Josué 8:21 - La'aqtaqa Ñim Lo'onatac 'Enauacna 2013

²¹ Nache so Josué qataq 'enauac so Israel le'ecpi co'ollaq ila'a na lmala'q so norec nache ỹaỹaten da so laỹepi maye nqañoxottañi co'ollaxa, somayepi mashe deuotaxanec se'eso huaqta'a't nỹecpi. Ỹoqo'oye somayepi ỹe'eguelaxaguet da delogui' so alleppi maye decanaxaatacpi chegaqaua'a ye Ai.

Josué 8:21 Referans Kwoze

Josué 8:20

Qaq se'eso Ai le'ecpi co'ollaq nqoilec da ỹamataua'a se'eso huaqta'a't nỹecpi, nache ila'a da nchisheguem na lmala'q, tasheguemec na piguem. Nache somayepi ỹataqta qaica ca ỹe'eguenegue, cha'aye so Israel le'ecpi maye datauec co'ollaxa da tauga so toolec 'alhua, qalaq ñe'eguelaxaguet nagui da iloquiaxan somayepi.

Josué 8:22

Qaq so alleppi maye mashe deuotaxanec se'eso huaqta'a't nỹecpi, nnoxonec da ca'ateguet somayepi nache qaipa'axanangui na laiñi so Ai le'ecpi, cha'aye so Israel le'ecpi dos naua lpa'axaco nache natachigui so lma' ye Ai, nache ivitta'a da 'enauac nmatchiguiñi da ỹalauat.

Josué 10:1

Qaq so Adonisédec, maye nta'a ye Jerusalén co'ollaq ỹaỹaten da so Josué loxonec ye Ai, qataq ỹataqta nlachiguiñi naqa'en 'eeta'am co'ollaxa da 'eetec ye Jericó, qataq da 'eetec nataqa'en so nta'a yemaye, qataq co'ollaq ỹaỹaten da so Gabaón le'ecpi mashe naỹamaxate' so Israel le'ecpi, qataq nache ỹalectaigui somayepi,

2 Samuel 10:9

Qaq so Joab, co'ollaq ila'a da qanataỹagui da qailoquiaxan, nache lca'aua'a so ỹataqta ỹaỹaten da l-loquiaxac so alleppi Israel le'ecpi, nache naỹamaxat da delogui' so siiriopi.