Josué 4:5 - La'aqtaqa Ñim Lo'onatac 'Enauacna 2013

⁵ nache 'enapegalo, 'eeta': «Qanqo'oñiỹaxaama ye laiñi ye tala Jordán, yem hueta'a añi arca maye laỹe' da naỹamaxataxac Ñim Nataxala' maye Qanatamnaxala'ai, qaq ñi 'oonolec da qoñiita ỹacoosop qome ca 'oonolec coma' nache ỹachalec na lallac da nallaguishen, qaq que'ecaua doce coma'ye nache ipacchigui ye lcata na maiche nalamaxat nhuo' le'ecpi maye chegoxogueta naua llalqa so Israel.

Josué 4:5 Referans Kwoze

Josué 4:4

Huaña nache so Josué iỹaxanalo soua doce shiỹaxau' maye lca'agui'she,

Josué 4:6

Qaq que'ecaua coma'ye la'anaxat qome da qoñiita, cha'aye que'eca na'a'q da ivita da qami' ina't ca qaỹa'alquipi, da 'eeta': ‹¿Chaq negue't ca naigui ne'enaua coma'?›,

Génesis 31:46

nache 'enapega so lauo' le'ecpi, 'eeta': «¡Qalaỹoñiỹa't na coma'pi!» Nache 'enauac somayepi laỹona't so coma'pi, nache lapoosheguem, qaq nache huetaua'a na laỹe se'eso coma'pi, da deque'e somayepi.

Éxodo 24:4

Ime, nache so Moisés ỹiyiñi 'enauac na la'aqtacpi Ñim Nataxala'. Nache so nte'etom so lỹa na'a'q, nache no'ottasheguem. Ime, qaq no'oxoosheguem aso nca'atoxonaxalate, ỹaatot na loigue aso qasoxonaxa qataq no'oxooyishegue'm soua doce coma' naloqchiichigui ye lcata soua doce llalqa so Israel.

Deuteronómio 9:1

So Moisés qaltaq detaqa, 'eeta': «Ñaq aỹem qana'axaỹaxañiỹa qami' Israel le'ecpi, cha'aye mashe ivita nagui da qaua'axasoxoñiilec ye tala Jordán da yaqto' qauo'oyiỹauec, qataq qauacoñiỹa ye na'alhuapi ye shiỹaxauapi maye qami' napacaleguete da la'amaqchec, qataq da la'añaxac, qataq netaigui ye huaqta'a't nỹecpi maye ỹataqta qaỹoqotcheguemec na lpaqtaxat.

Deuteronómio 27:2

Qaq qom mashe ime da qaua'axasoxoñiilec ye tala Jordán, qataq da qaunoxoñiiua'a ye 'alhua maye qami' ỹanema Ñim Nataxala' maye Qanatamnaxala'ai da qaralamaxache, nache qanauaxaỹaxañiisheguem aca coma' late'erai qataq lapagaxaic qanqa'eñi ca la'amnaxat acamaye,

Josué 22:10

Qaq so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, co'ollaq ivita so tala Jordán, co'ollaq ñaq netaigui ye 'alhua Canaán, nache somayepi nauaxaỹaxaasheguem co'ollaxa aso nca'atoxonaxalate naña naqa'en ye loigue so tala.