Josué 8:2 - La'aqtaqa Ñim Lo'onatac 'Enauacna 2013

² Qaq 'am, 'auloquiaxan qome ye Ai qataq ñi lta'a yemaye, 'aue'enaxatchigui da qonetec co'ollaxa ye Jericó qataq so nta'a yemaye. Qalaxaye qami' nagui ishet qome da qauacoñiỹa 'enauac na nogoxoshetpi qataq na lalopi maye lalamaxat na qoroxoñiqui. Qaq nache 'anaỹamaxat qome da yaqto' 'auque'elaxatta da 'auloquiaxan yemaye, qoqueteuo'oguet qome na qoshiỹa'ague ye huaqta'a't nỹecpi.»

Josué 8:2 Referans Kwoze

Deuteronómio 20:14

Qaq ca 'alpi, ñaqpiolec, 'atetpi qataq 'enauac ca laỹe nogoxoshetpi maye huetaigui que'eca huaqta'a't nỹecpi, camayepi nache qaralamaxache qome, qataq qollequi 'enauac ca aloq cam qampa'aguenaxauaipi maye Ñim Nataxala' maye Qanatamnaxala'ai qami' ỹanema da qoroxoñiqui.

Proverbios 13:22

Ca ỹale no'on da lataxac qalaq no'onaxata'aguet na laualpi na lalamaxatpi, qaq da lsallaxa ca 'etaxaloxoic qalaq talec ca no'on da lataxac.

2 Crónicas 20:22

Qaq somayepi co'ollaq mashe ỹo'on se'eso no'onec da yo'oxonnataxan, nache Ñim Nataxala' ỹo'ot da nsomaxana't naqa'en so amoniitapi, moabiitapi qataq so lma' añi qasoxonaxa Seír, maye anac co'ollaxa da iloquiaxan so Judá le'ecpi, nache Ñim Nataxala' loxonec somayepi.

Josué 6:21

Ime, nache irolec so ỹeelonec da ỹalauat 'enauac so ỹalleppi, 'alpi, nsoxoppi qataq so ỹa'axaiquipi. Nataqa'en so nauegaxanaxala' huacapi, qaguetapi, qataq 'ashenapi. Nache ỹataqta 'enauac da nlachiguiñi naqa'en.

Jeremías 51:12

¡Qauauo'oi aca la'anaqte da qauloquiaxañi ye Babilonia, nache qaulaxachiigui na lpaqtaxatpi! ¡Qataq qanquigaxacheeuec na nauanaxanaxanecpi qataq nam nauanaxanaxanecpi na pa'asheguem! ¡Qataq qauauo'oi na qanqañoxotaqaipi! Cha'aye Ñim Nataxala' ỹaỹamaxaañi qataq ipacchigui da ỹo'ot nam lapaxañipi maye ỹa'axatta'a co'ollaxa da dataỹa'aguet na lma' ye Babilonia.

Jeremías 17:11

Qaq cam desalligui da lcachaxac nache camaye 'eeta'am ca dachemi da nqapaxaaleguete caua saishet da lco'oue'ete. Nache da laiñi da nachaalataxac, nache da deqat 'enauac da lsallaxa, ime nache ivitta'a da 'eeta'am ca qaica ca ỹaỹaanapec.

Proverbios 28:20

Ca shiỹaxaua maye npe'et camaye ivira'a da qaỹo'oxoreetac, qaq ca nda'a't da iỹalata'a da lsallaxa, qalaq saishet da saqca ca nhuaxanaguec.

Salmos 39:6

'Enauac na shiỹaxauapi da jec qalaq 'eeta'am na lpaqal. Qaica ca naigui da lapoosheguem da lsallaxa, cha'aye sa ỹaỹaten chaq negue't ca no'ona'aguet qome damaye.

2 Crónicas 13:13

Qalaxaye so Jeroboán, mashe 'enapega co'ollaxa da naỹamaxaañi so nalleppi da coleesop so Abías, nache chegaqa'ague da l-laq qataq da dataỹa'ague da iloquiaxan ye Judá.

Josué 10:28

Qataq nacheso se'eso na'a'q, da so Josué deuotaxanec so huaqta'a't nỹecpi ye Maceda, nache 'enauac da ilaxachigui, qataq damaxasoxoolec da imauec qaỹalauat so lma' yemaye, qairota'a so ỹeelonec, qataq ỹataqta qaica ca qano'onaxatañi da qanca'alaxattauec. Qaq so nta'a ye Maceda nache ỹe'enaxatchigui da 'eetec co'ollaq ỹalauat so nta'a ye Jericó.

Josué 10:1

Qaq so Adonisédec, maye nta'a ye Jerusalén co'ollaq ỹaỹaten da so Josué loxonec ye Ai, qataq ỹataqta nlachiguiñi naqa'en 'eeta'am co'ollaxa da 'eetec ye Jericó, qataq da 'eetec nataqa'en so nta'a yemaye, qataq co'ollaq ỹaỹaten da so Gabaón le'ecpi mashe naỹamaxate' so Israel le'ecpi, qataq nache ỹalectaigui somayepi,

Josué 8:24

Qaq so Israel le'ecpi co'ollaq ime da ỹalauat 'enauac so alleppi Ai le'ecpi maye decanaxaatac co'ollaq huaña so no'onaxa qataq so toolec 'alhua, nache so Israel le'ecpi ỹe'eguelaxaua'a ye huaqta'a't nỹecpi ye Ai, nache ỹauota'a so ỹeelonec da nmatchiguiñi da ỹalauat so ñaq no'onañipi co'ollaxa.

Josué 8:19

Huaña nache so nqañoxottañipi sa naỹaloxon da nnoxonec da ca'ai so nqañoxotaqa', nache ỹataqta naloxo da inoxoneua'a so huaqta'a't nỹecpi da yaqto' deuotaxanec, nache sa naỹaloxon da ỹavigaxat.

Josué 8:14

Qaq so lta'a so netaña ye Ai, co'ollaq mashe noma de'era huaigui. Nache somaye ỹataqta iỹalapigui' da nnoxonec, lỹatec so nalleppi qataq 'enauac so shiỹaxauapi da yaqto' delogui' so Israel le'ecpi, huaña ye ca'amegue ye Jordán. Qalaxaye somaye sa ỹaỹaten da huo'o so laỹepi Israel le'ecpi da nqañoxottañi, huetauga na qoshiỹa'ague so huaqta'a't nỹecpi.

Josué 8:12

Nache so Josué nqañoxooñi naqa'en so cinco mil alleppi, ñichiguiña naqa'en na laiñi ye Betel qataq ye Ai, yem pa'aỹa'ague da avit so huaqta'a't nỹecpi.

Josué 8:9

Huaña nache so Josué ỹamaq somayepi nache somayepi jec, qaq co'ollaq ivi' nache nqañoxotaqa' ye laiñi yeua Betel qataq ye Ai, ye pa'aỹa'ague da avit ye Ai, qaq so Josué nache ỹalectaigui so nalleppi se'eso pe.

Josué 8:7

Huaña qome nache qoquiỹa'aisalo naua qanqañoxotaqa'achilli' nache qauotaxañic ye huaqta'a't nỹecpi, cha'aye Ñim Nataxala' maye Qanatamnaxala'ai qami' ỹanema yemaye.

Deuteronómio 3:2

Qalaxaye Ñim Nataxala' aỹem 'enapega 'eeta': «Saishet qome da 'añi'iỹa namayepi, cha'aye 'am sami' da 'oxonec namaye qataq na nalleppi qataq ye na'alhua. Qaq 'avi'inaxatchigui da qonetec co'ollaxa so Sijón maye lta'a so amorreopi maye netaña co'ollaxa ye Jesbón.»

Josué 8:3

Nache so Josué naỹamaxat qataq 'enauac so nalleppi da yaqto' jec da iloquiaxan ye Ai. Nache lca'aua'a so treinta mil som ỹoqta alaataxaicpi, da yaqto' ỹamaq se'eso pe.

Josué 8:8

Qaq qom mashe qauotaxañic yemaye nache qauavigaxache, qaupaquiichigui da 'enapec Ñim Nataxala'. Qaq 'era da ỹa'aqtac.»

Deuteronómio 2:35

Qaq nachesota so 'atetpi qataq so nogoxoshetpi maye huo'o da lashiichiỹaxac maye netaigui so huaqta'a't nỹecpi maye ñelaxataxañi da saconaxa.

Josué 9:3

Qalaxaye so heveopi maye netaña ye Gabaón, co'ollaq ỹaỹaten de'era ỹo'ot so Josué, maye huaña ye Jericó qataq ye Ai,

Josué 11:14

Qalaxaye som Israel le'ecpi irolec so ỹeelonec da ỹalauat 'enauac som netaigui se'eso huaqta'a't nỹecpi, nache ỹataqta qaica ca no'onaxatañi da nca'altauec naqa'en, qataq ỹacona 'enauac so nogoxoshetpi maye huetaigui co'ollaxa somayepi, qataq som na'atetpi somayepi.