Josué 5:10 - La'aqtaqa Ñim Lo'onatac 'Enauacna 2013

¹⁰ So Israel le'ecpi nmataqa' ye Gilgal, qaq huetoigui so avit se'eso na'a'q catorce se'eso ca'agoxoic da qaỹo'ot so Lapascua, huaña ye nalochiguiñi 'alhua ye Jericó.

Josué 5:10 Referans Kwoze

Éxodo 12:6

Nache qaỹaỹamaxat que'eca shiguiỹac, nato' qom ivireuga ca na'a'q catorce ne'ena ca'agoxoic. Nache 'enauac na Israel le'ecpi ñi 'oonolec huaxaiguet ca llalaqpi, nache ỹalauat qom mashe napalchiguiñi.

Ezequiel 12:3

Qaq ỹoqo'oye 'auqataxanai' qome cam ỹataqta 'auen da yaqto' qoca'ai ne'ena 'alhua, qaq laiñi qome ca na'a'q, qataq 'am ỹauaategue qome 'enauac nam shiỹaxauapi da qoca'ai na 'arma', da 'anqo'ona ca lỹa nma', saiuena'a da ne'ena nhuo' le'ecpi ỹaỹaten da qauemaicpi

Éxodo 12:18

Qaq qollequi qome aca nauole 'ayiiña maye qaca aca lalecte ca avit que'eca na'a'q catorce ne'ena la'auaxanec naua ca'agoxoiqa, choche ivitta'a ca avit ca na'a'q veintiuno ne'ena ca'agoxoic.

Levítico 23:5

Da ivireuga ca na'a'q catorce ca la'auaxanec ca'agoxoic, qataq da mashe inoxoochiguiñi añi nala', nache qauo'oche ca Lapascua da yaqto' qavio'oxoyiñi Ñim Nataxala'.

Josué 4:19

Nache so Israel le'ecpi chegoqchiguiña co'ollaxa ye tala Jordán da jec, huetoiguilo se'esoua diez na'axa'te so la'auaxanec ca'agoxoic. Ime, qaq nmataqa' ye Gilgal, ye pa'aỹa'ague da yo'oxoñi ye Jericó.

Josué 5:11

Qaq nacheso se'eso na'a'q da huetoigui da qanallec ana nauole 'ayiiña maye qaica ca lalegue ỹasheeraxachigui, qataq na trigo maye qaitoota, qalaxaye so lỹa na'a'q nache huetoigui da qanallec na nañiguishec ala maye ñaxattalec yi'iye 'alhua.

Josué 9:6

Qaq co'ollaq ivildeua'a so nanataqa' maye netaña so Josué maye naña ye Gilgal, nache soomaye da'aqtaxaarem so Josué qataq so Israel le'ecpi, 'eeta': «Sachegoxosaqa'a ye 'alhua maye ỹataqta qaỹoqta. Qaq qomi' sauoqtaique da qomi' 'anaỹamaxateto.»

1 Samuel 7:16

qataq 'enauaque naxa naua vi'iye da nqo'ona ye Betel, Gilgal qataq ye Mispá, da yaqto' ỹaỹamaxaañi 'enauac nam 'eetapeguecpi so Israel le'ecpi maye netalec yi'iye 'alhua.

2 Samuel 15:28

Qaq aỹem qalaq soua'a qome ye nalochiguiñi ye toolec 'alhua, seuata'a da huo'o ca ỹa'axaỹaxac da qoñiita.

Jeremías 39:5

Qalaxaye so alleppi caldeopi icaalec co'ollaxa somayepi, nache iviralec so Sedequías huaña som nalochiguiñi 'alhua ye Jericó, nache qaỹaconeua'a somaye, nache qaỹauega so nta'a Nabucodonosor maye hueta'a co'ollaxa ye Ribla, maye huaigui ye 'alhua Hamat, nache huaña yemaye da so nta'a Nabucodonosor ỹauo'o da nhuaxanaguec somaye:

Miqueas 6:5

Qami' ỹalamaxat nhuo' le'ecpi qantooñeeta'ac nagui, nam huotaique ỹo'ot co'ollaxa so Balac maye nta'a ye Moab, qataq dam la'aqtac so Balaam, som llalec so Beor co'ollaq ỹasateguet somaye. Qataq qantooñeeta'ac co'ollaq qa'aiteuga ye Sitín nache qaviyeeta'a ye Gilgal, yaqto' qauauattoñeeta da la'añaxac Ñim Nataxala'.

Éxodo 12:11

Qaq 'era da qoñiitec da qollequi ca qagueta llalec, qaq ỹataqta qansauachiita, qataq qaỹa'añiiyiñi naua qarapela'achilli', qataq qanasoqoita'alo naua qarashelchilli', qaq ỹataqta qanqui'imiigue, cha'aye de'era lapascua lalamaxat Ñim Nataxala'.