Josué 4:23 - La'aqtaqa Ñim Lo'onatac 'Enauacna 2013

²³ Cha'aye Ñim Nataxala' maye Qanatamnaxala'ai, 'imñi naqa'en so 'etaxat aso tala Jordán, da yaqto' ñanaxatague na le'ego qataq deqaqtegue naqa'en so qoyegueta, ỹe'enaxatchigui co'ollaq 'imñi naqa'en na 'etaxat so lche aso Auaxai Togaxarai da yaqto' qomi' ñanaxatague na le'ego asomaye.

Josué 4:23 Referans Kwoze

Éxodo 14:21

Nache so Moisés ỹachaxaasheguem na lhuaq, naloqteetelec aso auaxai, nache Ñim Nataxala', anacot so la'at lta'araic maye chegaqa'ague da nala' lliguisheguem, da ỹasheerelec aso auaxai imauec se'eso pe. Huaña, nache ỹauategue se'eso ñegueta, deqaqattague naqa'en.

Isaías 43:16

Ñim Nataxala' ỹauategue co'ollaxa so nqa'aic tachiguingui aso auaxai, qataq som ñegueta maye ỹa'axasoxongui so huo'o da lchec 'etaxat,

Salmos 78:13

Ñimaye icolaxachigui co'ollaxa na 'etaxat aso auaxai, qataq qaỹa'axasoxoolec naqa'en asomaye, qataq vi'iiguet naqa'en na 'etaxat 'eeta'am na mpaqtaxanaxat.

Nehemías 9:11

Qataq ỹauaachigui 'anqa'en somayepi co'ollaq 'auỹoracache so 'etaxat aso auaxai, da yaqto' deqaqattague so llegueta som 'aralamaxat nhuo' le'ecpi, qaq som Egipto le'ecpi maye icaatac somayepi qalaq imoolec 'anqa'en so 'etaxat, nache 'eeta'am ca coma' da iyiiñi ivittaña na ỹoqta pa'aguiñi aso auaxai.

1 Reyes 8:43

qaq 'am maye qoneto'ot na piguem, nache 'aỹa'anem qome ca iỹaxaataique que'eca chegaqauec. Yaqto' 'enauac na shiỹaxauapi ana 'alhua, da 'am ỹauatton qataq huo'o naq 'enec naqa'en 'am, da 'eeta'am na 'aralamaxat nhuo' Israel le'ecpi, qataq ỹaỹaten da nache huaña ana'ana atamnaxaqui maye ño'oxoosheguem da qaiỹaxana da 'are'enaxat.

Éxodo 15:19

Qaq so faraón co'ollaq mashe tangui aso auaxai, netangui aso naigonapi qataq so nalleppi maye netalec so caipi, nache Ñim Nataxala' ỹe'eguelaxa't naqa'en so 'etaxat aso auaxai, nache ipa'axaañi somayepi, qalaxaye so Israel le'ecpi co'ollaq ỹa'axasoxoolec aso auaxai, qalaq deqaqtegue so llegueta.