Josué 4:6 - La'aqtaqa Ñim Lo'onatac 'Enauacna 2013

⁶ Qaq que'ecaua coma'ye la'anaxat qome da qoñiita, cha'aye que'eca na'a'q da ivita da qami' ina't ca qaỹa'alquipi, da 'eeta': ‹¿Chaq negue't ca naigui ne'enaua coma'?›,

Josué 4:6 Referans Kwoze

Éxodo 13:14

Qaq cam na'a'q da qami' ina't ca qaỹa'alqui da 'eeta': ¿Negue't ca naigui de'era?, nache qoñiita' qome: Ñim Nataxala' do'onataxana da lta'araic la'añaxac co'ollaq qomi' nqateeguesopa ye Egipto, cha'aye co'ollaq sonaqtaña yi'iye 'alhua nache choche qomi' nlataqa.

Josué 4:21

Ime, qaq 'enapega so Israel le'ecpi, 'eeta': «Que'eca na'a'q, qom ivita da qami' ina't ca qaỹa'alquipi da, 'eeta': ‹¿Chaq negue't ca naigui ne'enaua coma'ye?›,

Salmos 44:1

'Am maye 'Aro'onatac 'Enauacna, qomi' sa'axasoqchigui co'ollaxa so qarta'alpi, da qomi' ỹa'axattapeguema ne'ena 'auo'otpi co'ollaxa, se'esoua na'axa'te maye huetoiguilo soua hua'au' vi'iye.

Josué 22:27

nacherata da sauoqtaique da la'anaqte da qoñiita qataq da shenaqta qataq na maiche qaralamaxat qoyalaqpi, cha'aye qomi' nataqa'en sho'oxorenaqtac Ñim Nataxala', qataq da sanaqtacot Ñimaye aca qarachetaqtaxanaqte maye qaỹavigaxatta, qataq ana nachetaqtaxanaqte da qaỹapalaxat nam nasouaxashetpi, qataq ana qanhuaachigui. Huaña qome nache na qaỹa'alquipi saishet da 'enapega na qoyalaqpi da 'eeta': ‹Qami' saishet da Qarataxala'ai Ñim Nataxala'.›

Deuteronómio 11:19

Qataq qauapaxaguiñic de'era ca qaỹa'alquipi, da qoñiitaña ca qarmaye, huo'otaq da qoquiitague' ca nqa'aic, qataq da qannañiiñi ye pe, qataq da qoñiisheguem ye nte'eta.

Isaías 55:13

Qaq ñaxat qome ana piinopi da nmeneguet ana qo'oipaqole maye huo'o ana le, qataq ñaxat ana arrayanes da nmeneguet ana huoue le'enaxat poqo, qaq de'era ỹataqta ỹo'ot qome da llo'oxoyec dam le'enaxat Ñim Nataxala', qataq nachera qome dam chochaq tatec la'anaxat maye saishet da nlaguiñi.»

Isaías 38:19

Nachenata na nca'altauecpi maye ishet da 'am ỹo'oxoren, 'eeta'am da sheetec nagui aỹem. Na nta'alpi qalaq ỹa'axatem na llalaqpi dam sa nquic 'arataxac.

Salmos 71:18

'Am Ñatamnaxala', saishet qome da aỹem 'aualat, na'aictoxo' da mashe aỹem ỹa'axaiquiolec, qataq ỹapagaq na iqaic cha'aye sauotaique da shecto'ot da sa'aqtaxaateguem da lta'araic 'ara'añaxac ne'ena shiỹaxauapi, qataq ca ñaq natauo maye chegoxoguetpi namayepi.

Hechos 2:39

Cha'aye de'era qaỹachaxanapec co'ollaxa, damaye qaralamaxache, nataqa'en nam qaỹa'alquipi, qataq 'enauac na laỹepi shiỹaxauapi. Cha'aye damaye qaỹauotaique da taỹot 'enauac nam iỹaxaneuga Ñim Lo'onatac 'Enauacna maye Qarataxala'.

Ezequiel 20:20

qataq huo'o na 'enec qanqa'eñi ye na'a'q mataxaqui maye ỹalamaxat, da yaqto' la'anaxat da qanaỹamaxataxac, qami' qataq Aỹem, qaq huaña nache qauaỹacheñi da Aỹem nachaỹem Nataxala', maye Aỹem Qanatamnaxala'ai.

Ezequiel 20:12

Qataq nataqa'en sanem co'ollaxa da ỹauatton ye na'a'q mataxaqui da yaqto' la'anaxat da qanaỹamaxataxac somayepi qataq Aỹem, qataq yaqto' ỹaỹateeta da nachaỹem da seỹotauga co'ollaxa da yaqto' ỹalamaxat.

Números 16:38

Nache ana'ana laỹe' so lchenaxanaxat se'eso shiỹaxauapi maye ileu souaxat da lasouaxashet, nache qairapaqchen qome, da yaqto' qalapaxalec añi nca'atoxonaxalate. Cha'aye anamaye mashe qaiỹotauga da qoỹanot Ñim Nataxala'. Qataq yaqto' nachera qome da ỹo'ot da lvitaxa na Israel le'ecpi.

Éxodo 31:13

«'Aua'aqtaxanem qome na Israel le'ecpi, da ỹa'aqtac, 'eeta': ‹Qami' shenapegalo, da huo'o naq 'enec qanqa'eñi ye na'a'q mataxaqui, cha'aye damaye la'anaxat da sheeta, qataq da qoñiita, qataq nache 'eetai' qome naua vi'iye da qauo'ocheetac qataq cam qami' chegoxogueta. Yaqto' qauaỹaañita da Aỹem Nataxala' maye qami' lleca'aua'alo da Aỹem qauo'onataxañiitacot.

Éxodo 13:9

Qaq damaye 'eeta'am qome ca yo'oqchigui la'anaxat na qarhuaqai huo'otaq na qaratapi, yaqto' da huo'otaq qautaqaitac, qalaq nache 'eetai' da qauennacheetapega da lqataxac Ñim Nataxala', cha'aye Ñimaye nacheñi ñi qami' nqateeguesopa ye Egipto co'ollaq qami' iroleguete da lta'araic la'añaxac.

Éxodo 12:14

Qaq que'eca na'a'q, nache qami' saishet da qaucoviỹa'ai da qauo'oche ca ỹataqta lta'araic qayo'oxonnataxanaxaqui da qavio'oxoyiñi Nam Nataxala'. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qataq nache 'ena'am qome ca qaỹa'alquipi.

Josué 4:5

nache 'enapegalo, 'eeta': «Qanqo'oñiỹaxaama ye laiñi ye tala Jordán, yem hueta'a añi arca maye laỹe' da naỹamaxataxac Ñim Nataxala' maye Qanatamnaxala'ai, qaq ñi 'oonolec da qoñiita ỹacoosop qome ca 'oonolec coma' nache ỹachalec na lallac da nallaguishen, qaq que'ecaua doce coma'ye nache ipacchigui ye lcata na maiche nalamaxat nhuo' le'ecpi maye chegoxogueta naua llalqa so Israel.