Josué 8:16 - La'aqtaqa Ñim Lo'onatac 'Enauacna 2013

¹⁶ Huaña co'ollaxa nache 'enauac so shiỹaxauapi ye Ai huaxaỹa't, nache icanapec somayepi, qaq co'ollaq qaicaatac so Josué, nache somayepi qaỹoqteueegue da ca'ai so huaqta'a't nỹecpi.

Josué 8:16 Referans Kwoze

Jueces 20:31

Qaq nataqa'en se'eso na'a'q, so chegoxoguetpi so Benjamín ỹoltaq tauga so pa'auec, so huaqta'a't nỹecpi nache ca'ateguet so Israel le'ecpi da yaqto' iloquiaxan. Nache somayepi ỹalauat so treinta Israel le'ecpi, huaña ye no'onaxa qataq soua nqa'aico maye taira'a ye Betel qataq Gabaa.

Apocalipsis 16:14

Qaq soomaye nachesoua soua saq cha'alo na'añaxaco maye qauemaiqa, maye ỹo'ottac na na'anecpi maye ỹo'ot da na'aalaxa. Qaq soomaye huenoxoore'c, da yaqto' laỹona't 'enauac na nta'alpi maye huetalec ana 'alhua, da yaqto' delogui' Ñim Lo'onatac 'Enauacna maye qaica ca ỹaqalanapec. Qaq damaye ỹo'ot qom ivita que'eca na'a'q da Ñim Lo'onatac 'Enauacna nmit 'enauac na huetalec ana 'alhua.

Salmos 9:16

Ñim Nataxala' nachaxan da yaqto' qaỹauatton, souaxat da ỹo'ot na ỹaỹamaqchiguiñi lataxac, qaq na qauemaicpi qalaq tangui aca lqoina maye maiche lo'onata.

Josué 8:17

Qataq nache ỹataqta qaica da huo'otaq 'oonolec shiỹaxaua ca no'onaña ye Ai qataq ye Betel, nache 'enauac somayepi nnoxonec da icanapec so Israel le'ecpi. Qaq souaxat da lcanaxanaxac nache no'onaxatchiguiñi so huaqta'a't nỹecpi nache qaica ca nauanalec.