Josué 4:9 - La'aqtaqa Ñim Lo'onatac 'Enauacna 2013

⁹ Qaq nataqa'en so Josué nauaxaỹaxaasheguem co'ollaxa soua doce lỹa't coma'ye, vichiguingui naqa'en ye laiñi so tala, yem nachattraña co'ollaxa soua ntaxaỹaxanaxanaqa maye ỹachetrac aso arca maye laỹe' da aỹamaxataxac. Qaq se'esoua coma'ye ñaq netraña nagui yemaye.

Josué 4:9 Referans Kwoze

1 Samuel 7:12

Qaq co'ollaq ime, nache so Samuel ỹacono' so 'oonolec coma' nache ỹananguilo yeua Mispá qataq ye Sen, nache ỹanagui da le'enaxat Ebenezer, cha'aye 'enapeco': «Choche ivitta'a nagui da Ñim Nataxala' ña qomi' itauaata'ape.»

2 Crónicas 5:9

Qalaxaye se'esoua qo'oipaxaye ye ỹataqta logoraiqa, nache soua lsheeneqa yo'oqte' da qanayeeta'a so nanataqa' qui'itta, maye dataỹauga so sa qaishetapec nanataqa'. Qalaxaye na ỹoqta pa'auec, nache saishet da qaila'alo soomaye, qaq soomaye nache 'eetai'salo ye huetra'a choche ivitta'a nagui.

2 Samuel 4:3

qaq so lma' ye Berot co'ollaq datauec, nache taỹa ye Guitayin, qaq somayepi ye choche chegaqauec, nache chochaq ivitta'a nagui da netaña yemaye.

1 Samuel 30:25

Qaq nache huaiguio' se'eso na'a'q da so David lapaxañi de'era lataxac da huo'o ca loquiaxac, qaq so Israel le'ecpi nache queta da ỹo'ottac, choche ivitta'a nagui.

Jueces 1:26

Nache se'eso ỹale jec, nqo'ona ye na'alhua so hitiitapi, qaq nache huaña yemaye, da no'oxoosheguem so dalaxaic huaqta'a't nỹecpi, nache ỹanagui da le'enaxat Luz, qaq nache ivitta'a nagui de'era le'enaxat.

Josué 24:26

Nache ỹerelec aso nere maye nanettalec na lqataxacpi Ñim Lo'onatac 'Enauacna, huaña nache ỹacona so coma' lta'araic, nache ỹano'ot na pa'aguiñi aso encina, maye netaña so npe'l maye huañacnaxa da qanauane' Ñim Nataxala',

Deuteronómio 34:6

qaq nache qailareña co'ollaxa yi'iye ca'amapega'tpi ye 'alhua Moab, maye datatta ye Bet Pegor, qalaxaye saishet da qaỹaỹaten ca ỹataqta huichiguiña choche ivitta'a nagui.

Éxodo 28:21

Qaq que'eca coma'pi, nache ivi' doce, cha'aye ivi' doce soua llalqa so Israel. Qaq ñi 'oonolec ca coma'piolec huetalec na le'enaxatpi se'eso nhuo' le'ecpi, 'eeta'am ana na'anaxanaqte.

Éxodo 24:12

Nache Ñim Nataxala' 'enapega so Moisés, 'eeta': «'Annotsheguemec qome ana qasoxonaxa, 'auanasheguema na soota'a. Ime, qaq aỹem 'auata'aguet, 'am sanema qome caua coma' cam settaleguete naua iqataxaco qataq naua ỹamaxasoxonaxaco, da yaqto' 'auapaxagueneque na Israel le'ecpi.

Génesis 28:18

Qaq so lỹa na'a'q, nache so Jacob ñisheguem co'ollaq ña nte'etom, nache ỹacona so coma' maye na'axaatalec co'ollaxa so pe, nache nachaalataxaañi, ime nache icorelec somaye so aceite.

Génesis 26:33

Nache so Isaac ỹanagui da le'enaxat «Sebá» asa'aso nshere. Qaq ỹoqo'oye nachera da huo'omshe qoỹanagui da Berseba yi'iye huaqta'a't nỹecpi, choche ivitta'a nagui.

Mateo 28:15

Nache soua huataxanaq lashe' ỹasateguet da ỹaconegueta aso nsheetenaqte anom, nache je'c da da'aqtaxanem na shiỹaxauapi ipagaqchiichiguilo dam la'aqta'c soua lataxala'ate na ntaxaỹaxanaxanecpi da qaitaxaỹapegue' Ñim Lo'onatac 'Enauacna. Qaq de'era natenataxanaxac nachera da queta da qaỹa'aqtaxaata'am na judiopi, choche ivita'a co'ollaq qoỹiyiñi de'era qanayeuaigui se'eso na'a'q.

Mateo 27:8

Qaq ỹoqo'oye se'eso 'alhua nache le'enaxat qanqa'en da, «no'onaxa maye lasheue soua ntago'q.»

1 Reyes 18:31

Nache somaye ỹacona so doce coma'pi, ipacchigui naqa'en ye lcata so llalaqpi so Jacob, maye Ñim Nataxala' ỹanagui co'ollaxa da le'enaxat Israel.

Josué 4:10

Qaq soua ntaxaỹaxanaxanaqa maye ỹachetrac aso laỹe' da aỹamaxataxac, qalaq nache nachattrañi, huetraña ye laiñi so tala Jordán, ivitta'a da so Israel le'ecpi ỹo'ot 'enauac na damaxasoxoolecpi Ñim Nataxala' maye ỹamaxalec co'ollaxa so Josué. Qaq 'enauac nam 'enapecpi co'ollaxa so Moisés, ỹo'ot so Josué. Qaq huaña, nache so Israel le'ecpi ỹataqta iỹalapigui' da taitague da le'ego so tala.