Josué 7:10 - La'aqtaqa Ñim Lo'onatac 'Enauacna 2013

¹⁰ Nache Ñim Nataxala' ỹasategueto' somaye, 'eeta': «¡Qoñisheguem! ¿Negue't ca 'auo'ottac da 'anqapaxaata'aguet na 'alhua?

Josué 7:10 Referans Kwoze

1 Samuel 16:1

Nache Ñim Nataxala' 'enapego' so Samuel, 'eeta': ¿Chaq laguio', qaq 'axaañi da 'araquicoxo souaxat so Saúl? Ye aỹem mashe sa saỹamaxaren somaye da queta da lta'a na Israel le'ecpi. Ña qoñisheguem qome, nache 'auỹoxogui aca huaca lcoue ca 'arcoraxanaxat aceite, nache qojec da 'anqo'ona ye lma' ñi Yesé, maye naña ye Belén, cha'aye mashe lleca'aguishec ñi 'oonolec soua llalqa da yaqto' lta'a na Israel le'ecpi.

1 Samuel 15:22

Huaña nache so Samuel, 'enapeco': «Ñim Nataxala' ỹataqta ỹactec da ỹaỹamaxareeta da qaỹalaxaguet, saq 'ena'am da qoỹanot aca nachetaqtaxanaqte qaỹavigaxatta qataq 'onaxaic naqa'en da qaỹalaxalec qataq da qailoolec ca 'enapec Ñimaye saq 'ena'am da qoỹanot aca nachetaqtaxanaqte huo'otaq da qaỹavigaxat na lcheta ca qagueta.

Éxodo 14:15

Qalaxaye Ñim Nataxala' 'enapega so Moisés, 'eeta': ¿Ta'ainco' da aỹem 'auỹaxaatacot da 'am setauan? ¡Qonapega qome na Israel le'ecpi da jec, nqauasheguem!

1 Crónicas 22:16

da do'onataxana na oro, plata, bronce qataq na lcat. Qaq ỹoqo'oye 'auacoolec qome da 'auo'ot de'era no'onataxanaxac, qaq Ñim Nataxala' 'am itauan qome.»

Josué 7:9

Cha'aye na Canaán le'ecpi qataq 'enauac nam netalec na 'alhuapi qom ỹaỹaten de'era maye huaña ne'ena, nache namayepi huaxaỹa't qome da qomi' iloquiaxa'n, huaña nache saishet da huo'o ca no'onañi da shenaqta. Huaña nache ¿ca 'eetec qome da la'amaqchec da 'are'enaxat?»

Josué 7:11

Na Israel le'ecpi huo'o da lasouaxashet, qataq sa ỹalaxalec da ñaỹamaxataxac maye samaxalec namayepi. Qataq ỹacona co'ollaxa na nogoxoshetpi maye samaxalec da ilaxachigui, nache ỹoxotoigui na maiche lalamaxat logoxoshet na lcachaxatpi.

Josué 20:1

Qaq co'ollaq ime de'era, nache Ñim Nataxala' 'enapega so Josué, 'eeta':