Josué 7:21 - La'aqtaqa Ñim Lo'onatac 'Enauacna 2013

²¹ Can sela'a so ỹataqta 'onaxaic npo' maye qaỹachegoxota'ague da Babilonia, qataq aso doscientos aso lcatpiole plata qataq so 'oonolec laỹe' so oro maye ivi' medio kilos, ỹalectaigui som qaiuotaxanec nogoxoshetpi. Nache soqopita'alo yi'iyiua nogoxoshe'ete, ỹoqo'oye aỹem saconalo yeemaye qataq soxottrañi, selaroigui na 'alhua nam pa'auo ñi ipe'l, qaq aye lcatpi plata, nache sepa'axaachiguiñi.»

Josué 7:21 Referans Kwoze

Santiago 1:15

Qaq nam qauem qarqopitaxanaqtaicpi, nachena nam qomi' ỹaueca'alo da so'otaq ca qarasouaxashet. Qataq da nachaqrata da souaqtaigui da so'otaqtac da qauem, nache 'oonolec dam qomi' iuatta'agueta, qaq damaye nachera da nleuaxa maye chochaq tatec.

Lucas 12:15

Ime, nache ỹamataigui som hueta'a yi'iye, nache 'enapeco': «Maxatchaxa, qarvichiỹa'aguet da nqopitaxanaqtaic da nsallaxa, cha'aye da nachaalataxac ca shiỹaxaua saishet da ỹachegoxotaigui nam saqalota lsallaxa maye hueto'ot.»

Salmos 119:37

Qataq saishet da aỹem 'auashenem da selogui ca qaica ca naigui, qataq aỹem 'aỹa'anem da ica'alaxa yaqto' shectegue so 'anqa'aic.

2 Pedro 2:15

Namayepi ỹataqta isomtac, cha'aye maiche ỹaxaañi da ỹalaxaguet Ñim Lo'onatac 'Enauacna qataq quegue da lataxac so Balaam som llalec so Beor, som huotaique co'ollaxa da nauec ana anom da ỹachegoxotaigui da ỹo'ottac na qauem.

Deuteronómio 7:25

Nache qauavigaxache 'enauac ye ne'enaqtac atamnaxala'pi, qalaxaye saishet da qauqopichiỹa'a da qauacoñiỹa ca lcat oro, qataq plata maye lapaqtalec yemayepi, cha'aye Ñim Nataxala' ỹataqta deqaiga yemaye.

Hebreos 13:5

Qataq saishet da ỹaguec da qarhuogoqoi da qanaviqui aca anom. Nachaqrata da qantoñiitapeguec cam qami' hueto'oto, cha'aye Ñim Lo'onatac 'Enauacna 'eeta' da la'aqtac maye nanettalec ana nere maye huetalec na la'aqtacpi Ñimaye: «Saishet da 'am seỹotec, qataq saishet da 'am salat.»

Proverbios 28:22

Ca nda'a't da iuennatega da nsallaxa, camaye saỹaỹaten da naỹa'a da lachoxoyec.

2 Samuel 11:2

Qaq so mashe avit, nache ñisheguem so David, chegoqtelec so lmala', nache somaye queuotapeguelec na pa'asheguem so lma' lta'araic. Qaq huaña co'ollaxa nache ila'a aso 'alo nacheltac, qaq asomaye ỹataqta 'onaxai.

Génesis 6:2

nache som llalaqpi Ñim Lo'onatac 'Enauacna, ila'a co'ollaxa da se'eso 'alpi ỹataqta 'onaxaipi, nache lca'agui asomayepi, nache huaroneguet anam ỹataqta lauela.

Génesis 3:6

Nache aso 'alo ila'a co'ollaxa da ana ala asa'aso qo'oipaq ỹataqta 'onaxai, nache huo'o da lyaxa da chec, qataq da lyaxa da huo'o da lauattonaxanaxac. Nache nqat aso 'oonole ala asomaye nache chec, qaq ime nache ỹanem so lhua, nache somaye nataqa'en chec.

Colosenses 3:5

Qaq ỹoqo'oye qami' iuen da ileu qanqa'eñi da qarqopitaxanaqtaiqui maye qauem. Qaica qome ca huetapeeguet aca sa lhua, qataq saishet qome da sa qanaỹamaxachiỹapec, qataq qanlliỹañi qome da qauem qarqopitaxanaqtaiqui, qataq saishet qome da choche qanmichiita'a da choche qalaỹoñiitasheguem ana qo'omi, cha'aye damaye 'eeta'am da qanatameetacot na ne'enaqtacpi maye saq 'en.

Efesios 5:5

Cha'aye qami' qauaỹaañita da ca ncachetague' aca sa lhua, huo'otaq ca ỹo'ottac ca deshepaxanaqtaxan, huo'otaq ca saishet da machiguiñi na'aictaxa da qalota na hueto'otpi, camaye saishet da inoxoneua'a da lo'onataxanaxac So Cristo qataq Ñim Lo'onatac 'Enauacna. Cha'aye nam ỹo'ottacpi ỹataqta qauem 'eeta'am da qanatameetacot ca choche ne'enaqtac qataq saq 'en.

Efesios 5:3

Qaq cha'aye qami' lalamaqa'ate Ñim Lo'onatac 'Enauacna, ỹoqo'oye no'on da saishet da qami' chemaxanguilo da huo'o ca quisheguetaxac qataq 'enauac nam laỹepi maye ishet da deshepaxanaqtaxan, huo'otaq da qaiqopita'a ca ỹaqa'a.

Lucas 12:2

Cha'aye 'enauac nam qoỹoxottapiguiñi ya'aqalec qataq 'enauac nam saq cha'api ivira'a da qaỹaỹaten.

Habacuc 2:9

Qaq choxoraxaso' 'am, maye 'anlaxatchigui na 'arma' nam 'arcachaxatpi, cha'aye 'anshetaique da 'am ỹet 'enauac na lcheguesat.

Isaías 29:15

¡Qaq choxoraxaso' nam nqañoxottaisop Ñim Nataxala' da yaqto' ỹoxottañi nam huotaique da ỹo'otpi, qataq huetaigui na napalaxa da ỹo'ot na qauem nache, 'eeta': «Qaica ca qomi' ỹauaachiguilo, qataq qaica ca qomi' nomalo»!

Isaías 28:15

Qami' maye qoñiỹapec naxa: «Qomi' mashe ñaỹamaxataxai' co'ollaxa da nleuaxa, mashe ñaỹamaxataxai' co'ollaxa añi huachiqui, yaqto' qom ivita da anac cam ỹataqta qauem na'a'q, nache saishet qome da qomi' loxonqa, cha'aye she'eguenoqot da natenataxanaxac, qataq qomi' npaxattaleguete da ashepegaxanaxac.»

Proverbios 23:31

Ỹoqo'oye saishet qome da 'aulotagui da ltogaxa ca lataxa, huo'otaq da chañi da huetangui aca ỹomaxaqui, qataq da huesotteguet da lamaic da qanỹomigui,

Proverbios 4:23

Qataq ỹataqta 'antela'a da 'antoonaxac, cha'aye damaye qaica ca lỹa 'eeta'am, damaye nache chegaqaigui da achaalataxac.

Da na'aqtaguec so Job 31:1

Aỹem maiche iuennataxa co'ollaxa da ne'enaua ỹa'ai'te, saishet da iloguilo ñaqa'en aca 'alo maye saxanaxa da huaron.

Éxodo 20:17

Saishet da 'auqopitta'a ca lma' ca 'arỹa, qataq saishet da 'auqopitta'a aca lhua ca 'arỹa, huo'otaq ca l-latac, huo'otaq aca l-lata, huo'otaq ca lauegaxanaxala' huaca, nataqa'en ca lalo 'ashena, huo'otaq camachaqca nam logoxoshetpi».

Génesis 10:10

Qaq so nma'pi maye hua'auchiguiñi da ilotague' co'ollaxa, le'enaxat Babel, Erec, Acad, qataq Calne, maye huaigui ye 'alhua Sinar.

Josué 7:20

Nache so Acán ỹasategueto' somaye, 'eeta': «Ỹoqta 'eesa da huo'o da ỹasouaxashet hueto'ot Ñim Nataxala' maye Natamnaxala' na Israel le'ecpi. Qaq 'era da so'ot caillaye:

Josué 7:22

Nache so Josué sa naỹaloxon da ỹauo'oi soua ỹama'q shiỹaxau' da nqalgoqtrauga so npe'l maye lanataqa' so Acán, qaq soomaye ỹoqta 'eesa da iloralec 'enauac som ỹoxottañi somaye huetaigui so lpe'l, qaq aso lcatpiole plata nache pa'achiguiñi.

2 Reyes 7:8

Qaq co'ollaq ivildeuo se'esoua shiỹaxau' maye huetra'aque na lepra, nache taroigui so 'oonolec se'eso npe'lpi, nache deque'eta'ape qataq nỹomta'ape, qaq co'ollaq ima't da lquia'axa'c, nache ỹaconalo so lcat plata, oro, qataq som nogoxotpi, nache je'c da yaqto' ỹoxooyiñi somayepi. Ime, nache qaltaq ỹe'eguelaq, nache taroigui so lỹa npe'l, nache qaltaq ỹacona 'enauac som huetaiguipi somaye, nache qaltaq je'c, da yaqto' ỹoxooyiñi somayepi.

Génesis 34:27

Qaq nataqa'en ivildeuo co'ollaxa soua llalqa lỹa't so Jacob, nache quetragui so nalaatacpi, nache deuotaxanec so logoxoshetpi se'eso nhuo' le'ecpi, cha'aye ipalaique lvi' souaxat da ne'enaguec aso lqaỹa.

Proverbios 1:19

Qaq 'era da 'eetec ye loga't na qopitaxanaqtaqaicpi: Da maiche lqopitaxanaqtaic, namayepi nachera da ỹalauat.