Josué 7:6 - La'aqtaqa Ñim Lo'onatac 'Enauacna 2013

⁶ Huaña nache so Josué qataq so nqueroxonecpi maye lataxala' so Israel le'ecpi ncolaxata'aisalo soua alogo, qataq imeeleguete naua lqaigo na 'alhua lsoche da la'anaxat naqa'en da nqui'ic, ime qaq ỹa'aroto naua l-llectel aso arca maye laỹe' da naỹamaxataxac Ñim Nataxala', qataq iviraxata'aguet naqa'en na latap na 'alhua, ivitta'a da inoxooñi aso nala'.

Josué 7:6 Referans Kwoze

Génesis 37:29

Qaq so Rubén co'ollaq ỹe'eguelaxa aso nshere, nache so José mashe saishet da huetangui asa'aso nshere. Huaña, co'ollaxa nache somaye ncolaxata'aisalo soua alogo souaxat da nqui'ic.

Génesis 37:34

Nache so Jacob ncolaxata'aisalo soua alogo. Ime, nache ỹaayiñi soua alogo maye lasouaxaqui'. Nache ỹataqta huo'oi soua na'axa'te da nỹeetapeguelec da l-leuaxa so llalec.

Lamentaciones 2:10

Som ỹa'axaiquipi maye nataxala'pi yem huo'o da lyac Sión, qalaq choche ñe'emaxat, nso'ona'aguet na 'alhua qataq imettalec na lqaic na namoxoỹaxa, qataq ỹaatarañi naua sansattegueta alogo. Qaq nam qa'ampiolec ye Jerusalén qalaq naqtañi saishet da nlosheguem souaxat da la'aloxo.

2 Samuel 13:31

Nache so nta'a, ñisheguem co'ollaxa, nache ncolaxata'aisalo soua alogo souaxat da nqui'ic, qataq nqapaxaneguet na 'alhua, nache 'enauac so ltauapi maye datataua'a somaye, nataqa'en ncolaxata'aisalo naua alogo.

Números 14:6

nache so Josué maye llalec so Nun, qataq so Caleb maye llalec so Jefone maye nqo'oora co'ollaxa da imete'n yi'iye 'alhua, soomaye icolaxata'aguelo soua alogo souaxat da nqui'ic,

Apocalipsis 18:19

Nataqa'en imeeleguete naua lqaigo na alo da ỹachaxan da laquicoxo, nache nỹeetac, qataq na'alaqtapiguiñi, 'eeta': «¡'Agai, ỹataqta chaqaic da qouaigui! ¡Ỹataqta 'am choxoraxaso' 'am maye 'am lta'araic nỹecpi qataq 'am 'añaxaic! Cha'aye da 'arsallaxa nachera da isallaqchet, 'enauac nam nmenaxaicpi maye huo'o ana nnotaxaqui maye quiguingui na 'etaxat. ¡'Eeta'am da 'eetec da nqachegoxoñi ca shiỹaxaua nache 'am qailaxachigui!

Hechos 14:14

Qalaxaye soua Jesús lamaxa'she Bernabé qataq Pablo co'ollaq nomalo de'era, nache soomaye ncolaxata'aisalo naua alogo, da ỹachaxa'n da lqaigaqa' dam ỹo'ot nam shiỹaxauapi. Ime, nache tayingui na laiñi, nache ỹa'alaqtai'salo, 'eetra':

Da na'aqtaguec so Job 2:12

Qaq co'ollaq ñaq tatra'a somaye nache ilora'a, qalaxaye huac da saỹauatto'n, qaq co'ollaq ivitra nache ỹa'ala'q qataq nỹeeta'ape, nache ỹataqta qalota da nqui'i'c, nache ncolaxata'aisalo soua alogo, qataq imeeleguete naua lqaigo so alo qataq so 'alhua.

Da na'aqtaguec so Job 1:20

Nache so Job nachaañi, ỹataqta lta'araic da nqui'ic, nache ncolaxata'aisalo soua alogo, qataq namarecta na lqaic, nache ỹa'alyiñi naua l-llecte da natamen.

Ester 4:1

Qaq so Mardoqueo, co'ollaq ỹaỹaten 'enauac de'era qaỹo'ot, nache ncolaxata'aisalo soua alogo maye la'anaxat da nqui'ic, qataq ỹaayiñi soua sansatchiguilo alogo, qataq ichegoxolec na lqaic so alo, ime nache jec, coleetapigui so huaqta'a't nỹecpi, nache ỹa'alaqtague' souaxat da nlaqchigui da nqui'ic.

2 Samuel 12:16

Nache so David, ỹataqta nqouagaxaueetacot Ñim Nataxala' souaxat se'eso nogotolec, qataq nqouaqchet, qataq huo'oi soua pe' da nnaata'aguet na 'alhua.

2 Samuel 1:12

nache somayepi nỹeetac qataq nqouaqcheela't ivitta'a so pe, souaxat so Saúl qataq so llalec Jonatán, qataq so alleppi maye lalamaxat Ñim Nataxala', qataq so nhuo' Israel le'ecpi, maye qairota'a so ỹeelonec co'ollaq qaỹalauat.

1 Samuel 4:12

Qalaxaye se'eso na'a'q huo'o so 'oonolec som chegoxoguetpi so Benjamín, somaye chegoqtoigui so alaataxac da qoỹet, nache ỹataqta naloxo nache choche ivitta'a ye Silo. Qaq somaye ỹataqta colaqta'ape soua alogo, qataq na lqaic nlaqchigui nataqa'en na 'alhua.

Jueces 21:2

Qaq co'ollaq ime de'era nache se'eso nhuo' le'ecpi laỹona't huaña ye Betel, ỹauaachigui Ñim Lo'onatac 'Enauacna nache palom da nỹeetacpi, qataq nachoxoreetac nache, 'eeta':

Jueces 20:26

Nache 'enauac so Israel le'ecpi qataq so nalleppi ỹoltaq ỹe'eguelaxa ye Betel, da qaltaq nỹeeto'ot Ñim Nataxala', nache imauec se'eso na'a'q da nqouaqchet somayepi, qataq ỹanot Ñim Nataxala' aso lachetaqtaxanaqte qaỹavigaxatta, qataq aso lachetaqtaxanaqte maye qanhuaachigui.

Jueces 20:23

Cha'aye so Israel le'ecpi hua'auñi co'ollaxa nỹeeto'ot Ñim Nataxala', qataq inat da qaltaq delogui' peta'a so maiche lqaỹañecpi maye chegoxoguetpi so Benjamín. Nache Ñim Nataxala' 'enapega somayepi da naỹamaxat da qaltaq delogui' somayepi.

Números 16:45

¡Qoquiỹa'ai qome ne'ena shiỹaxauapi, cha'aye selaxachigui nagui! Nache soomaye ỹa'alyiñi naua l-llecte, nache iviraxatra'aguet naqa'en naua lata'api na 'alhua.

Números 16:22

Qalaxaye soomaye ỹa'alyiñi naua l-llectel, nache iviraxata'agueta naua lata'pi na 'alhua, nache 'ena'apo': 'Am Nataxala' maye 'Am Natamnaxala' 'enauac na shiỹaxauapi, ¿Peta'a 'aualemataỹa 'enauac ne'ena shiỹaxauapi maye laỹoota'a't, ye 'oonolec som huo'o da lasouaxashet?

Josué 7:7

Nache so Josué 'enapeco': «¡Aicoue, 'Am Nataxala'! ¿Ta'ainco' co'ollaxa da ỹa'axasoxoolec 'anqa'en so tala Jordán ne'ena nhuo' le'ecpi? ¿Qalqo' 'anshetaique peta'a da qomi' 'aỹa'anegueta na Amorreopi da yaqto' qomi' ilaxachiguilo? ¡Qaico' co'ollaxa da nache sonaqta'ategue da le'ego ye Jordán!

2 Samuel 1:11

Nache so David qataq so nalleppi co'ollaq hua'axaỹa de'era, nache ncolaxata'aisalo soua alogo souaxat da nqui'ic,

2 Reyes 22:11

Nache so nta'a co'ollaq hua'aqchigui nam na'aqtacpi maye nanettalec asa'aso nere maye huetalec na nqataxacpi, nache ncolaxata'aisalo soua alogo souaxat da nqui'ic,

2 Crónicas 34:19

Qaq so nta'a co'ollaq hua'axaỹa so nanettalec aso nere maye huetalec na nqataxacpi, nache ncolaxata'aisalo soua alogo,

Da na'aqtaguec so Job 42:6

Qaq ỹoqo'oye nagui sha'axaneguet da itaxaỹaxac, souaxat na ỹa'aqtacpi co'ollaxa, nache ñeso'ongui qome na namoxoỹaxa, qataq semeelec na ỹaqaic na alo, cha'aye huo'o da ñetogotaxac.»

Jueces 11:35

Qaq co'ollaq ila'aguet asomaye, nache ncolaxata'alo soua alogo souaxat da lqaigaxa nache nỹen, nache 'eeta': «¡Aicoue, 'am ỹalole, ỹataqta lta'araic da aỹem 'auo'otec ñiqui'ic! Cha'aye nache 'am maye aỹem 'auo'otec de'era lta'araic ñiqui'ic, souaxat da sanot co'ollaxa so ỹa'aqtac Ñim Nataxala', qaq nagui iuen da sepacchigui da so'ot damaye!»

2 Samuel 1:2

Qalaxaye so na'a'q tres, nache nvireua'a ye Siclag so 'oonolec ỹale maye chegaqa'a ye lanataqa' so Saúl, qaq somaye ỹataqta colaqta'ape soua alogo, qataq nlaqchigui na lqaic na 'alhua souaxat da nqui'ic. Qaq co'ollaq ivireua'a so David, nache ỹa'alyiñi naua l-llecte, iviraxata'aguet naqa'en na latap na 'alhua.

2 Samuel 13:19

Nache aso Tamar, ỹacona co'ollaxa so alo, nache imeelec na lqaic, qataq ncolaxata'alo soua alogo maye ỹaatrañi, qataq npataqta'a na lqaic co'ollaq jec, nache nỹeetague' co'ollaq quetague' so nqa'aic.

Esdras 10:1

Qaq so Esdras co'ollaq ña nqouagaxaueetac qataq ỹaatac so la'aqtac, souaxat na lasouaxashetpi so lauo' le'ecpi qataq nỹeetac, ỹa'attrañi naua l-llecte, hueta'a aso atamnaxaqui maye lalamaqte Ñim Lo'onatac 'Enauacna, nache anac so qalota ỹalleppi, 'alpi qataq so ñaqpiolec maye Israel le'ecpi. Qaq 'enauac somayepi coleesop somaye, nache nỹeetac souaxat da lta'araic nqui'ic.

Nehemías 9:1

Qaq so na'a'q veinticuatro se'eso ca'agoxoic siete, nache so Israel le'ecpi qaltaq ỹo'ot so laponaxac da yaqto' nqouaqchet, qataq ỹaatrañi soua sansatte' alogo qataq imeelec na lqaic so alo,

Ester 4:3

Qaq nataqa'en 'enauac so laỹepi 'alhuapi maye ivira'a som lamaxasoxonaxac so nta'a, da ỹataqta huo'o da lta'araic laquicoxo so judiopi, qaq somayepi ỹataqta ỹachaxaata da laquicoxo, nache ỹo'ot da nqouaqchet, qataq nỹeetac, qataq daquicota, qataq somayepi qalota som nnangui so alo, qataq ỹaayiñi soua alogo maye sansatchiguilo.