 29:5

Qaq ivittraue'c soua cuarenta vi'iye da qami' sauecta'agueta da qoquiitalec ye toolec 'alhua, yem huaña da saishet da ltoi' soua qorogolli' qataq soua qarapela'achilli'.

Josué 9:5

Nataqa'en ỹaayiñi soua alogo qataq lapela'ate ltoxoiqa qataq pannaxaiqa. Qataq ỹache aso mashe qaramta nauole 'ayiiña maye mashe decochigui.

Marcos 2:22

Nataqa'en saishet da qaicoyingui ca lataxa dalaxaicolec aca laỹe' maye mashe ltoxoi. Cha'aye da ivita da nashiiyisheguem ca dalaxaicolec lataxa, nache ishet da icolaxata'ague acamaye, huaña, nache deqat camaye, nataqa'en aca laỹe'. Qaq ỹoqo'oye iuen da ca dalaxaicolec lataxa, qaicoyingui aca dalaxaale laỹe'.

Lucas 5:37

Qataq nataqa'en saishet da qaicoyigui aca shiguiỹac lo'oc ltoxoi ca lataxa maye dalaxaicolec. Cha'aye ca dalaxaicolec lataxa da ỹashiiyigui, nache ishet da ỹachipiaxata'ague aca lo'oc, nache ca lataxa qataq aca lo'oc caamaye deqa't.