Josué 9:10 - La'aqtaqa Ñim Lo'onatac 'Enauacna 2013

¹⁰ qataq da ỹo'oteque co'ollaxa soua dos lta'al so amorreopi maye neraña da le'ego ye tala Jordán, so Sijón maye nta'a ye Jesbón, qataq so Og maye nta'a ye Basán maye netaña ye Astarot.

Josué 9:10 Referans Kwoze

Josué 12:4

Nataqa'en ỹacona so na'alhua so Og, som nta'a ye Basán, qaq somaye nache pa'atec som chegoxoguetpi so refaiitapi, qaq somaye naña ye Astarot, qataq ye Edrey.

Deuteronómio 2:30

Qalaxaye so nta'a Sijón saishet co'ollaxa da qomi' ỹashenema da sa'axasoxonaxalec ye na'alhua, cha'aye Ñim Nataxala' maye Qanatamnaxala' nache 'ena'ac da qaramchigui naqa'en da lquiyaqteỹaxac, da yaqto' seloquiaxai' qataq qoroxonec, qaq nache ivitta'a nagui.

Deuteronómio 1:4

Qaq damaye huetoigui co'ollaq mashe ime da loxonec so Sijón, so lta'a so amorreopi maye lma' ye Jesbón, qataq so Og maye lta'a na netaña ye Basán qataq ilotague' so netaña ye Astarot qataq ye Edrey.

1 Crónicas 6:71

Qaq som chegoxoguetpi so Guersón, qalaq qanaloqna'aguet ye lcata som lauo' le'ecpi da qoỹanem so huaqta'a't nỹecpi ye Golán, maye huaigui ye 'alhua Basán, qataq so huaqta'a't nỹecpi ye Astarot, maye lalamaxatpi co'ollaxa som laỹe so maiche nalamaxat nhuo' le'ecpi maye chegoxoguetpi so Manasés, qataq lỹaueegue' nam no'onaxapi maye lquia'aqa'pi som 'atetpi.

Génesis 14:5

Qaq so vi'i catorce, nache so Quedorlaomer qataq soua lỹa't nta'al maye huaqtapeegueta, soomaye nqo'oora ye 'alhua Astarot Carnayin, qaq huaña yemaye, nache loxonec som refaiitapi. Ime co'ollaxa qaltaq loxonec so zuziitapi huaña ye Jam, qaq so emiitapi qalaq loxonec co'ollaq huaña ye Savé Quiriatayin,

Números 20:14

Nache so Moisés ỹauo'oi soua lamaxa'she chegoqchiyiña ye Cades, da ỹamaxa da la'aqtac so nta'a ye Edom, 'eeta': «Na 'arqaỹañecpi Israel le'ecpi, da la'aqtac, 'eeta': 'Am 'auaỹaten 'enauac na lqalaicpi maye souaqaigui.

Josué 2:9

«Aỹem saỹaten da Ñim Nataxala' qami' ỹanema ne'ena 'alhua, ỹoqo'oye Ñimaye ỹataqta qomi' ỹo'oteque da lta'araic qarcolanaxa, cha'aye 'enauac na netaña ne'ena, ỹataqta ilem da lcolanaxa souaxat da qoñiita.

Josué 9:9

Nache soomaye 'ena'apo': «Qomye sachegoxosaqa'a ye ỹataqta qaỹoqta 'alhua, qaq souaxat da sa'axasoqtega da llo'oxoyec da le'enaxat Ñim Nataxala' maye 'Anatamnaxala'. Qaq qomi' saỹatenaq 'enauac na ỹo'otpi Ñimaye co'ollaq huaña ye Egipto,

Josué 9:11

Qaq ỹoqo'oye ye nqueroxonecpi maye qarataxala'pi qataq ye maiche qaraỹepi maye netaña yemaye, qomi' 'enapegalo, 'eeta': ‹Qanqo'oñiỹa qome ca netaña camayepi, qalaxaye qauache qome ca qo'oqoi, cha'aye qaỹoqoolec na nqa'aic, nache qom qaviyeeua'a ca netaña camayepi, nache qoñiỹapega da choche qomi' lamaxa'she, qataq sauoqtaique da qomi' naỹamaxateto camayepi.›

Josué 13:31

Qataq ye laỹe ye 'alhua Galaad, qataq so huaqta'a't nỹecpi maye ỹotta'a't naua nañalo ye Astarot, qataq ye Edrey. Qaq 'enauac se'eso 'alhuapi taỹot som laỹe so maiche nhuo' le'ecpi maye chegoxoguetpi so Maquir, som llalec so Manasés, nache qanaloqchiichigui ye lcata so lalamaxat llalaqpi somayepi.

Josué 2:10

Qataq sa'axasoqtapeguelec da 'eetec co'ollaq qoquiỹa'ai ye Egipto, nache Ñim Nataxala' 'imñi naqa'en so 'etaxat so lche aso Auaxai Togaxarai da yaqto' ishet da qaua'axasoxoñiilec. Nataqa'en sa'axasoqtega da ỹataqta qanmachiichiyiñi soua Sijón qataq Og, soua dos lta'al ye amorreopi maye neta'atrague da le'ego ye tala Jordán.