Josué 7:15 - La'aqtaqa Ñim Lo'onatac 'Enauacna 2013

¹⁵ Nache ca hueto'ot que'eca nhuotaxanaxat maye qoỹan da yaqto' qailaxachigui, camaye nacheca qome ca qaỹavigaxat, lỹaueegue' 'enauac ca llalaqpi qataq 'enauac ca lalamaxatpi, souaxat da ỹo'otec da la'aloxo na Israel le'ecpi, qataq souaxat da sa ỹalaxalec da naỹamaxataxac Ñim Nataxala'.»

Josué 7:15 Referans Kwoze

Génesis 34:7

Qaq co'ollaq nvildeuo soua llalqa so Jacob chegoqtrauga so no'onaxa, nache co'ollaq ỹaỹate'n da qanayeuaigui, nache soomaye ỹataqta dalematai'. Cha'aye damaye ỹo'ot da ỹataqta lta'araic ne'enaguec so Israel, da so Siquén lauañe' co'ollaxa aso llale so Jacob. ¡Damaye ỹataqta sa qaishetapec da qaỹo'ot!

Jueces 20:6

Huaña, nache aỹem sacoosop so lo'ocỹaxac, nache ñipilliguiñi, nache naua laỹelolqa asomaye samaxa 'enauac nam 'alhuapi maye netaña na Israel le'ecpi yaqto' 'enauac ne'ena Israel da qaỹaỹaten de'era nalaataxanaxac maye qaica ca 'ena'am da qataq ỹataqta qauem.

2 Samuel 13:13

Cha'aye da aỹem 'ancat, qalaq ¿hua'ago' ca sataigue qome, souaxat da ỹa'agaxa? Qataq 'am, qaỹamata'ac qome da qauem da 'arataxac ne'ena Israel. Ỹoqo'oye 'am ñachoxonnot, 'onaxaictaxa da 'ana'aqtaxane' so nta'a, cha'aye somaye yo'oqta da qaica ca la'aqtac da aỹem 'arhua.»

1 Samuel 26:21

Nache so Saúl, 'enapeco': ¡'Am ỹalcolec David, aỹem saỹaten da huo'o da ỹasouaxashet! ¡Sheeta'am cam qaica cam ỹaỹaana'a qataq huo'o da ñe'enaxac! ¡Qalaxaye 'añe'eguelaq qome, cha'aye aỹem saishet qome da she'eguelaxalec da 'am so'otec ca qauem, cha'aye ỹataqta huo'o da 'enec 'anqa'en da ñachaalataxac!

Josué 7:11

Na Israel le'ecpi huo'o da lasouaxashet, qataq sa ỹalaxalec da ñaỹamaxataxac maye samaxalec namayepi. Qataq ỹacona co'ollaxa na nogoxoshetpi maye samaxalec da ilaxachigui, nache ỹoxotoigui na maiche lalamaxat logoxoshet na lcachaxatpi.

Josué 7:16

Qaq so lỹa na'a'q, nache so Josué no'ottasheguem nache iỹaxaneuga ñi 'oonolec soua doce som maiche nalamaxat nhuo' Israel le'ecpi. Nache Ñim Nataxala' taalec da ỹecteua'a so maiche nhuo' le'ecpi maye chegoxoguet so Judá.

Jueces 20:5

Qalaxaye nacheso se'eso pe, anac so 'etaxaloxoicpi maye netaña yi'iye huaqta'a't nỹecpi nache coleesop ñim sonaqtaigui nỹec cha'aye huotaique da aỹem ỹalauat, qaq aye ihua lỹa nache qaỹaconeua'a da qancat, qataq ỹataqta qaỹe'en, nache qaỹalauat ayemaye.

Jueces 20:10

Qaq ne'ena maiche nhuo' le'ecpi ỹaconeua'alo qome caua diez maye chegoqraigui nam cien, qaq nachecaua qome ca pa'aỹa'agueta da laỹona't ca nallec da yaqto' aloq na alleppi. Qaq na laỹepi qalaxaye 'enauac qome da nqo'ona ye Gabaa da ỹe'eguelaxateguet da nleuaxa maye qaica ca 'ena'am qataq ỹataqta qauem maye ỹo'otec na Israel le'ecpi.