Josué 8:7 - La'aqtaqa Ñim Lo'onatac 'Enauacna 2013

⁷ Huaña qome nache qoquiỹa'aisalo naua qanqañoxotaqa'achilli' nache qauotaxañic ye huaqta'a't nỹecpi, cha'aye Ñim Nataxala' maye Qanatamnaxala'ai qami' ỹanema yemaye.

Josué 8:7 Referans Kwoze

2 Reyes 5:1

So Namán maye lataxala' so nalleppi so nta'a ye Siria, qaq se'eso Namán ỹataqta 'amaqtaqaic, ỹoqo'oye so nta'a ỹataqta lauotaxat somaye, cha'aye Ñim Nataxala' ỹachegoxotchigui somaye da qalota da dauegaxan naqa'en ye Siria. Qaq se'eso ỹale, ỹataqta 'añaxaic co'ollaxa, qalaxaye dalola, hueta'ac na lepra.

Josué 8:1

Ñim Nataxala' 'enapego' co'ollaxa so Josué, 'eeta': «Saishet qome da 'añi'i, qataq da 'auqalvi. 'Alaỹona't qome na 'analleppi, nache qojec da 'auotaxanec ye huaqta'a't nỹecpi ye Ai, cha'aye aỹem 'am sanem da 'oxonec qome ñi lta'a na netaña ye Ai, nataqa'en 'enauac na nalleppi, qataq ye huaqta'a't nỹecpi qataq ye na'alhuapi, nache imauec qome da 'aralamaxat.

Josué 8:6

Qaq qom qomi' icana'ape nache qomi' sataxauec, sachegoxosoqteua'a ye huaqta'a't nỹecpi, yaqto' ipi'itaxana qome da ỹoltaq sataxaueeguesop camayepi.

Josué 8:8

Qaq qom mashe qauotaxañic yemaye nache qauavigaxache, qaupaquiichigui da 'enapec Ñim Nataxala'. Qaq 'era da ỹa'aqtac.»

1 Samuel 23:4

Nache so David qaltaq ỹe'eguelaxalec da inat Ñim Nataxala', nache Ñimaye, 'enapeco': 'Aue, qojec 'anqo'ona ye Keila, cha'aye aỹem 'am sanem da 'oxonec ye filisteopi.