Josué 7:3 - La'aqtaqa Ñim Lo'onatac 'Enauacna 2013

³ Qaq co'ollaq ñe'eguela'q soomaye nache 'enapegalo so Josué, 'eeta': «Sa iuen da 'auamaq 'enauac ne'ena nhuo' le'ecpi da jec da iloquiaxan ye Ai, cha'aye da 'auamaq ca dos huo'otaq tres mil alleppi nache nalota'ai' da iloquiaxan yi'iye huaqta'a't nỹecpi. Qaq nache saishet qome da imeta 'anqa'en da jec ne'ena nhuo' le'ecpi, cha'aye nam nauaatalec yi'iye huaqta'a't nỹecpi ỹataqta salamai'.»

Josué 7:3 Referans Kwoze

2 Pedro 1:10

Qami' ỹaqaỹa't, Ñim Lo'onatac 'Enauacna qami' lca'agui'she da yaqto' qauallicỹoigui na lalamaxatpi. Qaq da qauauoitaique da nache 'eetai' da qaualliquiitaigui namayepi, nache qami' iuen da qanquigaxachiitec da qana'añaxataxaqui da qauo'oche 'enauac de'era. Qaq da nache qoñiitec de'era, nache saishet da huo'o ca nqanaxat da qanachaalataxaqui da qaua'amaqchiñiitac So Cristo.

2 Pedro 1:5

Qaq ỹoqo'oye, da iqataxac no'on da ỹataqta qanpogoxoiñiỹapegue' da: qaua'añaxachiichiguiñi da qarpi'iỹaxaqui Ñim Lo'onatac 'Enauacna qataq qana'añaxache da qauo'oche ca ỹaỹamaqchiguiñi, qataq qanpogoxoiñiỹapegue' da ỹataqta qauauattoñiita Ñim Lo'onatac 'Enauacna,

Hebreos 4:11

Qaq ỹoqo'oye qomi' ỹataqta ña'añaxataq da salaxasoxoguet Ñim Lo'onatac 'Enauacna, yaqto' que'eca na'a'q senoxonaxaua'a ca lma' maye nmataqa' Ñimaye. Saishet qome da qolaxague da lataxac som saishet da ỹa'amaqten da no'on na'axaỹaxac.

Lucas 13:24

–Qana'añaxache qome da qaunoxoñiiua'a ñim lasom maye saq 'amaqtaq, cha'aye Aỹem shenapec da ỹataqta qalota qome na nshetaique da inoxoneuo, qalaxaye saishet da ỹañoxot.

Proverbios 21:25

Qaq ca hualaic qalaq ỹalauat da lyaxa, souaxat da saishet da do'onataxanaxa'n naua lhua'q,

Proverbios 13:4

Ca hualaic huo'o ca nqopittaique qalaxaye saishet da ỹanata, qaq ca 'onataxanaxaic qalaxaye ishet da nquictasheguem.

Josué 7:2

Qaq co'ollaq qaỹata'ague de'era, nache so Josué huo'oi soua ỹama'q shiỹaxau', chegoqchiyiña ye Jericó da nqo'oora naqa'en so huaqta'a't nỹecpi ye Ai, maye pa'aỹa'ague da nala' lliguisheguem ye Betel, qataq saqaỹapeque ye Bet Avén, nache 'enapegalo soomaye, 'eeta': «Qanqo'oñiỹa qome da qaumeenaxañiỹa yemaye.» Nache soomaye je'c da demeenaxara ye Ai.

Josué 7:4

Huaña co'ollaxa, nache jec so tres mil ỹalleppi da iloquiaxan ye Ai. Qalaxaye so lma' ye Ai nauec co'ollaxa somayepi nache datauec naqa'en,