Josué 4:7 - La'aqtaqa Ñim Lo'onatac 'Enauacna 2013

⁷ nache qami' qoñiỹapec qome da qara'aqtaqui: ‹Qomye co'ollaq ỹa'axasoxoolec qanqa'en so tala Jordán aso arca maye laỹe' da naỹamaxataxac Ñim Nataxala', nache na 'etaxat so tala colaxagui. Qaq ne'enaua coma'ye naamaye naigui da yaqto' na Israel le'ecpi nache 'eetai' da lhuennataxat de'era qaỹo'otec co'ollaxa maye huaña ne'ena.›»

Josué 4:7 Referans Kwoze

Éxodo 12:14

Qaq que'eca na'a'q, nache qami' saishet da qaucoviỹa'ai da qauo'oche ca ỹataqta lta'araic qayo'oxonnataxanaxaqui da qavio'oxoyiñi Nam Nataxala'. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qataq nache 'ena'am qome ca qaỹa'alquipi.

Salmos 111:4

Qataq ỹo'ot da nhuennataxat da llo'oxoyec. Ñim Nataxala' ỹataqta hualaxaunaxaic qataq choxonnataxanaxaic.

Números 16:40

yaqto' so Israel le'ecpi saishet da icoua'ai de'era, da ca chegaqauec shiỹaxaua da saishet da chegoxoguet so ntaxaỹaxanaxanec Aarón, nache saishet da ỹo'ot ca nchenaxanaxat da ỹanot Ñim Nataxala', cha'aye ishet da 'eeta'am da huaigui so Coré qataq so laỹepi. Cha'aye nache la'aqtac Ñim Nataxala' co'ollaq hueqattega so Moisés.

Éxodo 28:12

Nache ỹanaguilo naua lallaco ca npo' le'enaxat efod, yaqto' so Aarón ỹacheta'ape caamaye netaleguete naua lallaco naua le'enaqa'ate soua llalqa so Israel, yaqto' lỹateuo da taua'a ye lanataqa' Ñim Nataxala', nache namayepi saishet da qaicoua'ai.

1 Corintios 11:24

Nache ỹanot da na'achec Ñim Lo'onatac 'Enauacna. Ime, nache ncolaxaañi aso nauole, nache 'enapeco': «Qolliqui ne'ena; nachena na maiche ỹapat maye taỹa'a da qoỹaneuo da qami' qanqouagueque. Qaq da ivita da qolliqui, nache qaltaq qauennache Aỹem.»

Isaías 66:3

Qalaxaye nam ỹavigaxat na huaca lhuaraic da lachetaqtaxanaxat qalaq 'eeta'am ca ỹalauat ca shiỹaxaua, qataq na ỹan na qagueta llalec da lachetaqtaxanaxat qalaq 'eeta'am ca ipelecot na lqosot ca pioq, qataq cam ỹaneuo na ala na nañiguishec da lachetaqtaxanaxat qalaq 'eeta'am ca ỹaneuo na ltago'q aca cos late'e, qataq nam ỹavigaxat na lchenaxanaxat maye ama na laita da lachetaqtaxanaxat qalaq 'eeta'am nam ỹo'oxoreetac nam ne'enaqtac atamnaxala'pi. Namayepi maiche lca'aua'a da maiche llecỹaxac, qataq nqopita da ỹo'ottac dam ỹataqta seqaiga.

Josué 4:6

Qaq que'ecaua coma'ye la'anaxat qome da qoñiita, cha'aye que'eca na'a'q da ivita da qami' ina't ca qaỹa'alquipi, da 'eeta': ‹¿Chaq negue't ca naigui ne'enaua coma'?›,

Éxodo 30:16

Qataq nache 'am qome da 'auaconeguet aca'aca nsheetenaxanaqte da qaisheeten da achaalataxac. Ime, nache 'aỹa'anem ca ntaxaỹaxanaxanecpi da yaqto' isheeten 'enauac nam qaỹo'otpi maye huaña ca npe'l. Qaq damaye nache ỹo'ot da Ñim Nataxala' mashe ỹaỹaten da na Israel le'ecpi mashe isheeten da nachaalataxac».

Números 17:5

Qaq aca nashelte maye nañaxatec qome, nachaca aca lashelte ca lleca'aguishec, huaña qome nache vi'iiguet da qami' quetegueleguete ne'ena shiỹaxauapi.

Deuteronómio 16:3

Qaq da qollequi que'eca shiguiỹac maye qaỹa'añiiuo nache lalegue qanqa'eñi aca nauole maye qaica ca lalegue da ỹasheeraxachigui. Qaq nache ivittrec caua siete na'axa'te da qollequiitac aca'aca nauole maye qaica ca lalegue, cha'aye nachaso asom qanallectac co'ollaq qanayeuaigui da que'eenaxac, qataq da nỹalaxa da qanayeca'ai ye Egipto, qataq qom ñaq qanca'alliitauec, nache saishet da qaucouaỹa'ai se'eso na'a'q maye huetoigui co'ollaxa da qoquiỹa'ai ye Egipto.