Josué 7:25 - La'aqtaqa Ñim Lo'onatac 'Enauacna 2013

²⁵ Huaña, nache so Josué 'enapego' somaye, 'eeta': «¿Ta'ainco' da qomi' taleguete 'anqa'en de'era qauem? Qaq nagui, Ñim Nataxala' 'am talec naqa'en de'era qauem maye qomi' 'auo'oteque.» Qaq co'ollaq choche ime da nasaxauec de'era so Josué, nache 'enauac so Israel le'ecpi irota'a na coma' da ỹalauat so Acán qataq so lalamaxat llalaqpi, ime nache qaỹavigaxat somayepi.

Josué 7:25 Referans Kwoze

Josué 6:18

Qalaxaye qami' ỹataqta qarvichiỹa'a qome da huo'o ca qauacoñiỹa, cha'aye Ñim Nataxala' ỹan da 'enauac qanlaxatchiguiñi namayepi. Cha'aye qom huo'o ca qauacoñiỹa, nache qailaxachigui ye lanataqa'pi na Israel le'ecpi qataq huo'o qome ca lta'araic qanque'eenaxac.

1 Crónicas 2:7

Qaq so llalec so Carmi le'enaxat Acar, som talec naqa'en nam qauemsat so Israel le'ecpi, souaxat da huo'o so ỹaconapi som damaxasoxoolec co'ollaxa Ñim Lo'onatac 'Enauacna, da 'enauac qailaxachigui.

Deuteronómio 17:5

nache que'eca ỹale huo'otaq 'alo maye ỹo'ot de'era saỹaỹamaxañi, qaỹauegueuga ca ñegueuo ca huaqta'a't nỹecpi nache qaira'a ca coma' da qaỹasaq choche ivitta'a da ileu.»

Levítico 24:14

«'Auauegueuga qome na pa'auec ye nanataqa' maye qanayeuta'a que'eca shiỹaxaua maye isheuen da ỹe'enaxat. Nache 'enauac na shiỹaxauapi maye hua'aqchigui co'ollaxa, nache ỹashel-lec na lqaic camaye. Ime, nache ỹalauat ỹauota'a na coma' laỹe da ỹasaq.

Levítico 20:2

«Qonapega qome na Israel le'ecpi qoneta': Da huo'o ca 'oonolec na Israel le'ecpi huo'otaq na chegaqauecpi maye netaña ne'ena 'alhua Israel, da huo'otaq ỹanot ca llalec ca atamnaxala' Moloc da ỹavigaxat da lachetaqtaxanaxat, nache ca lma' que'eca 'alhua iuen da ỹalauat camaye, irota'a ca coma' laỹepi da ỹasaq.

Hebreos 12:15

Saishet da qauashiñi da huo'o ca ca'ai da lauotaxanaqtaic Ñim Lo'onatac 'Enauacna. Nataqa'en saishet da qauashiñim da huo'o ca ỹo'ot ca sa ỹaỹamaxañi da qoñiita, cha'aye damaye qami' na'axa't; ¡'eeta'am aca huoue chemaxarai maye deshenataxan!

2 Ts 1:6

Cha'aye nache lataxac da Ñim Lo'onatac 'Enauacna ỹauo'o qome ca nque'eenaxac na ỹo'ottac da qanque'eenaxaqui.

Gálatas 5:12

¡'Onaxaictoxo' da nam sa qami' ỹalemaxa't saishet da ndotec da ỹauo'o ca na'anaxat na lo'oc nataqa'en 'onaxaictoxo' da imauec icheguec ñi logoxoshet!

Josué 7:15

Nache ca hueto'ot que'eca nhuotaxanaxat maye qoỹan da yaqto' qailaxachigui, camaye nacheca qome ca qaỹavigaxat, lỹaueegue' 'enauac ca llalaqpi qataq 'enauac ca lalamaxatpi, souaxat da ỹo'otec da la'aloxo na Israel le'ecpi, qataq souaxat da sa ỹalaxalec da naỹamaxataxac Ñim Nataxala'.»

Deuteronómio 21:21

Nache 'enauac qome ca shiỹaxauapi maye netaña que'eca huaqta'a't nỹecpi, nache ỹalauat qome camaye ira'a ca coma' da ỹasaq. Qaq 'era da 'eetec qome da imeuo qanqa'eñi que'eca qauem maye qami' huetanguilo, yaqto' 'enauac na Israel le'ecpi da ỹaỹaten de'era, nache huo'o qome da lcolanaxa.

Deuteronómio 13:10

Qalaxaye qauroilec ca coma' da qauasaqai ivitta'a da ileu. Cha'aye huotaique da qoquiỹa'ai Ñim Nataxala' maye Qanatamnaxala'ai maye qami' nqateeguesopa ye Egipto yem huaña co'ollaxa da qami' nlataqa.

Levítico 21:9

Qaq aca llale ca ntaxaỹaxanaxanec da ỹacona da nquisheguetaxac, nache acamaye ỹe'en ca lta'a, nache iuen da nca'altauec qanqa'en da qaỹavigaxat.

Levítico 20:14

Qaq da huo'o ca ỹale da ỹauo'o lhua aca 'alo, qataq aca llale acamaye, nache caamaye ỹataqta qauem da ỹo'o't, qaq 'enauaque qome da nca'altraue'c qanqa'en da qaỹavigaxa't, yaqto' saishet qome da huo'o ca ỹe'enaxa't caamaye.

Génesis 38:24

Qaq co'ollaq mashe inoxoorec soua tres ca'agoxoiqa, nache qaỹauo'o da la'axaỹaxac so Judá, maye 'eeta': «Añi Tamar maye 'arate, yo'oqta da lauatapiguiñi' ca lỹa ỹale, ỹoqo'oye añimaye hualaxai.» Nache so Judá, 'enapeco': «¡Qanqacheeuec qome acamaye! ¡Ime, nache qauavigaxache!»

Génesis 34:30

Qaq huaña nache so Jacob 'enapego' so Simeón, qataq so Leví, 'eeta': «Qami' aỹem qauo'ochec da lta'araic qauem. Cha'aye nagui na lma' ne'ena 'alhua, nam cananeopi, qataq na ferezeopi, aỹem nquiỹa qome. Qaq namayepi ishet da laỹona't qome da yaqto' aỹem iloquiaxan, qaq nam ñalleppi ye saq 'amaqtaq, nache namayepi aỹem ỹalauat qome, qataq na ỹalaqpi.»

1 Samuel 14:29

Nache so Jonatán 'enapeco': So ita'a ỹasouaxateguet da lque'emaxa na maiche nhuo' le'ecpi. Ña qaumichiñi da qaltaq dalaxaic da ỹa'añaxac, souaxat da she'eguen sotai' qapio'olec se'eso te'esaq lta'a lli'i,

Deuteronómio 13:11

Yaqto' qom 'enauac na Israel le'ecpi da ỹauaachigui de'era, nache huo'o qome da lli'iỹaxa, huaña nache saishet da huo'o ca ỹe'eguelaxalec da ỹo'ot ca qauem.

Proverbios 1:19

Qaq 'era da 'eetec ye loga't na qopitaxanaqtaqaicpi: Da maiche lqopitaxanaqtaic, namayepi nachera da ỹalauat.

Proverbios 15:27

Ca qopitaxanaqtaqaic qalaq maiche nlaxattapiguiñi da lma'ỹaxac, qaq ca saỹaconeguet da choche qaisheeten qalaq nache 'eetai' da nca'altauec.