Josué 7:7 - La'aqtaqa Ñim Lo'onatac 'Enauacna 2013

⁷ Nache so Josué 'enapeco': «¡Aicoue, 'Am Nataxala'! ¿Ta'ainco' co'ollaxa da ỹa'axasoxoolec 'anqa'en so tala Jordán ne'ena nhuo' le'ecpi? ¿Qalqo' 'anshetaique peta'a da qomi' 'aỹa'anegueta na Amorreopi da yaqto' qomi' ilaxachiguilo? ¡Qaico' co'ollaxa da nache sonaqta'ategue da le'ego ye Jordán!

Josué 7:7 Referans Kwoze

Hebreos 12:5

Qalaxaye qami' 'eeta'am da qaucoviỹa'ai da lqataxac Ñim Lo'onatac 'Enauacna maye ỹami' na llalaqpi maye nanettalec ana nere, 'eeta': «'Am ỹauotaxat ỹalcolec, saisheto' da 'auacona da lapaxaguenataxanaxac Ñim Lo'onatac 'Enauacna da 'eeta'am 'anqa'en da qaica ca naigui. Qataq saishet da 'am ỹaquicoqchet da ivita da 'am 'enapega Ñimaye.

2 Reyes 3:10

Nache so lta'a so Israel le'ecpi, 'eeta': Ñim Nataxala', 'eeta'am da qomi' ỹauaxaỹaxana't qomi' tres nta'al, da yaqto' qomi' ỹanegueta da qomi' loxonqa ye Moab le'ecpi.

Mateo 17:20

Nache So Jesús 'enapeco': –Cha'aye qami' saishet da huo'o ca qarpi'iỹaxaqui Ñim Lo'onatac 'Enauacna. Qaq ỹataqta 'eesa de'era qami' sa'aqtaxanema da huo'otaq qami' huo'o ca qarpi'iỹaxaqui, na'aictaxa da lcatam aca ala ana nañiguishe le'enaxat mostaza, qalaq ishet da qoñiỹapega aca qaỹoqotcheguemec 'alhua da ca'ai ca hueta'a, nache qami' ỹalaxagueta. ¡Nache qaica ca alaq da qauataiỹa'aguet!

Mateo 17:17

Nache So Jesús 'enapeco': –Qami' ỹataqta saishet da qauaỹachiñi ca qoñiitec qataq saishet da huo'o ca qarpi'iỹaxaqui Ñim Lo'onatac 'Enauacna. ¿Peta'a ỹapacteco' da sa qauañoxoche da huo'o ca qauo'oche da saishet da qami' soota'agueta? ¿Cam laguio' nache ishet da qauaỹaanataxañi? ¡Ña qanaviquicna'a da nsoq!

Salmos 116:11

Qaq ỹoqo'oye co'ollaq sootaigui so ỹachetataic, nache sheeta': «'Enauac na shiỹaxauapi da shepecaicpi.»

Números 14:3

¿Ta'ainco' Ñim Nataxala' da qomi' nauegalo ne'ena 'alhua da yaqto' qomi' qaira'alo ca ỹeelonec da qomi' qaỹalaua't, qataq da na qampa'aguenaxauapi ỹacona ana qaramoxouapi, qataq na qoyalaqpi? ¡Ỹoqo'oye 'onaxaictoxo' da she'eguelaxasoxogue da Egipto!»

Éxodo 17:3

Qalaxaye se'eso nhuo' le'ecpi ỹataqta huo'o na laquip, ỹoqo'oye 'eetega so Moisés, 'eeta': «¿Che ta'ainco' da qomi' 'anqateeguesopa co'ollaxa ye Egipto? ¿Choche qomi' 'aualaateque na qaraquip, qataq na qoyalaqpi qataq na qana'atetpi?»

Éxodo 16:3

Nache 'enapeco' somayepi: «¡'Onaxaictoxo' co'ollaxa Ñim Nataxala' da nache qomi' ỹalauatraña ye Egipto! Cha'aye co'ollaq sonaqtaña yemaye, qalaq ñeso'onaqtaisop naxa ana qarataxaqui maye laỹe' na lapat qataq ỹataqta qomi' comaraxaiqa da sequia'aq. Qalaq che 'eeto' qami' ye qomi' qanqacheerec da qomi' qanaviquiugalo na toolec 'alhua da 'enauac qomi' qaualaacheque na qarqouaxa.»

Números 14:16

‹Ñim Nataxala' saishet da inoxonaqcheteua'a ye 'alhua maye ỹachaxanapeguem co'ollaxa da ỹanem ne'ena nhuo' le'ecpi, ỹoqo'oye Ñimaye ileualec naqa'en namayepi ye toolec 'alhua.›

Josué 7:6

Huaña nache so Josué qataq so nqueroxonecpi maye lataxala' so Israel le'ecpi ncolaxata'aisalo soua alogo, qataq imeeleguete naua lqaigo na 'alhua lsoche da la'anaxat naqa'en da nqui'ic, ime qaq ỹa'aroto naua l-llectel aso arca maye laỹe' da naỹamaxataxac Ñim Nataxala', qataq iviraxata'aguet naqa'en na latap na 'alhua, ivitta'a da inoxooñi aso nala'.

Josué 7:8

¡Aicoue, 'Am Nataxala'! Qaq ¿ca sheeteco' nagui ca ỹa'aqtac ye na Israel le'ecpi mashe dataueeguesop so mpa'aguenaxauapi?

Jueces 20:23

Cha'aye so Israel le'ecpi hua'auñi co'ollaxa nỹeeto'ot Ñim Nataxala', qataq inat da qaltaq delogui' peta'a so maiche lqaỹañecpi maye chegoxoguetpi so Benjamín. Nache Ñim Nataxala' 'enapega somayepi da naỹamaxat da qaltaq delogui' somayepi.

1 Samuel 4:3

Nache so nalleppi so Israel le'ecpi co'ollaq ỹe'eguelaxa so lanataqa', nache so nqueroxonecpi maye lataxala'pi so Israel le'ecpi nnattega't, 'eeta': ¿Chaq ta'ainco' da Ñim Nataxala' ỹasheetem da qomi' loxonqa na filisteopi? ¡Ña she'eguenaqa'a aca arca maye laỹe' da naỹamaxataxac Ñim Nataxala' maye netaña ye Silo, yaqto' Ñimaye qomi' nca'alaxateeguesopa qome na qampa'aguenaxauapi!