Josué 9:11 - La'aqtaqa Ñim Lo'onatac 'Enauacna 2013

¹¹ Qaq ỹoqo'oye ye nqueroxonecpi maye qarataxala'pi qataq ye maiche qaraỹepi maye netaña yemaye, qomi' 'enapegalo, 'eeta': ‹Qanqo'oñiỹa qome ca netaña camayepi, qalaxaye qauache qome ca qo'oqoi, cha'aye qaỹoqoolec na nqa'aic, nache qom qaviyeeua'a ca netaña camayepi, nache qoñiỹapega da choche qomi' lamaxa'she, qataq sauoqtaique da qomi' naỹamaxateto camayepi.›

Josué 9:11 Referans Kwoze

Ester 8:17

Qaq 'enauac som 'alhuapi, qataq so huaqta'a't nỹecpi maye ivira'a se'eso lamaxasoxonaxac so nta'a, nache so judiopi ỹataqta nlaqchigui da ntonaxac, qataq da lamaicỹaxac, nache ỹo'ot so lquia'axac qataq la'ashaxac. Qaq nataqa'en som shiỹaxauapi maye hueta'a se'eso 'alhua, qalota co'ollaxa som nañigui da judío, cha'aye souaxat da lli'iỹaxa.

Josué 9:8

Nache soomaye 'enapegalo' so Josué, 'eeta': «Qomi' sauoqtaique da choche qomi' 'aramaxa'she.» Qalaxaye so Josué ina't soomaye, 'eeta': «¿Negue't qami'? Qataq ¿hua'ague ca qauachegoqoita'ague?»

Lucas 9:3

Nache 'enapegalo' soomaye, 'eeta': «Saishet qome da huo'o ca qauache na nqa'aic. Saishet da qauache caua qarashelchelli' qataq ca qarachoxonaxaqui qataq ca qo'oqoi qataq aca qo'omi. Qataq saishet qome da huo'o ca ỹache' caua logo lỹa't.

Josué 1:11

«Qanqo'oñiỹa qome 'enauac nam lanataqa'pi na nhuo' le'ecpi, nache qauamaqailec de'era, 'eeta': ‹Qauqataxañiitai' 'enauac ca npe'lpi qataq cam qanallecpi. Cha'aye qom ñaq nte'etom ca lỹa na'a'q, nache sa'axasoxonaxalec qome so tala Jordán, da yaqto' sonaqalec yi'iye 'alhua maye qomi' ỹanema Ñim Nataxala' maye Qanatamnaxala' da yaqto' ỹataqta qaralamaxat.›»

Génesis 43:12

Qataq ỹactec qanqa'eñi aca qauache qo'omi, qataq qavi'iguelaxache qome aca qo'omi maye qami' qaỹe'eguelaxatoto co'ollaxa, cha'aye sa iuena'a da choche nsomaxac damaye.

Josué 9:10

qataq da ỹo'oteque co'ollaxa soua dos lta'al so amorreopi maye neraña da le'ego ye tala Jordán, so Sijón maye nta'a ye Jesbón, qataq so Og maye nta'a ye Basán maye netaña ye Astarot.

Josué 9:12

Qaq so ñenoxonaxauec da sachegoxosoqteua'a ye qarma' da yaqto' qami' ñauanaxato, nache ana'ana nauole 'ayiiña qalaq ñaq dapaqtai', qaq nagui ña qaumichiñi anamaye mashe daqaqta qataq qaramta.

2 Reyes 10:5

Huaña nache so ilotague' so nma' lta'araic maye lo'onataxanaqa' so nta'a, qataq so nta'a maye ilotague' so huaqta'a't nỹecpi, qataq so nqueroxonecpi, qataq som ilotague' so llalaqpi so Ajab, ỹamaxa da la'aqtac so Jehú, 'eeta': «Qomi' so'otaq cam qomi' 'auamaxaleguete, cha'aye maiche qomi' 'aramaxashecpi. Qalaxaye saishet da sauoqo'o ca nta'a, nacherata da 'auo'ot cam ỹaỹamaqchiguiñi 'anqa'en.»