Josué 9:1 - La'aqtaqa Ñim Lo'onatac 'Enauacna 2013

¹ Qaq so lta'alpi so hitiitapi, qataq so amorreopi, Canaán le'ecpi, ferezeopi, heveopi, Jebuseopi ỹaỹaten co'ollaxa de'era qanayeuaigui. Qaq se'eso nta'alpi netaña co'ollaxa so loigue maye pa'aỹa'ague da avit so tala Jordán, qataq aye qasoxonaxapi, qataq ye nalochiguiñi 'alhua qataq 'enauac so loigue aso Auaxai Mediterráneo, nache ivitta'a so 'alhuapi ye Líbano.

Josué 9:1 Referans Kwoze

Números 34:6

Qaq ye loga't ye pa'aigue da avit, nache tachiguiña so loigue aye auaxai Mediterráneo.

Éxodo 3:17

Nataqa'en aỹem da'aqtaxanem da ỹauotaique da qami' nca'alaxateeguesopa da qanque'eenaxaqui ne'ena qoviita'a Egipto, qataq qami' ỹauegalo yem na'alhua ye cananeopi, hitiitapi, amorreopi, ferezeopi, heveopi qataq ye jebuseopi. Yem 'alhua maye sa qoue na qanallec.»

Josué 3:10

Maye 'eeta': «'Era da la'anaxat da Ñim Lo'onatac 'Enauacna maye nca'altauec ỹataqta qami' hueta'agueta, qaq nache de'era qa'aita'ague qauauañiichigui naqa'en da ỹo'orauec qome ye Canaán le'ecpi, hitiitapi, heveopi, ferezeopi, gergeseopi, amorreopi, qataq na Jebuseopi.

Éxodo 23:23

So ñale, hua'auta'ague qome na qanqa'aiqui, qataq qami' ỹauegalo ye na'alhua ye amorreopi, hitiitapi, ferezeopi, cananeopi, heveopi qataq ye jebuseopi, yem taỹa'a da ñeqat qome.

Josué 24:11

Huaña, nache qami' qaua'axasoxoñiilec so tala Jordán, nache qaviyiita'a ye Jericó, nache som netañapi ye Jericó qami' iloquiaxaata'ape, maye nacheso so amorreopi, ferezeopi, Canaán le'ecpi, hitiitapi, gergeseopi, heveopi qataq na Jebús le'ecpi, somayepi ỹataqta qami' deloctagueto co'ollaxa, qalaxaye qami' sanema da qoroxoñiqui somayepi.

Josué 23:4

Qaq aỹem sauota'a da alletaxac co'ollaxa da sanoigui na na'alhuapi ne'ena maiche nalamaxat nhuo' le'ecpi. Qataq saishet da nda'a't na 'alhuapi maye mashe qaiuotaxanec co'ollaxa da sanem namayepi, cha'aye nataqa'en sanem nam ñaq saxanaxa da qaiuotaxanec, maye chegoqchiguiña ye pa'aỹa'ague da yo'oxoñi so Jordán, nache ivitta'a da pa'aỹa'ague da avit aso Auaxai Mediterráneo.

Josué 22:7

Qaq so 'oonolec laỹe se'eso maiche nhuo' le'ecpi maye chegoxoguetpi so Manasés, so Moisés ỹanem co'ollaxa so 'alhua maye huaigui ye 'alhua ye Basán. Qaq so lỹa laỹe se'eso maiche nhuo' le'ecpi maye chegoxoguet so Manasés, so Josué ỹanem so na'alhua maye ỹalectaigui so na'alhuapi so Israel le'ecpi, maye pa'aỹa'ague da avit so Jordán. Nache so hua'auchiguiñi se'eso nhuo' le'ecpi ỹanem da lqouagaxanaqtaic, nache ỹamaq da ỹe'eguelaq.

Josué 22:4

Qaq nagui Ñimaye ipacchigui da ỹan la'aqtac co'ollaxa, qataq nam qarqaỹaipi mashe huo'o da l-lagaxayec, qaq ỹoqo'oye nagui qavi'iguelaqaiỹalo qome naua qaranataqa'achilli' qataq ye qana'alhuai maye pa'aỹa'ague da yo'oxoñi so tala Jordán, maye qami' ỹanema co'ollaxa so Moisés, maye lamaxashec Ñim Nataxala'.

Josué 15:12

Qaq se'eso loga't tachiguiña ye pa'aỹa'ague da avit, maye loigue aso Auaxai Mediterráneo. Qaq 'enauac ne'ena nache loga'tpi na 'alhuapi maye taỹot so maiche nhuo' le'ecpi maye chegoxoguetpi so Judá, nache qoỹanem somayepi, ỹataqtac qanqa'en ye lcata so maiche lalamaxat llalaqpi somayepi.

Josué 13:5

Nataqa'en ñaq no'onañi ye na'alhua ye guiblitapi, qataq 'enauac ye Líbano, yem pa'aỹa'ague da nala' lliguisheguem chegoqchiguiña ye Baal Gad, maye naña na pa'aguiñi loigue añi qasoxonaxa Hermón, nache ivitta'a so ñegueuo ye Jamat.

Josué 11:17

Nache chegoqchiguiña añi qasoxonaxa Halac, «Qaica ca Ñaxaalec» maye pa'aỹa'ague da la'añaxa, saqaỹapeque añi lỹa qasoxonaxa ye Seír, nache ivitta'a ye Baal Gad, maye pa'aỹa'ague da sheu', ye lca'amaxa ye Líbano, na pa'aguiñi añi qasoxonaxa Hermón. Nache so Josué loxonec qataq ỹalauat 'enauac so nta'alpi maye netaña yi'iye 'alhuapi.

Josué 10:23

Qaq 'era da 'eetec co'ollaxa so Israel le'ecpi da nqatrec soua nta'al maye huetraigui so auac, som nta'a ye Jerusalén, Hebrón, Jarmut, Laquis qataq ye Eglón.

Josué 5:1

Qaq 'enauac co'ollaxa so lta'alpi so Amorreopi maye neta'atague da le'ego da pa'aỹa'ague da avit so tala Jordán, qataq so lta'alpi so Canaán le'ecpi maye netaña ye saqaỹapeque aso Auaxai Mediterráneo, co'ollaq ỹaỹaten somayepi da Ñim Nataxala' 'imñi naqa'en so 'etaxat so tala Jordán da yaqto' so Israel le'ecpi ỹa'axasoxoolec da taitague da le'ego, nache so nta'alpi ỹataqta sa ntoonaxanaxan da lli'iỹaxa souaxat da qaica ca ỹañoxot da dataỹa'aguet so Israel le'ecpi.

Josué 3:17

Nache 'enauac se'eso Israel le'ecpi ỹa'axasoxoolec so tala Jordán, daqaqattague so llegueta, qalaxaye soua ntaxaỹaxanaxanaqa maye ỹachetrac aso laỹe' da naỹamaxataxac Ñim Nataxala' qalaq nache nachattrañi huetra'a ye laiñi so tala Jordán, nachattraña so deqaqta 'alhua.

Josué 1:15

ivitta'a da Ñim Nataxala' ỹanem nataqa'en namayepi ca nmataqa', 'eeta'ama qami' da mashe qami' ỹanema, qataq ivitta'a da ỹataqta lalamaxat namayepi yi'iye 'alhua maye Ñim Nataxala' ỹanem qome namayepi. Huaña qome nache ishet da qañi'iguelaqaita na qana'alhuai maye mpa'aỹa'ague na nala' lliguisheguem ye tala Jordán, da yaqto' nache qoñiỹalec ne'ena 'alhua maye qami' ỹanema co'ollaxa so Moisés, som lamaxashec Ñim Nataxala'.»

Josué 1:4

Nache qami' sanema qome ye 'alhua maye chegoqchiguiña ye toolec 'alhua, qataq aye qasoxonaxapi maye huaña ye Líbano, qataq ivitta'a so auaxai lche le'enaxat Éufrates, qataq imauec ye na'alhua ye hitiitapi, nache ivitta'a aso Auaxai Mediterráneo.

Deuteronómio 7:1

Qaq Ñim Nataxala' maye Qanatamnaxala'ai, qom qami' inoxonaqcheteua'alo ye 'alhua maye qami' ỹanema da qaralamaxache, nache qauauañiichigui qome da ỹo'orauec ye ỹotta'a't shiỹaxauapi maye ỹataqta 'amaqtaqaicpi, qataq 'añaxaicpi maye netañalo yeua siete 'aleu', qaq yemayepi nacheye ye: hitiitapi, gergeseopi, amorreopi, cananeopi, ferezeopi, heveopi qataq ye jebuseopi.

Deuteronómio 4:49

qataq 'enauac ye Arabá, qataq ye pa'aỹa'ague da nala' lliguisheguem so tala Jordán, nache ivitta'a aso Auaxai Leuaxai, maye huaña da pa'aguiñi añi qasoxonaxa Pisga.

Deuteronómio 3:25

Qaq ỹoqo'oye 'Am ñachoxonnot, da aỹem 'auasheetem da sa'axasoxoolec ye tala Jordán, da saitague da le'ego yaqto' semeten da lyac ye 'alhua maye huaña aye qasoxonaxapi, qataq ye Líbano.»

Éxodo 34:11

Qaq da ỹataqta qaupaquiitelec da qami' sanema ỹa'aqtac, nache Aỹem samaqauec qome ye amorreopi, cananeopi, hitiitapi, ferezeopi, heveopi qataq ye jebuseopi.

Éxodo 23:31

Qaq naua loga'te yem qarmaye sogote da sa'a'n da na'anaguec, 'eeta': Chegoqchiguiña qome aso Auaxai Togaxarai, nache ivitta'a so loigue aso auaxai maye nalotaxaama ye lma' ye filisteopi, qataq chegoqchiguiña ye toolec 'alhua choche ivitta'a so tala Éufrates. Qaq Aỹem qami' sanema ye netalec yi'iye 'alhua da qauloỹiigue. Ime, qaq maiche qauo'oyiỹauec qome yemayepi.

Números 13:29

Qataq ye 'alhua Néguev netaña ye amaleciitapi, qaq aye qasoxonaxapi nache netalec ye hitiitapi, jebuseopi qataq ye amorreopi, qaq da pa'aỹa'ague aso auaxai qataq na loigue so tala Jordán, nache netaña ye cananeopi.

Josué 6:27

Qaq Ñim Nataxala' ỹataqta hueta'aguet so Josué, ỹoqo'oye da llo'oxoyec somaye imattalec se'eso 'alhua maye qanayeetalec.

Josué 9:7

Nache so Israel le'ecpi ỹasategueto' se'esoua heveo lashe', 'eeta': «Yo'oqta da sa qaỹapeque ca qarmaye ne'ena souaqta'a. ¿Qaq taloxochiyectoxo' da qami' ñaỹamaxataxato?»

Deuteronómio 1:7

Qaq ỹoqo'oye qoqui qome, qanqo'oñiỹa aye qasoxonaxapi maye lalamaqte na amorreopi, qataq na lauoreua 'alhuapi ye Arabá, qasoxonaxapi, qataq ye nalochiguiñi 'alhua ye Néguev, qataq naua loiguiye aso auaxai, qataq ye na'alhua na cananeopi qataq ye Líbano, nache ivitta'a ye lta'araic tala Éufrates.

2 Samuel 24:7

Ime, nache taỹa so ñe'eguenaxaqui ye tiro, qataq ivira'a 'enauac so huaqta'a't nỹecpi maye lma'pi so heveopi qataq so cananeopi. Qataq tateuga na pa'aỹa'ague da la'añaxa ye Judá, nache ivitta'a ye Berseba.