Josué 7:2 - La'aqtaqa Ñim Lo'onatac 'Enauacna 2013

² Qaq co'ollaq qaỹata'ague de'era, nache so Josué huo'oi soua ỹama'q shiỹaxau', chegoqchiyiña ye Jericó da nqo'oora naqa'en so huaqta'a't nỹecpi ye Ai, maye pa'aỹa'ague da nala' lliguisheguem ye Betel, qataq saqaỹapeque ye Bet Avén, nache 'enapegalo soomaye, 'eeta': «Qanqo'oñiỹa qome da qaumeenaxañiỹa yemaye.» Nache soomaye je'c da demeenaxara ye Ai.

Josué 7:2 Referans Kwoze

Josué 18:12

Qaq so loga't se'eso 'alhua nache chegoqchiguiña ye pa'aỹa'ague da sheu' ye tala Jordán, nache ivitta'a ye pa'aỹa'ague da sheu' ye Jericó, qataq jec, nache ivitta'a aye qasoxonaxapi maye pa'aỹa'ague da avit, nache nateuga ye toolec 'alhua ye Bet Avén.

Oseas 4:15

Qaq 'am Israel, da 'anquishishi, qaq no'on da saishet da ivira'a ye Judá, da huo'o ca lasouaxashet. Qaq saishet qome da qanqo'oñiỹa ye Gilgal, qataq da qa'aisheguema ye Bet Avén, qataq da qaỹa'añi ca qara'aqtaqui da qoñeeta': «Nca'altauec Ñim Nataxala'.»

1 Samuel 14:23

Qaq so loquiaxac ỹataqta nquictauec, nache napacalec ye Bet Avén, nache se'eso na'a'q Ñim Nataxala' nca'alaxatec so Israel le'ecpi.

1 Samuel 13:5

Qaq so filisteopi qalaq laỹona't co'ollaxa da delogui' so Israel le'ecpi. Nache ivi' treinta mil aso nnaigonapi maye nalaataxaqui, qataq seis mil so nalleppi maye netalec so caipi qataq ỹataqta qalota so petañepi, 'eeta'am na lsoche na 'alhua maye huangui aso auaxai. Nache somayepi nqo'ona ye Micmas, nache ỹanaña yemaye so lanataqa' maye pa'aỹa'ague da nala' lliguisheguem ye Bet Avén.

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Proverbios 24:6

cha'aye da huo'o ca alaataxac qalaq qaỹaỹamaxatchiguiñi da qaỹo'ot ca llec, qataq ishet da qaivira'a da nauegaxanaxac da qalota na nqataxac lo'opi.

Proverbios 20:18

Na qalapaxañipi da qaỹo'ot qalaq chegoqchigui qanqa'en naua no'o'n nqataxaco, 'eeta'am da loquiaxac da qaỹo'ot qalaq qaiue'n naua no'oñi naỹaanataxanaxaco.

Génesis 12:8

Qaq nache chegoqchiguiña yemaye co'ollaq jec da nqo'ona ye 'alhua maye huaña ana qasoxonaxapi, maye pa'aigue da nala' lliguisheguem ye Betel, qaq huaña yemaye, nache ỹa'ayiñi so lpe'l. Qaq ye Betel qalaq pa'aỹa'ague da avit yem naña co'ollaxa somaye, qaq ye Hai qalaq pa'aỹa'ague da nala' lliguisheguem. Qaq huaña yemaye, nache so Abram qaltaq no'oxoosheguem aso lỹa lca'atoxonaxalate, da yaqto' natamnot Ñim Nataxala'.

Efesios 5:15

Qaq ỹoqo'oye ỹataqta qauloitegue qome da qarataxaqui. Saishet da qoñiita'am cam saqca ca ỹaỹaanapec. Nachaqrata da qoñiita'am ca shiỹaxaua maye ỹataqta deuennataxaatelec da huo'o ye ỹo'ot.

Nehemías 11:31

Qaq so chegoxoguetpi so Benjamín, nache naña co'ollaxa ye Geba, Micmas, Aías, Betel qataq so lauoreuapi nma'piolec

Josué 12:9

Qaq 'ena nam le'enaxatpi se'eso nta'alpi maye noxonecpi co'ollaxa: Som nta'a ye Jericó, qataq so nta'a ye Ai, yem huaqta'a't nỹecpi maye sa qaỹapeque ye Betel,

Josué 2:1

Qaq co'ollaq huaña ye Sitín, nache so Josué no'otaxaatrec soua dos da ỹama'q, nache 'enapegalo, 'eeta': «Qanqo'oñiỹa qome da qaumeenaxañiỹa ye 'alhua Canaán qataq ye Jericó.» Nache soomaye je'c, qaq co'ollaq ivildeua'a ye Jericó, nache tatreua'a so lma' aso 'alo quisheguetaxai maye le'enaxat Rajab, nache lo'ochaqa't se'eso pe.

Génesis 28:19

Qaq se'eso 'alhua, huo'o co'ollaxa so huaqta'a't nỹecpi maye le'enaxat Luz, qalaxaye so Jacob naralaxat da le'enaxat, nache ỹanagui Betel.

Josué 7:3

Qaq co'ollaq ñe'eguela'q soomaye nache 'enapegalo so Josué, 'eeta': «Sa iuen da 'auamaq 'enauac ne'ena nhuo' le'ecpi da jec da iloquiaxan ye Ai, cha'aye da 'auamaq ca dos huo'otaq tres mil alleppi nache nalota'ai' da iloquiaxan yi'iye huaqta'a't nỹecpi. Qaq nache saishet qome da imeta 'anqa'en da jec ne'ena nhuo' le'ecpi, cha'aye nam nauaatalec yi'iye huaqta'a't nỹecpi ỹataqta salamai'.»

1 Samuel 30:27

Nache ỹamaxa se'eso nachetaqtaxanaxatpi so nataxala'pi maye netaña ye Betel, qataq ye Ramot maye huaigui ye Néguev, qataq ye Jatir,

Jeremías 49:3

¡Ña 'Auaquico qome 'am Hesbón, cha'aye ye Ai qailaxachigui qome! ¡Qanỹeñi qami' 'alpi maye qarmaye na Rabá! ¡Qaỹa'añiiyiñi naua nogo maye nasouaxaqui', qataq qanhuaxañeeta'alo naua qartoguelli'! ¡Qauachegoqỹañi qome qoñeeta'am aca huo'o da aloic, qataq qauque'emaqchichi da qaro'ocỹaxaqui! Cha'aye ñim atamnaxala' Milcón noxonec qome nache qaỹauega ca ỹaqa'a 'alhua caueegue' qanqa'en na ltaxaỹaxanaxanecpi qataq na 'amaqtaqaicpi shiỹaxauapi.

1 Reyes 12:29

Ime, nache so 'oonolec ỹanaña ye Betel, qaq so lỹa qalaq ỹanaña ye Dan.

Isaías 10:28

So alleppi asiiriopi nlectot ye Rimón, nache ivira'a ye Ayat, qataq nlectot ye Migrón nache ipatanaña so lla'ac ye Micmas,