Josué 6:4 - La'aqtaqa Ñim Lo'onatac 'Enauacna 2013

⁴ Qaq siete qome caua ntaxaỹaxanaxanaqa maye hua'autra'ague 'anqa'en da taỹa'ague añi arca maye laỹe' da aỹamaxataxac, qaq ñi 'oonolec caamaye huota'a qome aca lasheere peenaq lcoue. Qaq ca na'a'q siete, nache siete qome da qavi'iguelaqailec da qauconñiisop yi'iye huaqta'a't nỹecpi. Qaq que'ecaua ntaxaỹaxanaxanaqa nache quetro'ot qome da ỹashettrapigui caua lasheerel.

Josué 6:4 Referans Kwoze

Apocalipsis 16:1

Nache sa'axaỹa so nvilỹaxac ỹataqta alam chegoqtoigui aso no'onaxanaxaqui, da 'eetegalo soua siete namaxa'she piguem lashe', 'eeta': «Qoqui, nache qaucoyeelec ana 'alhua nam huetagui naua ỹomaxaqui' maye naigui dam qaica ca 'ena'am lalemataic Ñim Lo'onatac 'Enauacna.»

2 Crónicas 20:17

Qalaxaye saishet qome da nache qami' da qauloqui de'era loquiaxac, nacherata da qañe'emaxache qome da qoviita'a cam qarauanaxanaqa'ai, yaqto' qauauañiichigui da lca'alaqtaxanaxac Ñim Nataxala', da qami' taleguete. Qami' shiỹaxauapi maye qarma'ai na Judá, qataq na Jerusalén, saishet da qayi'iitac huo'otaq da qauqaulliitac, qoqui qonte' da qauataiỹa'aguet namayepi, cha'aye aỹem Nataxala', qami' soota'agueta qome.›»

Apocalipsis 8:2

Ime, nache sauaachigui se'esoua siete namaxa'she piguem lashe' da qoỹami' ñi 'oonolec ana nasheere, qaq soomaye nachattrañi datataua'alo Ñim Lo'onatac 'Enauacna.

2 Crónicas 20:21

Qaq so Josafat co'ollaq ime da nnate' so shiỹaxauapi, nache ỹauo'o so 'onaxanaxaicpi, qataq ỹauo'o so logoxot maye sa qaishetapec maye huo'o na llo'oxoraxatpi, da yaqto' hua'auta'ague da taỹa'ague so alleppi da ỹo'oxoreetac Ñim Nataxala', da ỹo'ootac so no'onec maye 'eeta': «Qaỹa'añiỹot da qana'achecỹaxaqui Ñim Nataxala', cha'aye da lauotaxanaqtaic chochaq tatec.»

1 Reyes 18:43

Nache 'enapego' so lamaxashec, 'eeta': Ña 'asheguema na pa'asheguem, nache 'auallelec aye auaxai. Nache somaye tasheguema so pa'asheguem, nache dallelec aso auaxai, nache 'enapeco': Qaica ca sela'a. Qalaxaye so Elías qaltaq 'enapega, 'eeta': 'Aue qome, nache siete da 'avi'eguelaxalec da 'auallelec aso auaxai.

Levítico 14:16

Qataq ỹa'ayingui ana llaxaata aloiguishe ca aceite maye huetaigui na lhuaq lauel ne'emaxashec, nache siete da ỹe'eguelaxalec da ichegoxogue da pa'aỹa'ague añi nca'atoxonaxalate.

Apocalipsis 15:7

Nache so 'oonolec soua cuatro shiguiỹa'c maye nca'altraue'c ỹami' aso ỹomaxaqui nlaqchigui na lataxa ñi 'oonolec soua namaxa'she piguem lashe'. Qaq se'esoua siete ỹomaxaqui' maye huetagui na lataxa, naigui da layeloxo Ñim Lo'onatac 'Enauacna Ñim nache 'eetai' da nca'altauec.

Apocalipsis 15:1

Qaq aỹem sela'a so hueto'ot na piguem ỹataqta sa qaỹauanapega: soua siete namaxa'she piguem lashe', ỹacheta'ape soua pa'atre'c napaxaco maye talec naqa'en qome ana 'alhua. Qaq qom ime de'era, nache da layeloxo Ñim Lo'onatac 'Enauacna vi'iiguet.

Apocalipsis 10:3

Nache ỹataqta na'axannec da lavilỹaxac da detaqa, 'eeta'am na lỹa quiyoc da desoqtac; qaq can ỹa'alaq, nache qaỹa'axaỹalo soua siete nvilỹaxaco 'eeta'ama da l-lamaxa na nalataxa.

Apocalipsis 8:6

Ime, nache soua siete namaxa'she piguem lashe', naỹamaxaayiñi da yaqto' ỹashiiyiguilo soua lasheerel.

Apocalipsis 5:6

Ime, nache sela'a So Qagueta Llalec hueta'a ye saqaỹapeque aso so'onaxaqui. Qaq Somaye ỹataqta yo'oqta so lliguiñi so ỹeelonec co'ollaq qaipelecot na lqosot da qoỹaneuo da qaỹavigaxat. Qaq Somaye nachattañi, qaq soua shiguiỹa'c maye nca'altraue'c qataq soua veinticuatro nqueroxonqa coleesopa Somaye. Qaq somaye siete naua lcouel qataq siete naua la'ai'te. Qaq nachenaua naua siete saq cha'alo la'añaxaco Ñim Lo'onatac 'Enauacna maye qaỹamaxalec 'enauac ana 'alhua.

Apocalipsis 5:1

Qaq aỹem sela'a aso nere qainaata'a't huetaigui na lhuaq aloiguishec so nso'ootangui aso so'onaxaqui. Ana lauepi asomaye qalaq 'enauaque naua laỹel da huo'o na leraxat. Qaq asomaye qaitoqootaleguete soua siete na'anaxanaqtel da qaỹapotagui.

Apocalipsis 1:20

Aỹem 'am sa'aqtaxanem dam saqcha'a naiguilo soua siete huaqaañi, maye 'auauaachiguilo da huetaiguilo na ihuaq qataq dam saqcha'a naiguilo soua siete ncoỹaraxanaxaqui' maye chegaqaiguilo na oro. Soua siete huaqaañi, naiguilo naua lamaxa'she Ñim Lo'onatac 'Enauacna maye ilotagueto nam ỹa'amaqten So Jesús maye netaleguete naua siete 'aleu'. Qaq soua siete ncoỹaraxanaxaqui' naigui na 'amqaanataxanaxaicpi maye netaleguete naua siete 'aleu'.

Apocalipsis 1:4

Aỹem Juan, samaxa ana ỹere qataq sequiita'ape naua siete 'aleu' maye netaleguete na ỹa'amaqten so Jesús maye netaigui ye 'alhua Asia. Ñim Lo'onatac 'Enauacna, Ñim nache 'eetai' da huo'o, qataq Ñim do'onataxaatac nagui, qataq naỹa'acna. Aỹem ỹataqta huo'o da iyaxa da Ñim Lo'onatac 'Enauacna qataq So Jesucristo qataq soua siete na'añaxaco saqcha'alo maye nachattraua'a añi nso'onaxaqui Ñimaye, da qami' ỹauoteque qataq qami' ỹanema ca qarlagaxayiqui. Sa'amaqtenaq da So Jesucristo qomi' ỹauoteque qataq qomi' da'aqtaxanema da 'eesa na'aqtaguec Ñim Lo'onatac 'Enauacna. So Jesucristo nacheso so la'auaxanec da nca'aleeguesop da nleuaxa, qataq nacheso so ilotague' 'enauac nam nta'alpi maye ilotague' nam 'alhuapi. Qataq chegoqchigui da l-leuaxa So Jesucristo da Ñim Lo'onatac 'Enauacna ỹapalaxat na qarasouaxashetpi.

2 Reyes 5:10

Qalaxaye so Eliseo, ỹamaxauec so lamaxashec da 'enapega somaye, 'eeta': «'Anqo'onaxaama qome so tala Jordán, nache siete qome da 'avi'eguelaxañi da 'auomñi, nache no'oita qome na 'aro'oc maye huetalec na lepra.»

Números 23:1

Nache so Balaam 'enapega so Balac, 'eeta': 'Ano'oxooyishegue'm qome ne'ena, caua siete nca'atoxonaxalate, qataq 'auqataxanai'salo caua siete huaca llalqa, qataq caua siete qagueta lhuaraiqa.

Zacarías 4:6

Nache somaye qaltaq 'enapec: «'Era da la'aqtac Ñim Nataxala' maye taỹa'a ñi Zorobabel, ‹Ñimaye saiuen qome ca qalota alleppi, qataq ca yo'oqchigui na'añaxac, maye nachesota so Saqcha'a Ỹa'añaxac.› 'era da la'aqtac Ñim Nataxala' maye Qaica ca Ỹaqalanapec.

Zacarías 4:2

'Am Zacarías «¿Negue't ca 'aula'a?» Nache aỹem sasateguet sheeta': «Qomye selota'a ara lashe ana ncoỹaraxanaxaqui maye chegaqaigui na oro, aramaye na'attalec añi laỹe' na aceite. Qaq na pa'asheguem aramaye nache huo'oi ñeua siete ncoỹaraxanaxaqui' maye netaua'alo naua siete lleco na aceite.

Isaías 27:13

Qaq que'eca na'a'q qaỹashiiyigui qome aca nasheere, nache anac qome yem qaỹauega co'ollaxa ye Asiria, qataq yem qaỹauega co'ollaxa ye Egipto, nache huaña qome añi qui'itta qasoxonaxa maye naña ye Jerusalén da ỹo'oxoren Ñim Nataxala'.

Da na'aqtaguec so Job 42:8

Qaq qauacoñiiua'alo qome caua siete huaca llalqa, qataq caua siete qagueta lhuaraiqa, nache qanqo'oñiỹa qome ñi ỹamaxashec Job, yaqto' qaỹa'añiiuo da nachetaqtaxanaqte qaỹavigaxatta, qaq ñi ỹamaxashec Job, qami' natameeleguete qome. Nache aỹem saconeguet qome ca nqouagaxaunaxac ñimaye nache saishet da huo'o ca qami' shena'aque, souaxat da saishet da qaua'axache da ỹaỹamaqchiguiñi ỹataxac, cha'aye qami' saishet da qoñiita'am ñi ỹamaxashec Job.»

2 Crónicas 20:19

Nache so leviitapi maye chegoxoguetpi so Quehat, qataq so Coré, nachaañi nache ỹataqta nlamaxaren da ỹo'oxoren Ñim Nataxala' maye Natamnaxala' so Israel le'ecpi.

2 Crónicas 13:12

Qaq Ñim Lo'onatac 'Enauacna, nacheñi Ñim Qarataxala', qaq nam ltaxaỹaxanaxanecpi Ñimaye mashe lhuotta da ỹashiiyigui ana nasheerepi, da yaqto' qami' sataỹaqa'agueta da qami' seloquiaxato. Qaq qami' Israel le'ecpi, saishet qome da qauloqui' Ñim Nataxala' maye Natamnaxala' so hua'au qarta'ailpi, cha'aye saishet qome da qanaviqui Ñimaye.»

Levítico 4:6

nache ỹa'ayingui ana llaxaata ca ntago'q qataq siete da ỹe'eguelaxalec da ichegoxogue da pa'aỹa'ague ñi napoxonaxat, ỹauaachigui naqa'en Ñim Nataxala'.

Génesis 2:3

Nache Ñim Lo'onatac 'Enauacna ỹaalec da no'on la'aqtac se'eso na'a'q siete, qataq iỹotauga da yaqto' qaỹo'oxoren Ñimaye, cha'aye se'eso na'a'q huetoigui da nmateeguesop 'enauac na lo'onatacpi.

Josué 6:3

Qaq 'am qataq na 'analleppi, qoquiitaua'a qome ye 'oonolec na'a'q da qauconñiisop ye huaqta'a't nỹecpi, qaviraxacheetrec qome caua seis na'axa'te.

Josué 6:5

Nache qom qaua'aqaiỹa da ỹoqta qana'axannec da l-lamaxa aca nasheerepi, nache ỹataqta qana'axanñic qome da qara'alaxaqui, nache ye lpaqtaxat yi'iye huaqta'a't nỹecpi hua'axauec qome. Huaña, nache ñi 'oonolec da qoñiita ỹalamaxatteua'a qome yi'iye huaqta'a't nỹecpi.»

Josué 6:13

Nache soua siete ntaxaỹaxanaxanaqa hua'autra'ague da taỹa'ague aso arca maye laỹe' da naỹamaxataxac Ñim Nataxala', qataq nache quete' saishet da vi'iigueta, qataq nache queto'oto da ỹashettrapigui soua lasheerel. Qaq so alleppi maye na'atchiguiñi na lo'ogoxonaxatpi hua'auta'ague da taỹa'ague soomaye, qaq so nca'attauo alleppi qalaq ca'attaueegue aso arca maye laỹe' da aỹamaxataxac. Qaq aso nasheerepi nache queta da l-lamaxa.

2 Reyes 5:14

Huaña, nache so Namán, taxaama co'ollaxa so tala Jordán, nache siete da huomñigui, ipacchigui da la'aqtac so la'aqtaxanaxanec Ñim Lo'onatac 'Enauacna, nache na lo'oc somaye ỹe'eguelaxa da 'eeta'am na lo'oc ca nogotolec, nache ỹataqta no'oita.