Josué 8:6 - La'aqtaqa Ñim Lo'onatac 'Enauacna 2013

⁶ Qaq qom qomi' icana'ape nache qomi' sataxauec, sachegoxosoqteua'a ye huaqta'a't nỹecpi, yaqto' ipi'itaxana qome da ỹoltaq sataxaueeguesop camayepi.

Josué 8:6 Referans Kwoze

Eclesiastés 9:12

Qataq sela'a nataqa'en da qaica ca ỹaỹaten da nvita cam laloqo', 'eeta'am ca nỹaq da noxonec huetaigui ca naleguec, qataq 'eeta'am aca qoỹo da taigui aca nqoina, qaq nache 'eetec cam ỹale da mashe qaica ca ỹauotaique, nache nque'elaxatta da talec cam qauem.

Eclesiastés 8:11

Cha'aye da sa qaiỹalapegue' da qaỹauo'o ca nhuaxanaguec cam ỹo'ottac nam qauem, nache nam shiỹaxauapi ishet da lhuennataxac da nache queto'ot da ỹo'ottac nam qauem.

Jueces 20:32

Nache som chegoxoguetpi so Benjamín ipi'itaxaatega da qaltaq loxonec somayepi da 'eeta'ama soua hua'auyiñi lỹa't na'axa'te, qalaxaye so Israel le'ecpi, ỹauectauga co'ollaxa som qoỹoqteua'a so huaqta'a't nỹecpi som mpa'aguenaxauapi da yaqto' ivittauga soua nqa'aico.

Éxodo 15:9

So depa'aguenataxan, qalaq 'eeta' da lhuennataxa: ‹Aỹem secaalec qome somayepi, sevira'a da sevi', ime, qaq ñaloqnec qome ca iuotaxanaxat, ivitta'a da ỹataqta samachiguiñi. Ñeqatsheguem qome na ỹainec nache na ihuaq nlaxaañi somayepi›.

Éxodo 14:3

Yaqto' ñi faraón 'eeta' qome da lhuennataxa: ‹So Israel le'ecpi sa ỹaỹaten ca dataigue. Choche nsomaxaatapigui' ye toolec 'alhua›.

Josué 8:5

Qaq na laỹepi ne'ena nhuo' le'ecpi, ñenaicapegue' qome da ñequigaxaua'a qome ye huaqta'a't nỹecpi, qaq qom nnoxonec da qomi' ca'ategueta que'eca shiỹaxauapi maye netaña yi'iye huaqta'a't nỹecpi da qomi' iloquiaxa'n, nache qomi' sataxaueeguesop qome camayepi se'enaxataqchigui da shenaqtec soua na'axa'te lỹa't.

Josué 8:7

Huaña qome nache qoquiỹa'aisalo naua qanqañoxotaqa'achilli' nache qauotaxañic ye huaqta'a't nỹecpi, cha'aye Ñim Nataxala' maye Qanatamnaxala'ai qami' ỹanema yemaye.