Josué 8:26 - La'aqtaqa Ñim Lo'onatac 'Enauacna 2013

²⁶ Qaq so Josué saishet co'ollaxa da nauaxaỹaxaañi aso nasoqta'a lataquiaxai nache iloxonaxaataua'a so huaqta'a't nỹecpi, ivitta'a da ỹataqta qailaxachigui 'enauac somaye.

Josué 8:26 Referans Kwoze

Josué 8:18

Huaña co'ollaxa, nache Ñim Nataxala' 'enapega so Josué, 'eeta': «'Auloxonaxaateua'a qome ana 'arataquiaxai ye Ai, cha'aye aỹem 'am sanem da 'oxonec yemaye.» Nache so Josué nauaxaỹaxaasheguem na lhuaq, nache iloxonaxaateua'a aso lataquiaxai ye huaqta'a't nỹecpi.

Éxodo 17:13

Ỹoqo'oye so Josué ishet da loxonec so nalleppi so amaleciitapi, irota'a so ỹeelonec.

Deuteronómio 2:34

Nache 'enauac so huaqta'a't nỹecpi maye ỹotta'a't naua nañalo maye lalamaxat somaye selaxataxagui, qataq salauataq so ỹalleppi, 'alpi qataq so ñaqpiolec, nache nmichiguiñi ñaqa'enaq saishet da huo'o ca nca'altauec.

Josué 9:3

Qalaxaye so heveopi maye netaña ye Gabaón, co'ollaq ỹaỹaten de'era ỹo'ot so Josué, maye huaña ye Jericó qataq ye Ai,