Josué 6:16 - La'aqtaqa Ñim Lo'onatac 'Enauacna 2013

¹⁶ Nache soua ntaxaỹaxanaxanaqa co'ollaq mashe ivi' siete da ỹe'eguelaxalec da ỹashiiyigui soua lasheerel, nache so Josué 'enapega so shiỹaxauapi, 'eeta': «¡Qaua'alqai! Cha'aye Ñim Nataxala', qami' ỹanema ne'ena huaqta'a't nỹecpi.

Josué 6:16 Referans Kwoze

2 Crónicas 13:15

Qaq so Judá le'ecpi co'ollaq ỹa'alaxalec de'era alaataxac, nache Ñim Lo'onatac 'Enauacna loxonec so Jeroboán qataq 'enauac so Israel le'ecpi, nache dauegaxan naqa'en so Abías, qataq so Judá le'ecpi.

Josué 6:5

Nache qom qaua'aqaiỹa da ỹoqta qana'axannec da l-lamaxa aca nasheerepi, nache ỹataqta qana'axanñic qome da qara'alaxaqui, nache ye lpaqtaxat yi'iye huaqta'a't nỹecpi hua'axauec qome. Huaña, nache ñi 'oonolec da qoñiita ỹalamaxatteua'a qome yi'iye huaqta'a't nỹecpi.»

Josué 6:15

Qaq so na'a'q siete, nache somayepi no'ottasheguem da qaltaq coleesop se'eso huaqta'a't nỹecpi, nache ỹe'enaxatchigui da 'eetec soua lỹa't na'axa'te, qalaxaye se'eso na'a'q, nache siete da ỹe'eguelaxalec da coleesop somaye.

2 Crónicas 13:14

Qaq so Judá le'ecpi, co'ollaq ỹamata'ague da pa'aỹa'ague da l-laq, nache nanoma da na Israel le'ecpi chegaqa'ague dam dataỹa'ague qataq da l-laq da iloquiaxan somayepi. Huaña nache iỹaxanot Ñim Nataxala', qataq so ntaxaỹaxanaxanecpi ỹashiiyigui aso nasheerepi.