Josué 6:5 - La'aqtaqa Ñim Lo'onatac 'Enauacna 2013

⁵ Nache qom qaua'aqaiỹa da ỹoqta qana'axannec da l-lamaxa aca nasheerepi, nache ỹataqta qana'axanñic qome da qara'alaxaqui, nache ye lpaqtaxat yi'iye huaqta'a't nỹecpi hua'axauec qome. Huaña, nache ñi 'oonolec da qoñiita ỹalamaxatteua'a qome yi'iye huaqta'a't nỹecpi.»

Josué 6:5 Referans Kwoze

Hebreos 11:30

So Israel le'ecpi huo'o da lpi'iỹaxac Ñim Lo'onatac 'Enauacna, ỹoqo'oye co'ollaq coleesop so huaqta'a't nỹecpi ye Jericó soua siete na'axa'te, nache so lcopaqtaxat se'eso nỹecpi ishet da hua'axañi.

Éxodo 19:19

Nache na l-lamaxa aso nasheerepi nataqa'en nquictauec, nache so Moisés detaqtac. Qaq Ñim Lo'onatac 'Enauacna ỹasattapeeguet somaye, qaq naua la'aqtaqa Ñimaye da ỹasat qalaq 'eeta'ama na nalataxa.

1 Samuel 17:52

Nache so alleppi Israel le'ecpi, qataq som chegoxoguet so Judá ỹa'alaqtalec da nalaataxac, nache jec da icanapec som filisteopi, choche iviraxatta'a ye ca'amegue qataq ñeua laso'omi ye Ecrón. Qaq 'enauac som nqa'aic maye chegoqchiguiña ye Sagarayin da taỹa'a ye Gat qataq ye Ecrón, ỹataqta vichiguiiñalo na nalaatac filisteopi.

1 Samuel 17:20

Qaq so lỹa na'a'q, nache so David ỹataqta no'ottasheguem, nache aso qaguetapi ỹaqa'a so ipataxaguet da ilo'ogue naqa'en. Qaq somaye nache jec, ỹache 'enauac so nallecpi maye chegoqo'ot so lta'a Yesé. Qaq co'ollaq ivita so nanataqa', nache so alleppi mashe naỹamaxattac da nalat, qataq ỹa'alaqtalec da nalaataxac.

1 Samuel 4:5

Qaq co'ollaq nvita so lanataqa' somayepi asa'aso laỹe' da naỹamaxataxac Ñim Nataxala', nache so Israel le'ecpi ỹa'alaqtagui, nache ỹataqta dellimigui naqa'en ana 'alhua.

Josué 6:20

Huaña nache so nhuo' le'ecpi ỹa'alaq nache soua ntaxaỹaxanaxanaqa ỹashiiyiguilo soua lasheerel. Nache so nhuo' le'ecpi co'ollaq hua'axaỹa da l-lamaxa soua nasheerel, nache ỹataqta na'axannec da la'alaxac, nache so lpaqtaxat se'eso huaqta'a't nỹecpi hua'axauec. Huaña nache somayepi inoxotaua'a se'eso huaqta'a't nỹecpi nache loxonec.

Josué 6:16

Nache soua ntaxaỹaxanaxanaqa co'ollaq mashe ivi' siete da ỹe'eguelaxalec da ỹashiiyigui soua lasheerel, nache so Josué 'enapega so shiỹaxauapi, 'eeta': «¡Qaua'alqai! Cha'aye Ñim Nataxala', qami' ỹanema ne'ena huaqta'a't nỹecpi.

Jeremías 50:15

¡Qauconñiisop yemaye nache qaua'alqaitalec da alaataxac, qoñeeta'! ¡Ye Babilonia mashe nañan! ¡Mashe hua'axañi ana lalloxolatepi qataq qalagoxouec na lpaqtaxanaxatpi! ¡Qaq 'era da so'otec da she'eguelaxateguet yemayepi! ¡Ñaq qavi'eguelaxacheeguet qome, nache qaue'enaxachiichigui dam ỹo'ot co'ollaxa namayepi!

Isaías 30:25

Qaq qom nvi' cam na'a'q maye huaigui qome da qalota ca qaỹalauat, qataq hua'axañi na npaqtaxanaxatpi, nache huo'o qome na 'etaxat na talapi qataq na la'auaxacpi maye huetalec 'enauac ana qaỹoqotcheguec qasoxonaxapi, qataq ana qaỹoqotcheguemec lcomaraxalatepi.

Isaías 25:12

Ñim Nataxala' hua'axañi qome naqa'en yem qaỹoqotcheguemec qataq qaramta lpaqtaxanaxatpi, nache ỹataqta dolachigui naqa'en ivitta'a da ndotec lsoche da hueta'aguet naqa'en na 'alhua.

Josué 6:4

Qaq siete qome caua ntaxaỹaxanaxanaqa maye hua'autra'ague 'anqa'en da taỹa'ague añi arca maye laỹe' da aỹamaxataxac, qaq ñi 'oonolec caamaye huota'a qome aca lasheere peenaq lcoue. Qaq ca na'a'q siete, nache siete qome da qavi'iguelaqailec da qauconñiisop yi'iye huaqta'a't nỹecpi. Qaq que'ecaua ntaxaỹaxanaxanaqa nache quetro'ot qome da ỹashettrapigui caua lasheerel.

Josué 6:6

Nache so Josué iỹaxaneuga so ntaxaỹaxanaxanecpi, nache 'enapega, 'eeta': «Qauache qome añi arca maye laỹe' da naỹamaxataxac Ñim Nataxala', qataq caua siete da qoñiita hua'aute' da ỹacheta'ape qome caua lasheerel peenaq lcoue.»

Jueces 20:37

Nache somayepi ique'elaxatta da iloquiaxan so hueta'a ye Gabaa, irolec na ỹeelonec da ỹalauat 'enauac som netaña yemaye.