Josué 7:11 - La'aqtaqa Ñim Lo'onatac 'Enauacna 2013

¹¹ Na Israel le'ecpi huo'o da lasouaxashet, qataq sa ỹalaxalec da ñaỹamaxataxac maye samaxalec namayepi. Qataq ỹacona co'ollaxa na nogoxoshetpi maye samaxalec da ilaxachigui, nache ỹoxotoigui na maiche lalamaxat logoxoshet na lcachaxatpi.

Josué 7:11 Referans Kwoze

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Hechos 5:9

Nache so Pedro 'enapego' asomaye, 'eeta': –¿Ta'ainco' qami' ye qanasachiigui co'ollaxa da qauatenachichi So Saqcha'a La'añaxac Ñim Qarataxala'? Ñaq 'aula'a, 'enauacha'agueta naua nso'q maye cheta'ague da ima't da ilalyiñi so 'arhua, naamaye nataqa'en nagui 'am ilayiñi.

Mateo 22:21

Nache somayepi 'eeta': –Qomye nacheñi ñi lta'a na nta'alpi maye netaña ye Roma. Nache So Jesús 'enapeco': –Qaỹa'añim qome ñim lta'a na nta'alpi cam lalamaxat ñimaye, qaq Ñim Lo'onatac 'Enauacna qalaq qaỹa'añim cam maiche lalamaxat nataqa'en.

Zacarías 5:4

Qaq Ñim Nataxala' maye Qaica ca Ỹaqalanapec da la'aqtac, 'eeta': ‹Aỹem ñamaq ne'ena qauem da yaqto' taigui ca lma' ca cachaxaic, qataq ca lma' cam ỹan ca la'aqtac da datenataxangui da ỹe'enaxat. Qaq de'era qauem nache hueta'a qome ca lma' camaye nache ilaxachigui, cañe' naqa'en na l-llecnaxanaxatpi qataq na coma'pi.›»

Habacuc 2:6

Qalaxaye 'enauac nam ỹotta'a't shiỹaxauapi maye noxonecpi co'ollaxa, namayepi choche ỹe'eetac nam doxonaxanpi co'ollaxa, nache do'onaxaatai' qome, 'eeta': ¡Choxoraicolec 'am maye 'ausalligui nam saishet da 'aralamaxatpi! Qaq ¿chaq laguio' da 'axaañi da 'alapootasheguem da nsallaxa maye choche 'ara'aalec?

Oseas 6:7

Qalaxaye qami', qoñeeta'am so Adán, da saishet da qaupaquiitelec da ñaỹamaxataxac, nache saishet da aỹem qaualaqaiguet.

Jeremías 31:32

Que'eca ñaỹamaxataxac saishet qome da 'eeta'am, dam ñaỹamaxataxac maye so'ot co'ollaq ñaỹamaxate' som hua'au lta'alpi namayepi, co'ollaq sacona na lhuaq da ñeqateeguesop ye Egipto, cha'aye somayepi saỹalaxalec co'ollaxa da ñaỹamaxataxac, na'aictaxa da Aỹem ỹataqta ỹalamaxat somayepi. Qaq 'era da ỹa'aqtac Aỹem, Nataxala'.

Isaías 24:5

Ana 'alhua qalaq nlaxagui na qauem souaxat nam netalecpi, cha'aye sa ỹalaxaguet nam lapaqtañi nqataxacpi, qataq saishet da ipaguelec na namaxasoxonaxacpi, qataq sa iyacnapec da chochaq tatec aỹamaxataxac.

2 Reyes 18:12

Qaq de'era, huaigui co'ollaxa somayepi souaxat da saishet da ỹalaxaguet Ñim Nataxala' maye Natamnaxala', nacherata da dashelec da naỹamaxataxac Ñimaye, qataq saishet da ỹalaxaguet 'enauac nam namaxasoxonaxacpi maye ỹanem co'ollaxa so Moisés, maye lamaxashec Ñim Nataxala'.

Jueces 2:20

Qaq ỹoqo'oye Ñim Nataxala' ỹataqta dalemataỹa so Israel le'ecpi, nache 'enapeco': «Ne'ena nhuo' le'ecpi, ỹataqta saỹaỹamaxatapec da ñaỹamaxataxac maye samaxalec co'ollaxa som hua'au lta'alpi, qataq saishet da Aỹem ỹalaxaguet.

Josué 23:16

qom saishet da qaualaqailec da aỹamaxataxac maye qami' ỹo'oteque Ñim Nataxala' maye Qanatamnaxala'. Qataq da qavio'oxoyiñi ca ỹaqa'a atamnaxala', qataq da qaua'ayiỹoto naua qarllicchilli' camaye, nache Ñim Nataxala' qami' dalemataỹalo qome, nache qami' nqateeguesopa ne'ena no'on 'alhua maye qami' ỹanema Ñimaye.»

Josué 7:1

Qalaxaye huo'o so 'oonolec so nhuo' le'ecpi maye chegoxoguet so Judá, somaye le'enaxat Acán, qaq somaye llalec so Carmi, qaq so Carmi nache laual so Zabdi, qaq so Zabdi nache laual so Zeraj, qaq se'eso Acán qalota co'ollaxa so ỹacona som nogoxoshetpi maye qaỹamaxasoxoolec co'ollaxa da qailaxachigui. Qaq ỹoqo'oye ỹataqta 'eroigui da lalemataic Ñim Nataxala', nache nmatañi da dalemataỹa so Israel le'ecpi.

Deuteronómio 17:2

«Qaq da huo'otaq huo'o ca ỹale, huo'otaq 'alo, nam maiche qarhuo'oi le'ecpi, maye netaigui ca huaqta'a't nỹecpi maye ỹotta'a't naua nañalo maye qami' ỹanema qome Ñim Nataxala' da ỹo'ot ca sa ỹaỹamaxañi da ỹauaachigui Ñim Nataxala', qataq sa ỹalaxaguet na naỹamaxataxacpi Ñimaye,

Levítico 5:15

«Da huo'otaq huo'o ca shiỹaxaua da sa ipaguelec da ỹanot nam ishet da ỹanot Ñim Nataxala', nache camaye ỹaneuo ca qagueta qaica ca lque'emaxa da yaqto' lachetaqtaxanaxat maye sa imauaq da qaỹavigaxat. Huo'otaq naloqnagui aca lasheue que'eca shiguiỹac aca ỹaneuo, nache iroua'a Ñim Nataxala'.

Josué 7:10

Nache Ñim Nataxala' ỹasategueto' somaye, 'eeta': «¡Qoñisheguem! ¿Negue't ca 'auo'ottac da 'anqapaxaata'aguet na 'alhua?

1 Samuel 14:38

Huaña nache so Saúl, iỹaxaneuga 'enauac so lataxala'pi se'eso nhuo' le'ecpi nache inat, 'eeta': Ñaq aỹem qaua'aqtaxañim, chaq negue't ca lasouaxashet nagui de'era.

2 Reyes 5:24

Qaq co'ollaq ivitra aso lcomaraxalate, nache so Guejazí ỹaconalo soua laỹe' aso lcatpiole plata maye ỹachetrac soua namaxa'she, nache ỹoxotoigui so nỹec, ime nache ncoyegueneto soomaye, nache ỹe'eguelaxa't.