Josué 7:26 - La'aqtaqa Ñim Lo'onatac 'Enauacna 2013

²⁶ Qaq co'ollaq ime nache qalaponalec so logosheguem coma'pi somayepi, qaq nache ivitta'a nagui. Qaq ỹoqo'oye qoỹanagui da le'enaxat da ca'amegue Acor. Qaq huaña co'ollaxa, nache vi'iiguet da lalemataic Ñim Nataxala'.

Josué 7:26 Referans Kwoze

Oseas 2:15

Huaña, nache she'eguelaxatot qome aye lañiguishe uva, qaq ye ca'amapega't ye Acor, nache llegueuo qome ñaqa'en da naquitaxac. Huaña qome nache do'onaxaatac, 'eeta'am co'ollaq ñaq qa'añole, 'eeta'am da 'eetec so na'a'q co'ollaq ca'ai ye Egipto.

Isaías 65:10

So ca'amegue ye Sarón qalaq nlaxalec qome ana qaguetapi, qataq so ca'amegue ye Acor lquia'aqa' qome ana lalopi na nhuo' le'ecpi maye Aỹem nmittaique.

Deuteronómio 13:17

Qataq saishet qome da huo'o ca qauacoñiỹa ca mashe qoỹan da qanlaxaañi. Yaqto' Ñim Nataxala' saishet da qami' taleguete da layeloxo, nacherata da qami' ichoxore'n, nache qalota naqa'en ca qaỹa'alquipi, cha'aye nachera co'ollaxa da la'aqtac Ñimaye, maye ỹanem co'ollaxa so hua'au qarta'ailpi.

Lamentaciones 3:53

nache huotaique da ñeca'altauec naqa'en da aỹem ỹapogoña, qataq da ỹapogui so ỹeguesheguem dapoxona so coma'.

2 Samuel 18:17

Nache qaỹacoosop so lo'ocỹaxac so Absalón, nache qaỹasaxangui so auac maye naigui so aviaq, ime nache qaimeelec, logosheguem qanqa'en na coma'. Huaña co'ollaxa nache datauec so Israel le'ecpi, taỹa so lma'pi.

Josué 8:29

Qaq so Josué icoñerasheguemec aso qo'oipaq so nta'a ye Ai, nache ivitta'a so avit da netasheguem naqa'en, qaq co'ollaq mashe yaqta'a da inoxooñi aso nala' nache damaxasoxoolec da qanqaañi se'eso leuaxaic, ime nache qairouga so ñegueuo so huaqta'a't nỹecpi, nache se'eso lo'ocỹaxac somaye qalaponalec so coma'. Qaq se'eso naponec coma'pi nache huetaña, choche ivitta'a nagui.

Josué 7:24

Huaña nache so Acán qaỹauegueuga so ca'amegue le'enaxat Acor, lỹatec qanqa'en aso lcatpiole plata, npo', qataq so 'oonolec laỹe so oro, qataq soua llalqa ỹale't, qataq soua llalel 'alo, qataq so lauegaxanaxala' huacapi, 'ashenapi, qaguetapi, lpe'l qataq 'enauac so lalamaxatpi somayepi.

Zacarías 6:8

Qaq ime de'era, nache so namaxashec aỹem ỹa'alaxalec, 'eeta': «¡Ñaq 'aumeten se'esoua maye nqo'oora ye 'alhua maye pa'aigue da sheu', soomaye ỹa'axanegueta da layeloxo Ñim Nataxala' maye huetalec yi'iye 'alhua!»

Joel 2:18

Huaña nache Ñim Nataxala' ỹachaxan da lauoche ne'ena na'alhua, nache ichoxoren ne'ena lalamaxat nhuo' le'ecpi.

Joel 2:13

¡Qataq qavi'eguelaqaỹa Ñim Nataxala' maye Qanatamnaxala'ai, qaumachiỹo'ot da qarquiyaqteỹaxaqui, qaq saishet da nachenaua naua qorogolli' da qancolaxacheeta'alo! Cha'aye Ñimaye soxoraic, hualaxaunaxaic qataq choxonnataxanaxaic, qataq qaỹaloqchiguinguit da lalemataic. Qataq ỹataqta lta'araic da lauotaxanaqtaic, qataq huo'o da nqui'ic da ỹan ca lhuaxanaxanaxac.

Isaías 40:2

da qaua'aqtaxañim na hueta'a ye Jerusalén qalaq huesotte' naua qara'aqtaqalle', qataq qaua'aqtaxañim da mashe ime da nlataguec, qataq mashe ime da isheeten nam lasouaxashetpi, qataq 'eeso'oya' da mashe ỹapacauec da nhuaxanaguec maye chegoqchigui da lhuaqỹaxac Ñim Nataxala' souaxat nam lasouaxashetpi.»

2 Samuel 21:14

Nache se'esoua lpi'ineqa so Saúl qataq so Jonatán, qailaroiguilo aso nhuachiqui so Cis, maye lta'a so Saúl, maye naña ye Selá yem 'alhua Benjamín. Qaq nache qaipacchigui co'ollaxa da lamaxasoxonaxac so nta'a, huaña nache Ñim Nataxala' ichoxoren so lma' se'eso 'alhua.

Josué 10:27

Qaq co'ollaq mashe yaqta'a da inoxooñi aso nala' nache qaltaq damaxasoxoolec da qanqaayiñi se'esoua leuaxaiqa. Ime, nache qaỹasaxaiguilo se'eso auac maye huetraigui co'ollaq nqañoxottrañi. Huaña nache qaỹapogui so ñegueuo se'eso auac qaỹauota'a soua ỹataqta lta'al coma', qaq choche ivitta'a nagui da nache hueta'a se'eso coma'pi.

Éxodo 32:12

¿Ta'ainco' ctaxa da 'aua'aqta'a da huo'o ca la'aqtac ye Egipto le'ecpi da, 'eeta'?: ‹Ñim Lo'onatac 'Enauacna nqatec yemayepi, cha'aye huotaique da choche ỹalauat, hualec naqa'en añi qasoxonaxa, qataq nshetaique da choche ỹapalaxat, yaqto' saishet da huetalec ana 'alhua›. Qaq ỹoqo'oye 'am shenapega da 'aỹa'axaañi da 'annogonaxac, qataq 'aỹa'axaañi da 'anshetaique da 'ana'aqchet ye 'aralamaxat nhuo' le'ecpi.

Números 25:8

nache ca'ataueeguelo soomaye, nache taigui so lpe'l se'eso Israel le'ec, nache huaigui naqa'en somaye da ira'alo aso lataquiaxai, ỹapacauiiguilo naqa'en soomaye aso lataquiaxai. Huaña nache vi'iiguet se'eso nleuaxa maye talec so Israel le'ecpi,

Deuteronómio 13:18

Qaq 'era da 'eetec qome da ỹataqta qauo'oche' naua ỹaỹamaqchiyiñi qataq qaualaqaigueta naua lamaxasoxonaxaco Ñim Nataxala' maye qami' samaxaleguete nagui.

2 Crónicas 29:10

Qaq ỹoqo'oye nagui huo'o da iuennataxac da ñaỹamaxate' Ñim Nataxala', maye Natamnaxala' na Israel le'ecpi, yaqto' nqateeguesop da layeloxo da shenaqta.

Esdras 10:14

Qaq 'onaxaic da ndotec na qarataxala'pi da no'onañi da detaxaỹapigui de'era, nache sa iuen da salegaqtauo. Qaq qom ime, nache qaỹauo'o ca laloqo' da anac 'enauac na huaroneguet na 'alpi maye chegaqauec, qaq namayepi nache lỹateuo qome ca lataxala'pi qataq ca nmit qataq ỹaỹaxaañi ca nasouaxashet. Nache ivitta'a da vi'iguet de'era lta'araic lalemataic Ñim Qanatamnaxala' souaxat nam qarasouaxashetpi.

Salmos 85:4

'Am Atamnaxala' maye qarca'alaxaqui, ñaq qomi' 'anca'alaxatrec, ñaq 'avia'axaneguet da 'aralemataic da shenaqta.

Oseas 2:17

Huaña qome nache ñeqateeguesop na alap da le'enaxat na saq 'en atamnaxala'pi, nache saishet qome da qaltaq ỹe'eguelaxa da nasaqtapeguec.

Jonás 1:15

Qaq ime, nache so Jonás qaỹasaxangui aso auaxai, nache aso auaxai vi'iiguet aso lapaxa.