Josué 6:1 - La'aqtaqa Ñim Lo'onatac 'Enauacna 2013

¹ Qaq so lasom so lpaqtaxat ye Jericó, ỹataqta qaỹapochigui, souaxat da qañi'itapeeguet so Israel le'ecpi, qaq ỹoqo'oye saishet da huo'o ca pa'auo, huo'otaq da npa'auec som netaigui se'eso huaqta'a't nỹecpi.

Josué 6:1 Referans Kwoze

Josué 2:24

Nache 'eeta': «Ñim Nataxala' mashe qomi' ỹanema da qoroxonec 'enauac yi'iye 'alhua. Cha'aye 'enauac yem netaña yemaye ỹataqta ilem da lcolanaxa souaxat da shenaqta.»

Salmos 127:1

Ñim Nataxala' da sa no'oxoosheguem ca nỹec, nache qaica ca naigui da lo'onataxanaxac cam no'oxooteguisheguem camaye, Ñim Nataxala' da saishet da npaxattalec ca huaqta'a't nỹecpi, nache qaica ca naigui da sa do'oche cam nauaatalec camaye.

Josué 2:7

Nache so nalleppi so nta'a icaaleguete soomaye, tateuga so nqa'aic maye taỹaxaama so tala Jordán, nache ivittaxaama so ñeguetapi da qotaitague da le'ego. Qaq co'ollaq chochaq inoxonec so alleppi, nache qaỹapogui so lasom so npaqtaxanaxat.

2 Reyes 17:4

Qalaxaye so Salmanasar, maye nta'a ye Asiria, nanoma so Oseas da dataỹa'aguet somaye, cha'aye somaye huo'oi soua lamaxa'she, ỹamaxa so nta'a So, maye nta'a ye Egipto, qataq mashe saishet da ỹaneuo ana lsheetenaxanaqte maye iuen da ỹaneuo ye 'oonolec vi'i da yaqto' isheeten so nta'a ye Asiria. Ỹoqo'oye so nta'a Salmanasar, damaxasoxoolec co'ollaxa da qaỹaconeua'a somaye, nache qaicoñe'.

Josué 5:15

Nache so Lataxala' na nalleppi Ñim Nataxala' ỹasategueto' somaye, 'eeta': «'Anqa't naua 'arapela'ate, cha'aye ne'ena 'auapetaña, namaye ỹataqta sa qaishetapec.» Nache so Josué ỹalaxaguet somaye.

Josué 6:2

Qalaxaye Ñim Nataxala' 'enapego' so Josué, 'eeta': «Aỹem 'am sanem da 'oxonec ye Jericó, qataq ñim nta'a qataq caueegue' na nalleppi.

Josué 2:1

Qaq co'ollaq huaña ye Sitín, nache so Josué no'otaxaatrec soua dos da ỹama'q, nache 'enapegalo, 'eeta': «Qanqo'oñiỹa qome da qaumeenaxañiỹa ye 'alhua Canaán qataq ye Jericó.» Nache soomaye je'c, qaq co'ollaq ivildeua'a ye Jericó, nache tatreua'a so lma' aso 'alo quisheguetaxai maye le'enaxat Rajab, nache lo'ochaqa't se'eso pe.

Josué 16:7

huaña qaltaq naỹaña ye Atarot, qataq ye Nará, nache ivitta'a ye Jericó qataq taỹauga so tala Jordán.

Josué 18:21

Qaq 'ena nam huaqta'a't nỹecpi maye taỹot da lalamaxat qanqa'en so llalaqpi so maiche nhuo' le'ecpi maye chegoxoguetpi so Benjamín: Jericó, Bet Joglá, Émec Quesís,

2 Samuel 10:5

Nache co'ollaq ỹaỹaten de'era so David, nache damaxasoxoolec da qaica'ata'aguet somayepi, cha'aye somayepi ỹataqta huo'o da la'agaxa, qataq ỹamaq da la'aqtac da qoỹenapega somayepi da nache hua'a ye Jericó, ivitta'a da qaltaq ñaxat ana lqa' laue nache ỹe'eguelaq.

2 Reyes 2:4

Qaq so Elías, qaltaq 'enapego' so Eliseo, 'eeta': Nache qoueta'a taxa ne'ena, cha'aye Ñim Nataxala' aỹem ỹamaxague da Jericó. Qalaxaye so Eliseo 'enapeco': Aỹem sanot da ỹa'aqtac Ñim Nataxala', qataq 'am, da saishet da 'am seỹotec. Huaña nache soomaye, qaltaq nnaicapega't co'ollaxa, nache choche ivittra'a ye Jericó.